Dári-dármektiń qymbattaýy: Komıtet senim telefonyn jarııalady

NUR-SULTAN. QazAqparat - Elordada dári-dármekterdi kóterińki baǵada satýdyń úsh faktisin anyqtady. Bul týraly QazAqparat QR Qarjy mınıstrligi Qarjy monıtorıngi komıtetiniń baspasóz qyzmetine silteme jasap habarlaıdy.
Nur-Sultan qalasy boıynsha Ekonomıkalyq tergeý departamenti qyzmetkerleri júrgizgen jedel is-sharalar nátıjesinde QR Densaýlyq saqtaý mınıstrliginiń «Bólshek jáne kóterme saýdada ótkizý úshin dárilik zattyń saýdalyq ataýyna shekti baǵalardy bekitý týraly» buıryǵyna qaıshy dári-dármekterdi kóterińki baǵada satýdyń úsh faktisin anyqtady.
«Qaladaǵy úsh dárihana qyzmetkerleri bir qaptamadaǵy 1000 mg «flemoksın solıýtab amoksıtsıllın» dárisiniń 20 tabletkasyn 4800 teńgege, «Sýmamed» dárisiniń bir oramasyn 7250 teńgege jáne bir orama «Groprınosın 500 mg» 7500 teńgege kóterińki baǵada satqan», - delingen baspasóz habarlamasynda.
Tekseris barysynda 16 qaptama «flemoklav solıýtab 500 mg+125 mg», 7 orama «Sýmamed 500mg», 18 orama «Sýmamed 250 mg» jáne «Groprınosın 500 mg» dárisiniń 11 oramasy tárkilenip alyndy.
Atalǵan quqyqqa qaıshy is-áreket boıynsha tergeý amaldary júrgizilýde. Aıypty tulǵalar jaýapkershilike tartylatyn bolady.
QR QM Qarjy monıtorıngi komıteti men Nur-Sultan qalasy boıynsha ETD qala turǵyndary men qonaqtaryn dári-dármekterdi kóterińki baǵamen satý faktileri belgili bolǵan jaǵdaıda Komıtettiń - 8(7172) 70-84-78, Departamenttiń - 8 (7172) 31-61-45 senim telefondary arqyly habarlaýyn suraıdy.
Eske salsaq, buǵan deıin dáriniń qymbattyǵyna shaǵymdanýǵa bolatyn óńirler boıynsha telefon nómirleri jarııalaǵan edik.
- Túlkibas aýdanynda karantın rejımi jyl basynan beri 258 ret buzylǵan
- Qazaqstanda ótken táýlikte koronavırýstan 1050 adam jazyldy
- Qazaqstanda bir táýlikte 1548 adamnan koronavırýs anyqtaldy
- Koronavırýstyń órshýi: Almatyda sanıtarlyq sharalar kúsheıtildi
-
Almatyda mı ınsýltin dıagnostıkalaıtyn jasandy ıntellekt júıesi tanystyryldy
-
ShQO-da shekteý sharalary 7 aqpanǵa deıin uzartyldy
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam