+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Dári-dármekti saraptaý ulttyq rásimi 1 shildege deıin júrgiziledi

2021 jylǵy 22 maýsym 11:43
Bólisińiz:
Dári-dármekti saraptaý ulttyq rásimi 1 shildege deıin júrgiziledi

NUR-SULTAN. QazAqparat - Dárilik zattardy ulttyq rásim boıynsha tirkeý kezinde saraptamaǵa ótinim qabyldaý 1 shildege deıin ǵana júzege asyrylady, dep habarlaıdy QazAqparat.

Uqsas jańalyqtar

Atalǵan merzim Eýrazııalyq ekonomıkalyq komıssııa keńesiniń sheshimimen belgilengen. Bul shara tirkeý qujattaryn birtindep Eýrazııalyq ekonomıkalyq odaqtyń (EAEO) biryńǵaı talaptary men qaǵıdalaryna sáıkes keltirý úshin qajet.

Atap aıtsaq, EAEO-ǵa múshe memleketterde tirkelgen preparattar 2025 jyldyń sońyna deıin Odaqtyń talaptary men qaǵıdalaryna sáıkestendirilýi tıis.

Ótpeli kezeń 2026 jylǵy 1 qańtarda aıaqtalady jáne Qazaqstannyń ulttyq zańnamasyna sáıkes dárilik zattarǵa berilgen barlyq tirkeý kýálikteri joıylady.

Medıtsınalyq buıymdarǵa keletin bolsaq, olar boıynsha Ulttyq saraptama rásimi 2021 jylǵy 31 jeltoqsanǵa deıin júrgiziletin bolady.

Bul rette qaıta tirkeýdiń ulttyq rásimi 2026 jylǵy 31 jeltoqsanǵa deıin uzartyldy.

Qazaqstandyq rásim boıynsha berilgen merzimsiz tirkeý kýálikteri bar medıtsınalyq buıymdar EAEO-da qaıta tirkeý qajettiliginsiz el aýmaǵyndaǵy aınalymyn jalǵastyratynyn atap ótý qajet.

Qazir Qazaqstan Respýblıkasynyń memlekettik tiziliminde ulttyq zańnama boıynsha 7 337 dárilik zat jáne 9 654 medıtsınalyq buıym tirkelgen.

Sonymen qatar EAEO-nyń biryńǵaı qaǵıdalary boıynsha tirkeý júzege asyrylýda, onyń biryńǵaı tizilimine búginde 335 dári engizilgen.

Pandemııa jaǵdaıynda otandyq óndirýshilerdi qoldaý úshin birqatar sharalar qabyldanǵanyń atap aıtý qajet.

Osy rette EAEO-da dárilik preparattardy tirkeý kezinde olar GMP talaptaryna sáıkestigin rastaıtyn ulttyq qujattardy 2021 jylǵy 31 jeltoqsanǵa deıin ala alady, olar qoldanylý merzimi aıaqtalǵanǵa deıin qoldanysta bolady.

Sonymen qatar, EAEO GMP sáıkestigine qashyqtyqtan ınspektsııa júrgizý múmkindigi qosymsha qarastyrylǵan.

2022 jylǵy 30 maýsymǵa deıin koronavırýs ınfektsııanyń taralýynyń aldyn alý jáne boldyrmaý úshin paıdalanylatyn birqatar taýarlardy kedendik ákelý bajynan bosatý merzimi uzartyldy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT