Darhan Jazyqbaev - Memlekettik qyzmet isteri agenttiginiń tóraǵasy

2022 jylǵy 28 qarasha, 10:30
Darhan Jazyqbaev - Memlekettik qyzmet isteri agenttiginiń tóraǵasy

ASTANA. QazAqparat - Prezıdent Darhan Medeǵalıuly Jazyqbaevty Qazaqstan Respýblıkasy Memlekettik qyzmet isteri agenttiginiń tóraǵasy laýazymyna taǵaıyndady, dep habarlaıdy QazAqparat.

1976 jyly týǵan. Ál-Farabı atyndaǵy Qazaq ulttyq ýnıversıtetin, Qazaqstan Respýblıkasy Іshki ister mınıstrliginiń Qostanaı zań ınstıtýtyn bitirgen.

Mamandyǵy fılosof, fılosofııa pániniń oqytýshysy, zańger. Fılosofııa ǵylymdarynyń kandıdaty.

Eńbek jolyn Almaty zań ınstıtýtynda, sodan keıin Іshki ister mınıstrliginiń akademııasynda oqytýshy bolyp bastaǵan.

Іshki ister mınıstrliginiń apparatynda túrli laýazymdarda qyzmet atqardy.

Parlament Senaty apparatynyń ákimshilik bólim meńgerýshisiniń orynbasary, kadr jumysy jáne memlekettik qupııalardy qorǵaý bóliminiń meńgerýshisi bolǵan.

Parlament Senaty apparaty basshysynyń orynbasary, Prezıdent Ákimshiliginiń ishki saıasat bólimi meńgerýshisiniń orynbasary qyzmetine taǵaıyndalǵan.

2019 jyl maýsym 2022 jyldyń qańtar aralyǵynda Qazaqstan Respýblıkasynyń Memlekettik qyzmet isteri agenttigi tóraǵasynyń orynbasary qyzmetin atqarǵan.

2022 jylǵy 11 qańtarda Memleket basshysynyń Jarlyǵymen Qazaqstan Respýblıkasy Memlekettik qyzmet isteri agenttiginiń tóraǵasy qyzmetine taǵaıyndaldy.

Foto:akorda.kz


Uqsas jańalyqtar
Seriktester jańalyqtary

Jańalyqtar