Darhan Qydyráli men Dáýlet Káribek «Nur Otan» Saıası keńesi Bıýrosynyń quramyna endi

NUR-SULTAN. QazAqparat – «Nur Otan» partııasynyń Saıası keńesiniń keńeıtilgen otyrysynda QR Tuńǵysh Prezıdenti – Elbasy Nursultan Nazarbaev partııanyń Saıası keńesi Bıýrosynyń quramyna ózgeris engizýdi usyndy, dep habarlaıdy QazAqparat tilshisi.

Uqsas jańalyqtar

Qazaqstannyń jyrshy-termeshileri elordada kontsert-spektakl qoıdy

Aqtóbe oblysynda «Nur otan» jumysyn jandandyrý jospary quryldy Túrkistanda «Meniń týym, meniń Otanym!» atty patrıottyq aktsııa ótti Nur Otan partııasynyń Almaty fılıalynda qaıta jańǵyrtý barysy talqylandy

Elbasy atap ótkendeı, bıýronyń qazirgi quramynda 11 múshe bar.

«Buryn aıtqanymdaı, halyqqa barynsha jaqyn bolý kerek. Sheneýnikke tán sıpattan arylǵan jón. Sol sebepti, jastarǵa qoldaý bildirip, ásirese, aýyl jastaryn qolpashtap, ıntellıgentsııamen turaqty dıalogty jolǵa qoıǵan abzal. Sol sebepti, Saıası keńes Bıýrosynyń quramyna ózgeris engizý usynylyp otyr. Máýlen Saǵathanuly Áshimbaev memlekettik qyzmetke ótti. Oǵan sáttilik tilep qoıalyq. Baqyt Turlyhanuly Sultanov memlekettik qyzmetke baryp, mınıstr atandy. Oǵan da rahmet!», - dedi Nursultan Nazarbaev.

Elbasy sózin jalǵastyra kele, Bıýro quramynan shyǵyp qalǵan múshelerdiń ornyna «Egemen Qazaqstan» respýblıkalyq gazeti» AQ Basqarma tóraǵasy Darhan Qýandyquly Qydyrálini engizýdi usyndy.

«Ol kópke belgili. Gazetti kóterdi. Bizdiń ıntellıgentsııamen baılanysy myqty. Sonymen birge, «Jas Otan» jastar qanatynyń lıderi Dáýlet Káribekti usynamyn. Jastardyń atynan sol sóılesin», - dedi Elbasy.

Nursultan Nazarbaevtyń bul usynysyn partııalastary bir aýyzdan qoldap, daýys berdi.