+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Darhan Qydyráli: Egemen-niń 100 jyldyǵyn Alash qaıratkerleriniń mereıtoılarymen ushtastyryp otyrmyz

2019 jylǵy 15 qarasha 12:00
Bólisińiz:
Darhan Qydyráli: Egemen-niń 100 jyldyǵyn Alash qaıratkerleriniń mereıtoılarymen ushtastyryp otyrmyz

NUR-SULTAN. QazAqparat – «Egemen Qazaqstan» gazetiniń 100 jyldyǵyna oraı L.Gýmılev atyndaǵy Eýrazııa ulttyq ýnıversıtetinde «Jahandyq medıasaladaǵy basylymnyń róli men damý tendentsııasy» atty halyqaralyq ǵylymı-praktıkalyq konferentsııa ótip jatyr, dep habarlaıdy QazAqparat tilshisi.

Uqsas jańalyqtar
Elbasy «Egemen Qazaqstan» gazetin 100 jyldyq mereıtoıymen quttyqtady Qoıshyǵara Salǵarauly: «Egemen Qazaqstan» – qazaqtyń 100 jyldyq shejiresi Serik Qırabaev: El gazetin aýdarma-gazet jasamaı alyp qalǵan Jumabek Táshenov edi

Jıynǵa el gazetinde eńbek etken ardagerler – elge belgili qalamgerler men tarıhshylar qatysýda. Konferentsııada sóz bastaǵan «Egemen Qazaqstan» gazetiniń basqarma tóraǵasy Darhan Qydyráli búgingi shara toı toılaý úshin emes, oı oılaý úshin, taǵylym men taǵzymǵa toly sıpatta uıymdastyrylyp otyrǵanyn atap ótti.

«Negizinen biz «Egemen Qazaqstan» gazetiniń 100 jyldyǵyn el gazetinde eńbek etken Alash qaıratkerleriniń mereıtoılarymen ushtastyryp otyrmyz. Qaraǵandydaǵy Egemen-niń kezdesýin Sáken Seıfýllınniń 125 jyldyǵymen ushtastyrdyq. Qostanaıda Beıimbet Maılınniń 125 jyldyǵymen oraılastyrdyq. Sol sııaqty bizdiń mereıtoıymyz Іlııas Jansúgirovtyń 125 jyldyǵymen de sabaqtasa ótti. Ońtústikte Turar Rysqulovtyń 125 jyldyǵyna oraı arnaıy shara ótkizdik. Batystaǵy Bókeı ordasyna arnaıy ekspedıtsııa uıymdastyryldy. Basqa da sharalarymyzdy Egemen Qazaqstan-da - Eńbekshi qazaqta – Ushqynda qyzmet etken qaıratkerlerdiń esimderimen baılanystyrýǵa tyrystyq», - dedi Darhan Qydyráli.


«Egemen Qazaqstan» gazetiniń basqarma tóraǵasy óz sózinde Almatyda jýyrda úlken shara ótkizilip, onda «Egemen Qazaqstan» gazetiniń redaktsııasy ornalasqan, egemendikti elge súıinshilegen, Ábish Kekilbaev pen Sherhan Murtaza qyzmet etken úlken ǵımaratqa eskertkish taqta ornatylǵanyn aıtyp ótti.

«Kezinde Egemende qyzmet atqarǵan, dúnıeden ótken barlyq aǵalarymyzǵa arnap, úlken as berdik. Oǵan Ábdijámil Nurpeıisovten bastap, búkil oqyrmandarymyz, turaqty avtorlarymyz, ardagerlerimiz qatysty. Kórme uıymdastyryldy. Kúni keshe Taraz jerinde taǵylymdy shara ótti. Biraq, búgingi jıynnyń mán-maǵynasy erekshe. Sebebi, birinshiden bul jerde (L.Gýmılev atyndaǵy EUÝ) bizdiń ardager aǵalarymyz eńbek etedi. Serik aǵamyzdyń (Qırabaev) el gazetinde qyzmet atqarǵanyn bilesizder. Sol sekildi bizdiń basylymda Qoıshyǵara aǵamyz tilshi bolǵan. Ómirden ozyp ketken Aqań da (Aqseleý Seıdimbek) «Egemen Qazaqstan» gazetiniń bólimin basqarǵan. Sol sekildi kóp aǵalarymyz gazette qyzmet etti», - dedi ol.


Darhan Qydyráli, «Egemen Qazaqstan» gazetiniń L.Gýmılev atyndaǵy EUÝ-dyń jýrnalıstıka fakýltetimen tikeleı baılanysty ekenin atap ótti.

«Bizde osy fakýltettiń 13 túlegi qyzmet etip jatyr. Qazirgi tańda gazet qyzmetkerleri edáýir jasarǵan. Bizde qazir ortasha jas – 30. Sondyqtan, stýdentterdiń kóbi bizde praktıkadan ótedi. Sonymen qatar, biz ózimizge kadr daıarlaý maqsatynda «Egemen akademııa» degen atty stýdentterge arnaıy dáris uıymdastyrǵan bolatynbyz. Onyń turaqty qatysýshylary – osy Eýrazııa ulttyq ýnıversıtetiniń stýdentteri», - dedi Darhan Qydyráli.


Konferentsııa barysynda Darhan Qydyráli «Egemen Qazaqstan» gazetiniń 100 jyldyǵyna oraı ǵalym Serik Qırabaevqa, jazýshy, tarıhshy Qoıshyǵara Salǵaraulyna arnaıy merekelik medal tabys etti.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT