+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Darhan Káletaev: «Halyq únine qulaq asatyn memleket» tabysty júzege asyrylýda

2019 jylǵy 9 jeltoqsan 14:42
Bólisińiz:
Darhan Káletaev: «Halyq únine qulaq asatyn memleket» tabysty júzege asyrylýda

NUR-SULTAN. QazAqparat - Memleket basshysy Qasym-Jomart Toqaevtyń Joldaýynda halyq pen bılik arasyndaǵy dıalogqa basa mán berildi. Bul týraly QR Prezıdenti Ákimshiligi basshysynyń birinshi orynbasary Darhan Káletaev aıtty, dep habarlaıdy QazAqparat.

«Prezıdent Qasym-Jomart Toqaevtyń bıylǵy Joldaýy óziniń ereksheligimen kózge tústi. Eń basty ereksheligi – bul jańa Prezıdenttiń alǵashqy Joldaýy boldy. Eń aldymen, Joldaýda halyq pen bılik arasyndaǵy dıalog formýlasy boldy, «Halyq únine qulaq asatyn memleket» tujyrymdamasy ázirlendi. Qazir kóptegen sarapshylar osy baǵyt týraly, halyq tarapynan keri baılanys týraly pikirlerin bildirip júr. Qoǵamnyń túrli tarapynan oń pikirler túsip jatyr. Jalpy «Halyq únine qulaq asatyn memleket» tabysty júzege asyrylýda», - dedi D. Káletaev Prezıdenttiń Qazaqstan halqyna Joldaýynyń alǵashqy nátıjeleri týraly ǵylymı-praktıkalyq konferentsııanyń ashylýynda.

Onyń aıtýynsha, Joldaýdyń alǵashqy nátıjeleri týraly sarapshylardyń baǵasyn alý mańyzdy.

«Sondyqtan da, bul konferentsııany uıymdastyrýdy Eýrazııalyq ıntegratsııa jáne Qazaqstan strategııalyq zertteýler ınstıtýttaryna tapsyrdyq. Búgingi jıynda úlken qyzý pikirtalastyń bolǵanyn qalaımyz. Sebebi, pikirtalas mańyzdy. Alǵashqy qorytyndyda qaıda bara jatqanymyzdy, durys baǵytta ekenimizdi, qoǵamnyń bizden ne kútip otyrǵanyn bilýimiz qajet. Qazirdiń ózinde Joldaý boıynsha naqty sharalar bastalyp ketti. Joldaýdy júzege asyrý týraly birqatar zańnamalyq aktiler qabyldandy. Jyl sońyna deıin Qasym-Jomart Kemelulynyń memlekettik apparat pen Úkimet aldyna qoıǵan naqty tapsyrmalarmen baılanysty taǵy birneshe memlekettik qujattardy bekitý josparlanǵan», - dedi D. Káletaev.

Aıta keteıik, elordada Prezıdent Qasym-Jomart Toqaevtyń Qazaqstan halqyna Joldaýynyń alǵashqy nátıjeleri talqylanyp jatyr. Oǵan memlekettik organdardyń, Qazaqstannyń ǵylymı-saraptamalyq qaýymdastyǵynyń 80-nen astam ókili qatysýda.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT