Danııar Eleýsinovtiń qarsylasy anyqtaldy

NUR-SULTAN. QazAqparat - Qazaqstandyq boksshy Danııar Eleýsinovtiń (6-0, 3 KO) qarsylasy anyqtaldy, dep habarlaıdy QazAqparat Vkontakte áleýmettik jelisindegi «Qazaqstannyń kásibı boks» paraqshasyna silteme jasap.
Rıo-de-Janeıro Olımpıadasynyń chempıony Danııar Eleýsinovtiń 25 mamyrǵa josparlanǵan jekpe-jegindegi qarsylasy 27 jastaǵy chılı sportshysy Lýıs Norambýena (3-1-1) boldy.
Qazaqstandyq sportshynyń kásibı bokstaǵy isterimen aınalysatyn amerıkalyq kompanııanyń basshysy Zııa Alıevtiń aıtýynsha, Merılend shtatynyń Atletıkalyq komıssııasy qazaqstandyq pen meksıkalyq Mıgel Zamýdıo arasyndaǵy jekpe-jekke kelisim bermeı qoıǵan. Alaıda chılı boksshysymen rıngke shyǵýǵa ruqsat etken.
Eske salsaq, jekpe-jek Merılend shtatynyń Okson-Hıll qalasyna ótedi. Elorda ýaqyty boıynsha aıqas ýaqyty 26 mamyrdyń tańerteńgi ýaqytyna sáıkes keledi jáne jekpe-jek tikeleı efırden kórsetiledi.
Aıta ketsek, Danııar Eleýsinov (6-0, 3 KO) Golovkın-Rolls jekpe-jeginiń anderkartynda shyǵýy kerek edi. Alaıda keıin boksshynyń menedjeri Zııa Álıev Eleýsinovtiń 8 maýsymdaǵy Golovkın-Rolls anderkardyndaǵy jekpe-jegi belgisiz sebepterge baılanysty bolmaıtynyn jetkizgen.
- Jańqosh Turarov tájirıbeli brıtandyq boksshymen jekpe-jek ótkizedi
- Ulttar kýbogi: Qazaqstandyq boksshy qyzdar 5 «altyn» aldy
- Ulttar kýbogi: Qazaqstandyq boksshy qyzdar eki «altyn» aldy
- Qazaqstandyq klýb brazılııalyq shabýylshymen kelisimshartqa otyrdy
-
Danııar Eleýsinov kásipqoı bokstaǵy eń úzdik jekpe-jegin atady
-
Qazaqstan boksshylar quramasy Kýbaǵa attanyp ketti
- Elbasy joldaýy
- Joldaý júktegen mindetter
- Qazaqstan tarıhy
- Álemdik BAQ Qazaqstan týraly
- Jańa ındýstrııalandyrý
- Bolashaqqa 100 qadam