Danııar Eleýsinovtiń chempıondyq jekpe-jegi keıinge qaldyryldy
2022 jylǵy 21 maýsym 08:19

Danııar Eleýsinovtiń chempıondyq jekpe-jegi keıinge qaldyryldy

NUR-SULTAN. QazAqparat – Qazaqstandyq boksshy Danııar Eleýsinov (12-0, 8 KO) pen ýkraındyq Ivan Golýbtyń (20-1, 15 KO) kezdesýi belgisiz merzimge aýystyryldy, dep habarlaıdy QazAqparat Sports.kz saıtyna silteme jasap.

Eleýsinov — Golýb jekpe-jegi 25 maýsymda AQSh-ta ótedi dep josparlanǵan edi. Qazaqstandyqqa tıesili IBO tujyrymy boıynsha jartylaı orta salmaqtaǵy álem chempıony tıtýly sarapqa salynǵan. Uıymdastyrýshylar aıqastyń qashan ótetinin ázirge aıtpady.

Danııar Eleýsinov IBO belbeýin jeltoqsanda argentınalyq boksshy Hýan Ernan Lealdi (15-3, 4 KO) tóreshilerdiń biraýyzdan sheshimimen jeńip alǵan edi. Sodan beri Eleýsinov rıngke shyqpady.



Uqsas jańalyqtar

Jańalyqtar

Úrdis

MURAǴAT