Danııar Eleýsinov tıtýldyq jekpe-jekten keıin álemdik reıtıngte kóterildi

NUR-SULTAN. QazAqparat – Qazaqstandyq kásipqoı boksshy Danııar Eleýsinov (10-0, 6 KO) Boxrec.com portalynyń reıtınginde kóterildi, dep habarlaıdy QazAqparat Sports.kz-ke silteme jasap.

Eleýsinov BoxRec reıtınginde jartylaı orta salmaqta 40-ynshy orynnan 27-ge kóterilse, onyń qarsylasy Djýlıýs Indongo (23-3, 12 KO) 32-den 60-orynǵa tústi.

Eske sala keteıik, Eleýsinov Indongany ekinshi raýndta tehnıkalyq nokaýtpen jeńip, jartylaı orta salmaqta IBF Inter-Continental chempıony vakanttyq belbeýin ıelendi.

Koronavırýs pandemııasyna baılanysty Danııar 2020 jyly bir ǵana jekpe-jek ótkizip úlgerdi. Buǵan deıin ol sońǵy ret 2019 jyldyń jeltoqsanynda rıngke shyqqan bolatyn.