Danııar Eleýsinov kelesi jekpe-jegin Tehasta ótkizedi
2022 jylǵy 20 maýsym 21:48

Danııar Eleýsinov kelesi jekpe-jegin Tehasta ótkizedi

NUR-SULTAN. QazAqparat – Qazaqstandyq boksshy, IBO nusqasy boıynsha jartylaı orta salmaqta álem chempıony Danııar Eleýsinov pen ýkraınalyq Ivan Golýb arasyndaǵy jekpe-jektiń qaıda ótetini belgili boldy, dep habarlaıdy QazAqparat Sports.kz saıtyna silteme jasap.

Jartylaı orta salmaqtaǵy tıtýldyq emes kezdesý 25 maýsym kúni Tehas shtatynyń San-Antonıodaǵy Tech Port Arena arenasynda ótedi.

31 jastaǵy Danııar Eleýsinov 2016 jylǵy Olımpıadada altyn medal ıelengen bolatyn. Kásibı mansabynda 11 aıqasta jeńiske jetip, onyń beseýin nokaýtpen aıaqtaǵan edi. Sońǵy ret Qazaqstan ókili sharshy alańǵa 2021 jyldyń jeltoqsan aıynda shyǵyp, argentınalyq Hýan Ernan Lealdi jeńgen.

33 jastaǵy Ivan Golýb rıngte 21 jekpe-jek ótkizip, 20-synda jeńgen bolatyn. Onyń 15-in nokaýtpen utqan. Ótken jyldyń tamyz aıynda ol amerıkalyq Erık Ýolkerdi jeńip, USBA nusqasy boıynsha chempıondyq belbeýdi ıelendi. 2017 jyly Ivan Golýb AQSh-tyń sportshysy Djamonteı Klarkpen bolǵan aıqasta ese jibergen bolatyn. Bul – ýkraınalyqtyń jalǵyz jeńilisi.


Uqsas jańalyqtar

Jańalyqtar

Úrdis

MURAǴAT