+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Danıal Ahmetov Óskemende shaǵyn aýdan turǵyndarymen kezdesti

2020 jylǵy 18 qańtar 17:55
Bólisińiz:
Danıal Ahmetov Óskemende shaǵyn aýdan turǵyndarymen kezdesti

ÓSKEMEN. QazAqparat - Kezdesýge jınalǵan 500-den astam turǵyn aımaq basshysy Danıal Ahmetovke saýaldaryn joldap, usynystaryn jetkizdi, dep habarlaıdy QazAqparat óńir basshysynyń baspasóz qyzmetine silteme jasap.

Buqaralyq aqparat quraldary men áleýmettik jelilerde aıtylyp júrgendeı, bul jańa yqsham aýdanda sheshilmegen birqatar túıtkildi máseleler bar. Halyq úni qashanda óńir bıliginiń nazarynda. Al munda atqarý qajet jumystyń qatary az emes. Kópqabatty turǵyn úılerdiń arasynda túbegeıli josparlaý jobasynda joldar men trotýarlar qarastyrylmaǵan. Jer asty sýlaryn burý arnalary, drenaj toraby men nóser kanalızatsııasy kórsetilmegen. Osy rette oblys ákiminiń tapsyrmasymen abattandyrýǵa baǵyttalǵan Keshendi jospar ázirlenip, bıyldan bastap iske qosyldy. Josparǵa sáıkes shaǵyn aýdanda 12 balalar jáne 12 sporttyq alań, 3 fýtbol alańy salynyp, 15 myń aǵash kósheti otyrǵyzylady. Jalpy, 20 myńnan astam sharshy metr aýmaq kógaldandyrylatyn bolady. Aldaǵy ýaqyttaǵy aýqymdy jobalardyń biri – aýmaǵy eki gektar demalys saıabaǵynyń qurylysy.

– Turǵyn aýdandy abattandyrý eki kezeńde júzege asady. Jalpy 1,3 mıllıard teńge bólinedi. Bul qarajattyń qashan jáne qandaı abattandyrý jumysyna jumsalǵanyn, qurylys barysyn endi turǵyndar ózderi jiti baqylaıdy. ıAǵnı, ashyq alań prıntsıpi negizinde yqsham aýdannyń árbir turǵyny qarjy shyǵyny boıynsha jiberilgen kem-ketik tustardy qadaǵalap, tıisti memlekettik organǵa shaǵymdana alady, - dedi óńir basshysy.

Kezdesý barysynda joldanǵan saýaldardyń basym bóligi josparda qamtylǵan jol jóndeý, qoǵamdyq kólikter, jaýyn-shashyn kezindegi sý qubyrlarynyń máselelerine qatysty boldy. – Barlyq máseler josparly túrde sheshimin tabady. Tek birlese jumys atqarýymyz kerek, - dedi jıyn sońynda óńir basshysy.

Jumystyń alǵashqy qorytyndysy shyǵarý maqsatynda aldaǵy ýaqytta turǵyndarmen taǵy da kezdesý ótkiziledi.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT