+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Danıal Ahmetov Óskemen men Semeıde aýyr naýqastarǵa arnalǵan bólimshelerdi ashýdy tapsyrdy

2020 jylǵy 12 shilde 14:48
Bólisińiz:
Danıal Ahmetov Óskemen men Semeıde aýyr naýqastarǵa arnalǵan bólimshelerdi ashýdy tapsyrdy

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov óńirdegi epıdemıologııalyq ahýalǵa baılanysty onlaın rejımde jıyn ótkizdi, dep habarlaıdy QazAqparat tilshisi.

Uqsas jańalyqtar
Koronavırýstyń kúzdegi jańa tolqyny: Daıyndyq qandaı Aýrýhanalardaǵy oryn 60 paıyzǵa bosady – Densaýlyq mınıstrligi Koronavırýs: 70 naýqas ókpeni jasandy jeldetý apparatyna qosyldy

«Búgin aýdan ákimderiniń, oblystyń ınfektsııalyq, provızorlyq statsıonarlarynyń bas dárigerleriniń jáne densaýlyq saqtaý basqarmasy basshysynyń qatysýymen kezekti jınalys ótkizdim. Onyń barysynda Óskemen qalasy, Aıagóz, Jarma aýdandarynyń ákimderi men bas dárigerleriniń medıtsınalyq preparattarmen, jabdyqtarmen qamtylý jaǵdaıy, sondaı-aq koronavırýs ınfektsııasymen jáne pnevmonııamen syrqattanǵan aýyr naýqastarǵa qoldanylatyn sharalar týraly esepteri tyńdaldy. Búgin de oblys aýrýhanalaryndaǵy tósek oryn júktemesi 40% quraıdy», - dep jazdy Danıal Ahmetov Instagram-daǵy paraqshasynda.

Ákimniń habarlaýynsha Densaýlyq saqtaý basqarmasynyń basshysy І.Muhamedjanǵa 15 shildeden bastap Semeı jáne Óskemen qalalarynda COVID-19 jáne pnevmonııasy bar syrqat deńgeıi aýyr naýqastarǵa arnalǵan mamandandyrylǵan bólimsheler ashý tapsyrylǵan.

«Karantındik tósekterdi provızor retinde qaıta uıymdastyrý boıynsha jumys odan ári jalǵasýda. Budan basqa, aldaǵy birneshe kúnde epıdemıologııalyq jaǵdaıdy, statsıonarlardyń júktemesin qadaǵalaýǵa, oblys aýrýhanalarynyń dárilik resýrstaryn baqylaýǵa múmkindik beretin sandyq servıs iske qosylady. Bizdiń basty mindetimiz COVID-19 vırýsynyń taralýyn toqtatý jáne aımaq turǵyndaryna tolyqqandy medıtsınalyq kómek kórsetý ekenin eske salamyn. Ózderińizge qamqor bolyńyzdar, qurmetti meniń jerlesterim!» - dep túıdi aımaq basshysy.

Eske sala ketsek osydan birneshe kún buryn Shyǵys Qazaqstan oblysynyń ákimi 5 shildeden bastap oblystaǵy eki iri qalanyń karantınge jabylatynyn málim etken edi.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT