+7 (701) 759 90 19
USD 376.51 EUR 418.91
RUB 6.13 CNY 54.90
Jańalyqtar

Danıal Ahmetov Altaıdaǵy kópbalaly otbasylardyń jaǵdaıymen tanysty

2019 jylǵy 1 jeltoqsan 05:45
Bólisińiz:
Danıal Ahmetov Altaıdaǵy kópbalaly otbasylardyń jaǵdaıymen tanysty

ÓSKEMEN. QazAqparat –ShQO ákimi Danıal Ahmetov Altaı qalasyna jasaǵan jumys sapary barysynda kópbalaly otbasylardyń turmys jaǵdaıymen tanysty. Bul týraly QazAqparat ákimdiktiń baspasóz qyzmetine silteme jasap habarlaıdy.

Uqsas jańalyqtar
Qazaqstandyqtar áleýmettik-eńbek salasynda memlekettik qyzmet kórsetý sapasyna jaqsy baǵa berdi Qaı sanattaǵy azamattar kásipkerlik grantty «Bastaý-bıznesti» oqymaı ala alady Berdibek Saparbaev: Bizdiń negizgi ustanymymyz - kópbalaly otbasylardy qoldaý

Danıal Ahmetov Altaı qalasynyń turǵyny, úsh balanyń anasy Mırshat Shakenovanyń úıinde bolyp, merekemen quttyqtap, teledıdar tartý etti. Eń kishi balasy Elaman oqý úzdigi, mýzykamen jáne karatemen aınalysady. Aımaq basshysynyń kelgenine qýanǵan toǵyz jasar Elaman alǵysyn aıtyp, er jetkende jalǵyz anasynyń úmitin aqtaıtynyn jetkizdi.

Danıal Ahmetov otbasymen tildese kele, memleket tarapynan az qamtylǵan jáne kópbalaly otbasylardy qoldaý aıasynda aýqymdy sharalardyń júzege asyrylyp jatqanyn aıtyp ótti.

Jyl basynan oblystaǵy 388 otbasy baspanamen qamtyldy. Az qamtylǵan jáne kóp balaly otbasylardyń barlyq balalary tegin ystyq tamaqpen qamtylǵan, osy maqsatqa 200 mln teńge bólingen. Odan keıin Danıal Ahmetov kóp balaly Nadyrovtar otbasyna baryp, mektep jasyndaǵy balalarymen tildesti. Irına Nadyrova tórt balanyń anasy, mamandyǵy boıynsha muǵalim. Eń úlken balasy 12 jasta bolsa, eń kenjesi bir jasta eken.

«Kópbalaly analar atynan árdaıym qoldaý kórsetip, qol ushyn berip kele jatqan Elbasymyzǵa, memleketimizge alǵys bildiremin. Oblys basshylyǵy da bizdi nazardan tys qaltyrmaı, árdaıym kómek kórsetip keledi», – dedi qýanyshyn jasyra almaǵan kópbalaly ana.

Arnaıy aımaqtyq baǵdarlama aıasynda kóp balaly otbasylardyń balalaryna 1747 grant bólindi. Olar shákirtaqyǵa, tegin jol júrý men tamaqtaný múmkindigine ıe. Sondaı-aq, 11 myń kópbalaly otbasy jan-jaqty tegin medıtsınalyq tekserýden ótti.

Aýdanǵa jasaǵan jumys sapary sońynda oblys ákimi Qazaqstan Respýblıkasynyń Tuńǵysh Prezıdenti kúnine arnalǵan saltanatty jıynǵa qatysyp, aýdan jurtshylyǵyn quttyqtady.

«Bul mereke Elbasyna degen halyqtyń qurmetin aıqyndaıtyn kún. Elbasynyń Qazaqstan tarıhynda aıryqsha orny bar zor tulǵa. El táýelsizdigi Nursultan Ábishulynyń esimimen egiz uǵym. Elimizdiń tatýlyqta, ult pen ulysqa bólinbeı ómir súrýi Nursultan Ábishulynyń eńbegi, saıasaty. Táýelsiz Qazaqstan ıadrolyq polıgonnan bas tartyp, álemdik qaýymdastyqqa enip, el bedeli asqaqtap keledi. Elimizdiń shekaralas memlekettermen tatýlyqta ómir súrip, álem moıyndaǵan memleketpiz. Bunyń barlyǵy Ult kóshbasshysynyń kóregendigi», – dedi Danıal Ahmetov óz sózinde.

Sonymen qatar aımaq basshysy elimizdiń áleýmettik-ekonomıkalyq turǵydan qarqyndy damýy, nátıjeli reformalardyń sátti júzege asyrylyp kelýi Elbasymyz bastaǵan sara joldyń nátıjesi ekenin aıtyp ótti.

Jıyn barysynda aımaq basshysy Altaı aýdanynyń aýylsharýashylyǵy, bilim berý, medıtsına, kásipkerlik salasyn damytyp, joǵary kórsetkishterge ıe bolǵan tulǵalardy arnaıy alǵys hattarmen marapattady. Jıyn sońy balalar shyǵarmashyl merekelik kontsertke ulasty.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT