«Damý» qory: Qarajatty maqsatsyz paıdalanǵan kásipkerlerden 2,2 mlrd teńge qaıtaryldy

NUR-SULTAN. QazAqparat – «Damý» qoryn «aldamaq bolǵan» kásipkerler jaıly Ortalyq kommýnıkatsııalar qyzmetinde ótken baspasóz máslıhatynda «Damý» qorynyń basqarma tóraǵasynyń orynbasary Farhat Sársekeev aıtyp berdi, dep habarlaıdy QazAqparat tilshisi.

Uqsas jańalyqtar

Koronavırýs saldarynan qonaqúıge kelýshiler sany eki esege qysqarǵan

Memlekettik basqarý jáne qorǵanys salasyna salynǵan ınvestıtsııalar bir jyldyń ishinde úshten ekige ósti Dollar  baǵamy kóterildi Qaraǵandy oblysy 2021 jyly ónerkásip óniminiń kólemin 3 trln teńgege jetkizbek

«2019 jyly qarajatty maqsatsyz 20 qaryz alýshy paıdalanǵan. Ekonomıka salasy boıynsha bergen ótiniminen tys bıznes bastamaq bolǵan 15 qaryz alýshy anyqtaldy. Sol sekildi jumys oryndaryn ashyp, salyq tóleý jaǵynan mindettemelerin oryndaı almaǵandar kezdesti», - dedi Farhat Sársekeev.

Onyń aıtýynsha, 2019 jyly bankter men mıkronesıelik uıymdarǵa taldaý jasalǵan.

«Bizdiń qaryz alýshylardan qarajatty maqsatsyz paıdalaný boıynsha 2,2 mlrd teńge qaıtaryldy. Keıde qarajatty maqsatsyz paıdalaný jaǵdaıy kezdesedi. Máselen, bir ótinish ıesi mektep nemese balabaqsha salýǵa ótinim berip, onyń nysany qurylys barysynda ol meıramhanaǵa nemese dámhanaǵa aınalyp ketýi múmkin. Alaıda memlekettik qoldaý turǵysynan meıramhana nemese dámhana basymdyqqa ıe sala emes. Tıisinshe, mundaı jaǵdaıda ótinish ıesine bas tartýǵa týra keledi. Sebebi, memleket basymdyqqa ıe salalardy bekitip qoıǵan», - dedi ol.

Farhat Sársekeev memleket basymdyqqa ıe salalardy bekitýiniń óz sebebi baryn aıtady.

«Máselen, taýardy sheksiz ımporttaı bermeı, óz elimizde óndirilýi kerekti ónimderge jeńildetilgen nesıe beriledi. Alaıda kásipkerlerdiń jobany júzege asyrý barysynda josparlary ózgerip ketetin kezder bolady. Mundaı jaǵdaıdy, álbette, biz qarajattyń maqsatsyz paıdalanýyna jatqyzamyz», - dedi ol.