+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Dál qazir sáti kelip tur: Nazarbaev Pýtın men Zelenskııdi kezdestirýdi usyndy

2019 jylǵy 12 qarasha 11:44
Bólisińiz:
Dál qazir sáti kelip tur: Nazarbaev Pýtın men Zelenskııdi kezdestirýdi usyndy

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaev Reseı men Ýkraına arasyndaǵy qaqtyǵysqa qatysty pikir bildirdi, dep habarlaıdy QazAqparat tilshisi.

«Reseı men Ýkraınanyń arasyndaǵy jaǵdaı, árıne, qynjyltady. Olar bir-birine óte jaqyn elder. Alaıda bolary boldy. Іshki jáne syrtqy kúshter aralasyp ketti. Qazir qarym-qatynastyń ajyrap ketkeni sonshalyq... Ýkraına men Reseıdi óte jaqsy bilemin. Alǵashqy kúnderden bastap-aq eki eldi tatýlastyrýǵa tyrysyp kelemin. Meniń jumysymnyń nátıjesi – Mınsktegi alǵashqy kezdesý boldy. Basynda men eýropalyq elderdi aralap, Merkel hanymmen kezdestim. Keıin Kıevke kelip, Poroshenkomen kezdestim. Odan keıin Máskeýge bardym. Frantsııa prezıdenti Qazaqstanda bolǵan kezde jol ortada Pýtınmen kezdesýdi ótindim. Osynyń nátıjesinde biz Mınskte bas qosyp, máselelerdi sheshýge tyrystyq», - dedi Nursultan Nazarbaev Astana Club otyrysynda.

Elbasynyń aıtýyna qaraǵanda, bári oıdaǵydaı kele jatqan.

«Máskeýdiń talaby men ótinishi – Ýkraınanyń shyǵysyndaǵy azamattardy qorǵaý týraly zań qabyldaý edi. Ol azamattar – sondaǵy protseske qatysqandar, sottalǵandar, taǵy basqa... Ýkraına Radasy mundaı zańdy qabyldaǵanymen, ol oryndalmaı jata berdi. Zań osy jyldyń 31 jeltoqsanynda kúshin joıady», - dedi ol.

Nursultan Nazarbaev Ýkraınanyń qazirgi prezıdenti Vladımır Zelenskıımen kezdeskenin aıtyp ótti.

«Keshe Vladımır Pýtınmen bul máseleni ary qaraı qalaı sheshýge bolatyny týraly tildestim. Qarym-qatynastyń ýshyqqany sonshalyq, Ýkraına Batys pen AQSh-qa appelıatsııamen shyǵyp otyr. Meniń oıymsha, Reseı men Ýkraınanyń prezıdentterin jeke kezdestirý kerek. Tek osylaı ǵana kelisýge bolady. Sebebi, eki el arasyndaǵy naqty jaǵdaı sheshiledi. Men osyndaı kezdesý múmkin dep oılaımyn. Menińshe, qazir osy kezdesýdiń dál sáti týyp tur. Birinshiden, Zelenskıı saılaýda halyqtyń qoldaýyna ıe boldy. Dýma da jańa prezıdentti qoldaıtyn azamattardy saılady. Ol osy máseleni sheshe alady. Qos tarap kelisse, bul máseleni alǵa jyljytý kerek», - dedi Elbasy.

Nursultan Nazarbaevtyń aıtýynsha, qazir áskerler bir-birinen alystap jatyr.

«ıAǵnı, máseleniń sheshimi bar. Alǵa jyljý kerek. Reseı men Ýkraına prezıdentteri jiger tanyta bilýi tıis. Bul baǵytta jumys júrgizip jatyrmyn. Barshańyzdy Reseı men Ýkraınanyń arasyndaǵy qatynasty buzbaı, kerisinshe jaqyndastyrýdy usynamyn. Donbas pen Lýgansktegi máseleni sheshý kerek. Protsess júrip jatyr. Tutqyndaǵy azamattar bosap, ásker bir-birinen alystaı bastady. Sondyqtan, osyndaǵy sarapshylar da ondaǵy beıbitshilikti saqtaý baǵytynda oı aıtýy tıis», - dedi ol.

Tuńǵysh Prezıdent Reseı men Ýkraına prezıdentteriniń kezdesýi úshin neıtraldy aımaq retinde Qazaqstandy usyndy.

Eske sala keteıik, keshe QR Tuńǵysh Prezıdenti Nursultan Nazarbaev Reseı Federatsııasynyń Prezıdenti Vladımır Pýtınmen telefon arqyly sóılesken edi. Al Japonııaǵa sapary kezinde Elbasy Ýkraına Prezıdenti Vladımır Zelenskıımen kezdesken.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT