+7 (701) 759 90 19
USD 399.51 EUR 447.33
RUB 5.78 CNY 56.10
Jańalyqtar

Dákeden maska tigý uıat emes, maska tapshylyǵy búkil álemde bar - mınıstr

2020 jylǵy 30 naýryz 22:33
Bólisińiz:
Dákeden maska tigý uıat emes, maska tapshylyǵy búkil álemde bar - mınıstr

NUR-SULTAN. QazAqparat – Bizge 45 mıllıonǵa jýyq maska qajet. Bul týraly eldegi koronavırýstyq ınfektsııa boıynsha aǵymdaǵy jaǵdaı jaıly onlaın brıfıngte aıtyldy, dep habarlaıdy QazAqparat tilshisi.

«Jyl basynda elimizde kúndelikti 200 myń maska tigip, ózimiz paıdalanatynbyz. Maskanyń 80% óz elimizde tigiledi. Al arnaıy maskany shetelden alamyz. Epıdemııanyń aldynda bizdiń memlekettegi farmatsevtıkalyq zaýyttar kúndelikti 200 myń, aıyna 6 mıllıon dana maska shyǵaratyn jáne ol jetkilikti bolatyn» , - deıdi QR Densaýlyq saqtaý mınıstri Eljan Birtanov.

Ol aqpan aıynda epıdemııa bastalǵaly atalǵan zaýyttardyń múmkindigin keńeıtý jumystary júrgizilgenin aıtty.

«Ókinishke qaraı, ol ońaı bolǵan joq. Shıkizattyń kóbi Qytaıdan aldyrylatyn, al Qytaı eksportty toqtatty. Basqa da memleketterdiń múmkindigin, ózimizdiń eldegi múmkindikti qarastyryp, kúnine 1 mıllıon dana túrli maska tigilýde. Bir aıda elimizde 30 mıllıon maska tigilip, qajetti medıtsınalyq mekeme, dárihanalarǵa taratyldy. Shynyn aıtý kerek, medıtsınalyq maska qajettiligi áli bar. Bizge 45 mıllıonǵa jýyq maska kerek bolyp tur, demek maska tapshylyǵy bar. Maska tapshylyǵyn joıý úshin memleket tarapynan maska eksporttaý toqtatyldy. Ekinshiden, maska memlekettik komıssııanyń sheshimimen taratylady. Aldymen medıtsınalyq mekemelerge taratylady. Memleket basshysynyń tapsyrmasy boıynsha, keıbir qajetti toptarǵa tegin beriledi. Bul jumystar Nur-Sultan, Almaty qalalarynda bastalyp ketti. Maskaǵa qatysty jaǵdaı dúnıe júzinde bar, sebebi buǵan eshkim daıyn bolǵan joq. Keıbir adam dákeden maska tigý uıat ekenin aıtady. Ol uıalatyn jaǵdaı emes, sebebi Qazaqstanda ǵana emes, basqa da memleketterde áskerı, medıtsınalyq qyzmetkerler, túrmede otyrǵan azamattar, ártister bizdi qoldap, maska tigip jatyr. Ótken ǵasyrda ata-babalarymyz dákeden jasalǵan maska arqyly budan da qaýipti epıdemııalardy toqtatqan. Dúnıe júzinde osyndaı qıyn jaǵdaı bolǵan kezde barlyq múmkindikterdi paıdalanýymyz kerek. Qajet bolsa osyndaı marliden kóp ret paıdalanýǵa bolatyn maska tigip, paıdalanamyz. Maqsat – ınfektsııany toqtatý» - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT