+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Daǵdarystan birinshi bolyp damyǵan elder shyǵa bastaıdy

2020 jylǵy 29 qazan 11:27
Bólisińiz:
Daǵdarystan birinshi bolyp damyǵan elder shyǵa bastaıdy

NUR-SULTAN. QazAqparat – QR Parlamenti Senatynyń jalpy otyrysynda Ulttyq bank tóraǵasynyń orynbasary Aqyljan Baımaǵambetov respýblıkalyq bıýdjet ólshemderin naqtylaý aıasynda aqsha-nesıe saıasaty kórsetkishteriniń boljamyn usyndy, dep habarlaıdy QazAqparat tilshisi.

Uqsas jańalyqtar
Kókshetaýlyqtar jergilikti ónimdi deldalsyz satyp alatyn boldy EÚK otyrysynda qara jáne tústi metall qaldyqtaryn Qazaqstan aýmaǵynan shyǵarý máselesi qaralady

Onyń sózine qaraǵanda, qazirgi kezde álemdik ekonomıka belgisizdik ári syrtqy kúızelister áseriniń yqpalynda damyp jatyr. Atalǵan boljamdar osy jaǵdaıdy eskere otyryp daıyndalǵan.

«Birinshiden, koronavırýs pandemııasynyń taralýy orta merzimdi perspektıvada álemdik ekonomıkaǵa áser etetin negizgi faktorlardyń biri bolyp otyr. Ekinshiden, pandemııaǵa baılanysty ahýaldyń nasharlaý táýekelderimen qosa AQSh pen Qytaı arasyndaǵy saýda qarama-qaıshylyqtary, Reseıge qatysty sanktsııalyq rıtorıkanyń kúsheıýi jáne basqa da geosaıası faktorlar álemdik ekonomıkaǵa qosymsha qysym jasaıdy. Úshinshiden, álemdik qarjy jáne taýar naryqtarynyń, álemdik ekonomıkanyń qarqyny baıaýlaýǵa qatysty qaýiptenýdiń ósýi aıasynda munaı naryǵynyń qubylmalyǵy. AQSh-taǵy prezıdenttik saılaý jáne AQSh tarapynan yntalandyrý sharalary paketiniń mólsheri de syrtqy naryqtar úshin mańyzdy táýekel-faktorlarynyń biri bolyp qalýda», - dedi Baımaǵambetov.

Osy faktorlardy eskere otyryp, halyqaralyq uıymdar óz boljamdaryn qaıta qarady. Bıylǵy 13 qazanda Halyqaralyq valıýta qory (HVQ) 2020 jyly ishki jalpy ónimniń (ІJÓ) kútiletin tómendeýin 4,9 paıyzdan 4,4 paıyzǵa deıin 50 bazıstik tarmaqqa qaıta qarady. Damyǵan elder toby boıynsha 2020 jylǵa arnalǵan boljam mınýs 8 paıyzdan mınýs 5,8 paıyzǵa deıin jaqsarǵan. Al Qazaqstan kiretin damýshy elder boıynsha bul kórsetkish mınýs 3 paıyzdan mınýs 3,3 paıyzǵa deıin ózgerdi.

«Álemdik ekonomıkanyń 2021 jyldan bastap qalpyna kelýi kútiledi, al daǵdarystan birinshi bolyp damyǵan elder shyǵa bastaıdy. Tómen baza aıasynda álemdik ekonomıkanyń ósýi 2021 jyly 5,2 paıyzǵa jetip, orta merzimdi perspektıvada 3,5 paıyzǵa deıin birtindep baıaýlaıdy. Osy jaǵdaılarda aǵymdaǵy jyly Úkimet ІJÓ-niń 2,1 paıyzǵa qysqarýyn kútýde, bul mınýs 2-den mınýs 2,3 paıyz deńgeıindegi Ulttyq banktiń jańartylǵan boljamyna sáıkes keledi», - dedi UB ókili.

ІJÓ boıynsha jańartylǵan derekterdi jáne naryqtaǵy qazirgi jaǵdaıdy eskere otyryp, aqsha-kredıt saıasaty men tólem balansy kórsetkishteriniń boljamy naqtylandy.

«Qyrkúıekte qatarynan eki aı boıy ınflıatsııanyń 7 paıyzdyq deńgeıde turaqtanǵany baıqalady. Azyq-túlik ınflıatsııasy negizgi úles qosýyn jalǵastyrýda. Ol aldyńǵy aımen salystyrǵanda 0,1 paıyzǵa tómendep, bıylǵy qyrkúıekte 10,8 paıyzdy qurady. Azyq-túlik ınflıatsııasy qurylymynda et jáne nan-toqash ónimderi naryqtarynda baǵa ósýiniń jyldyq qarqyny baıaýlaǵany baıqaldy. Mańyzdy ımporttyq quramy bar taýarlar tobynyń baǵasy óskeni baıqalady», - dedi Aqyljan Baımaǵambetov

Azyq-túlikke jatpaıtyn ınflıatsııa karantın sharalaryna jáne saýda obektileriniń jumysyn shekteýge baılanysty tutynýshylyq suranys tómendeýi aıasynda 5,5 paıyz boldy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT