+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Daǵdarysqa alǵash tap bolyp otyrǵan joqpyz – Nursultan Nazarbaev

2020 jylǵy 4 maýsym 23:33
Bólisińiz:
Daǵdarysqa alǵash tap bolyp otyrǵan joqpyz – Nursultan Nazarbaev

NUR-SULTAN. QazAqparat - QR Tuńǵysh Prezıdenti - Elbasy Nursultan Nazarbaev «Samuryq-Qazyna» ulttyq ál-aýqat qorynyń jumysyna baǵa berdi, dep habarlaıdy QazAqparat tilshisi.

Uqsas jańalyqtar

«Samuryq-Qazyna» qoryn dúnıedegi eń úzdik tájirıbege súıene otyryp jasadyq. Onyń negizgi maqsaty – ulttyq ekonomıkanyń básekege qabilettiligin arttyrý, ulttyq kompanııalar aktıvteriniń baǵasyn kóterý boldy. Qor óziniń mıssııasyn oryndap keledi. Ásirese sońǵy jyldary, kúrdeli kezeńderde ekonomıkamyzdyń naqty qoldaýshysy bolyp, zor úles qosty. Meniń tapsyrmammen «Samuryq-Qazyna» qory qurylǵanda oǵan elimizdiń eń iri aktıvteri endi. Bul qadam olardyń qunyn qymbattatyp, kiristi arttyryp, osy kompanııalardaǵy ónim shyǵarý kólemin kóbeıtti», - dedi N. Nazarbaev «Samuryq-Qazyna» ulttyq ál-aýqat qoryn basqarý jónindegi keńestiń otyrysynda.

Byltyrǵy jyldyń qorytyndysy boıynsha, qor barlyq ónerkásiptik jáne qarjylyq baǵytta oń nátıje kórsetti. Byltyrǵy tabys kólemi – 1,2 trıllıon teńgeni, bıýdjetke tólem 1,1 trıllıon teńgeni quraǵan.

«Jalpy, 2018-2019 jyldary qor memlekettik bıýdjettiń kirisin salyq tólemi retinde 2,2 trıllıon teńgege arttyrdy. Mindetterdi tóleý aıasynda Ulttyq qorǵa 460 mıllıard teńge aýdaryldy. Bul – óte jaqsy kórsetkish. Munaı baǵasynyń arzandaýy, jolaýshylar men júk tasymalynyń azaıýy, elektr energııasyn jetkizýdiń tómendeýi qor kompanııalarynyń óndiristik jáne qarjylyq kórsetkishterine keri áser etti. Men «Samuryq Qazyna» basshylyǵy kótergen operatsııalyq jáne ákimshilik shyǵyndardy ońtaılandyrý jónindegi bastamalardy qoldaımyn. Munyń qanshalyqty durys ári tıimdi ekenin slaıdtan kórdińizder. Onyń ústine, bul elimizdegi IT ındýstrııasyn jetildirýge múmkindik beredi», - dedi Elbasy.

Tuńǵysh Prezıdenttiń aıtýynsha, qor qompanııalary karantındik shekteýler alynǵannan keıin de qashyqtan jumys isteýdi jalǵastyrý jobalaryn júzege asyrýǵa kirisip ketti. Bul, ofıske, transporttyq, tehnıkalyq jumysshylarǵa tólenetin jáne basqa da shyǵyndy azaıtýǵa kómektesedi.

«Qabyldanǵan sharalar arqyly qor óndiristik baǵyttaǵy qyzmetkerlerdi jappaı qysqartýǵa jol bergen joq. Bul – óte mańyzdy. Daǵdarysqa alǵash tap bolyp otyrǵan joqpyz ǵoı. Buǵan deıin 1998 jylǵy daǵdarysty da, 2008-2009 jyldardaǵy álemdik daǵdarysty da eńserdik. Men búkil kompanııalardan jumys ornyn, adamdardy saqtap qalýdy suradym. Tipti, qazir aqsha tólemesek te, jumys ornyń saqtalady deseń, osynyń ózi – úlken qoldaý. Ol qaıta oralyp, kompanııada jumys isteıtinin biledi. Bul mysaldar basqalarǵa da úlgi bolýy tıis. Osy tásildi barlyq jerde qoldaný kerek», - dedi N. Nazarbaev.

«Sońǵy eki jyl kóleminde qor syrtqy qaryzynyń 8 mıllıard teńgesin merziminen buryn tóledi. Bul valıýta kýrsynyń ózgerýine baılanysty joǵalýy múmkin 1 trıllıon teńgeni únemdeýge kómektesti. Daǵdarysqa qaramastan, joǵary atalǵan sharalar kesheni Úkimetke 120 mıllıard teńge kóleminde dıvıdent tóleýge múmkindik berdi. Bul 2017 jylmen salystyrǵanda 10 esege kóp», - dedi Nursultan Nazarbaev.



Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT