+7 (701) 759 90 19
USD 419.66 EUR 500.44
RUB 5.62 CNY 64.73
Jańalyqtar

COVID-19 juqtyrý jaǵdaılary kóbinese aldyn alý sharalaryn elemeýden - dáriger

2021 jylǵy 27 qańtar 12:34
Bólisińiz:
COVID-19 juqtyrý jaǵdaılary kóbinese aldyn alý sharalaryn elemeýden - dáriger

ALMATY. QazAqparat - Almaty qalasynyń №32 qalalyq emhanasynyń bas dárigeri Artýr Qajybaev óńirlik kommýnkatsııalar qyzmetinde ótken onlaın brıfıngide megapolıstegi kúrdeli epıdemııalyq jaǵdaı aıasynda qala turǵyndaryna birqatar usynystar aıtty, dep habarlaıdy QazAqparat tilshisi.

Uqsas jańalyqtar
Koronavırýs pnevmonııasynan 2 adam qaıtys boldy 742 adam koronavırýs ınfektsııasynan jazylyp shyqty Qazaqstanda ótken táýlikte 832 adamnan koronavırýs anyqtaldy

«Birinshiden, betperde kıip, adamdar kóp jınalatyn oryndarǵa barmaý, qolǵa qolǵap kııý mindetti. Úıge kelgennen keıin qoldy jýý kerek. Adamdarmen kezdesken kezde 1,5-2 metr qashyqtyqty saqtaý qajet. Bastysy adamdar kóp toptasyp jınalatyn jerlerge barmaý kerek», - dedi ol.

Artýr Qajybaev sonymen birge, qolǵap pen betperdeni ásirese qoǵamdyq kólikte kııýdiń mańyzdylyǵyn túsindirdi.

«Qolǵap kııý óte mańyzdy, óıtkeni eger qolǵapsyz qolymyzda ınfektsııa bolsa, biz ony baıqamaımyz jáne avtomatty túrde betimizdi qolmen ustaımyz. Sóıtip biz tez juqtyrýymyz múmkin. Qazirgi ýaqytta betperdeler eń mańyzdy saqtyq sharalarynyń biri bolyp tabylady, adamdar bir - birimen sóılesken kezde ınfektsııa aýa arqyly taralady, sondyqtan qala turǵyndaryna betperde men qolǵap kıgen durys dep oılaımyn», - dedi bas dáriger.

Esterińizge sala keteıik, Almatyda juqtyrý oryndary týraly aqparatqa sáıkes, kóbinese adamdardyń 39,6%-y qoǵamdyq oryndarǵa baryp juqtyrǵan, 27,5%-y-otbasynda KVI-men aýyratyn naýqaspen qarym-qatynas jasaǵan, 20,3%-y qoǵamdyq kólikte juqtyrǵan.

«Juqtyrý sebepterine keletin bolsaq, eń bastysy naýqastar naýqas adamdarmen qarym - qatynasta boldy. Ekinshiden, adamdar kóp jınalatyn jerlerde bolǵandar jáne qonaq shaqyryp, qonaqqa, mysaly toıǵa barǵandar. Odan keıin azyq-túlik dúkenderinen - 36%, qoǵamdyq kólikterden - 13%, bazarlardan juqtyrǵandar sany -12%. Bul bizdiń emhanada baqylaýǵa alynǵan 23 adamnyń juqtyrý oqıǵalary boıynsha statıstıka. Kóbinese juqtyrý jaǵdaılary aldyn alý sharalaryn eskermeýmen baılanysty», - dedi ol.

Spıker sondaı-aq mobıldi brıgadany qandaı jaǵdaılarda dereý shaqyrý kerek degen suraqqa jaýap berdi.

«Eger JRVI belgileri - jótel, dene qyzýy paıda bolsa, onda emdelýshige emhanaǵa júginý - tirkeý bólimine qońyraý shalý qajet. Tirkeý ornynda mobıldi brıgadaǵa aýystyrady, mobıldi brıgada kelip, qyzmet kórsetedi. Eń aldymen olar (mobıldi brıgada) da qońyraý shalyp, jaǵdaıyna baǵa berip, sodan keıin kelip kómek kórsetedi. Mobıldi brıgada kelip, qarap, aýrýhanaǵa jatqyzý qajet degen belgilerdi kórse, naýqas aýrýhanaǵa jatqyzylady. Bul kezde naýqas 14 kún boıy baqylaýda bolady», - dep túsindirdi Artýr Qajybaev.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT