+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

COVID-19 juqtyrý 43%-ǵa ósti: Qostanaı oblysynda jańa karantın shekteýi engizildi

2021 jylǵy 27 shilde 21:45
Bólisińiz:
COVID-19 juqtyrý 43%-ǵa ósti: Qostanaı oblysynda jańa karantın shekteýi engizildi

QOSTANAI. QazAqparat – Qostanaı oblysynda demalys jáne mereke kúnderi «Ashyq» jobasyna qatysy bar-joǵyna qaramastan, barlyq nysandardyń jumysy toqtatylady. Mundaı sharalar 14 tamyzdan bastap ázirge eki aptaǵa engizilip otyr, dep habarlaıdy QazAqparat tilshisi Arhımed Muhambetovtiń Instagram-akkaýntyna silteme jasap.

Uqsas jańalyqtar
Atyraý oblysynda ınfektsııalyq statsıonarlardaǵy naýqastar 4 esege azaıdy Jańa qaýly: Pavlodarda ǵımarattardy korporatıvtik shara úshin jalǵa alýǵa tyıym salyndy Jańa qaýly: Pavlodarda vaktsına almaǵan kásiporyn jumysshylary jumystan shettetiledi

Qostanaı oblysy ákiminiń tóraǵalyǵymen KVI-diń taralýyn boldyrmaý jónindegi jedel shtabtyń kezekti otyrysy ótti. Onda m onıtorg toptarynyń jumysy talqylandy. 2021 jyldyń 1 maýsymy men 25 shildesi aralyǵynda 4 724 reıd júrgizilgen, 190 karantın sharalaryn buzý faktisi tirkeldi.

Oblysta 1 627 ınfektsııalyq (51,9%-y bos emes) jáne 300 karantın tósek orny (25,6%-y bos emes) – barlyǵy 1 927 oryn daıyndalǵan.

Sonymen qatar búgingi kúni oblysqa vaktsınanyń birinshi komponentiniń 259 500 dozasy, ekinshi komponentiniń 194 415 dozasy jetkizilgen. Birinshi komponentti saldyrǵandar sany – 234 070 adam, oblys turǵyndaryn vaktsınamen qamtý – 46,3%.

«Ókinishke oraı, oblystaǵy epıdemıologııalyq ahýal nashar. Sońǵy aptanyń ózinde 1 181 adam koronavırýs juqtyrdy, ótken aptada bul kórsetkish 824 bolǵan, juqtyrý 43%-ǵa ósken. Odan bólek, barlyq usynystardy qarastyrý kezinde Shtab 1-14 tamyz aralyǵyna eki aptaǵa kelesi shekteýlerdi engizýge uıǵardy», - dep málimdedi Arhımed Muhambetov.

Osylaısha, Ashyq jobasyna qatysy bar-joǵyna qaramastan, demalys jáne mereke kúnderi barlyq nysandardyń jumysy toqtatylady.

«Bul – mádenıet nysandary, teatrlar, kınoteatrlar, qoǵamdyq tamaqtaný oryndary. Jumys kúnderi 20:00-ge deıin jumys tártibi belgilenedi. Aýdany 2000 sharshy metrden joǵary nysandardyń jumysy toqtatylady, olardyń qatarynda azyq-túlik emes taýarlardy satatyn saýda-oıyn-saýyq ortalyqtary bar. Sonymen qatar azyq-túlik jáne azyq-túlik emes bazarlardyń, jabyq bazarlardyń, saýnalardyń, SPA-ortalyqtardyń, basseınderdiń, jabyq sport nysandarynyń, termoparkterdiń jumys isteýine tyıym salynady», - dep qosty óńir basshysy.

Ákim oblys turǵyndaryn ózderiniń jáne jaqyndarynyń densaýlyǵy úshin jaýapkershilik sezinýge, sonymen qatar epıdemııaǵa qarsy sharalardyń barlyq erejelerin saqtaýǵa jáne ýaqytyly COVID-19-ǵa qarsy vaktsına alýǵa shaqyrdy.


Avtory Janna Musabaeva


Bizdiń kanalymyzǵa jazylyńyz:

Bólisińiz:

Avtor:

Bıbihan Serikova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT