+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

COVID-19 jáne pnevmonııadan jazylyp shyqqandardy ońaltý tártibi qandaı

2020 jylǵy 24 qyrkúıek 13:57
Bólisińiz:
COVID-19 jáne pnevmonııadan jazylyp shyqqandardy ońaltý tártibi qandaı

NUR-SULTAN. QazAqparat – Koronavırýs ınfektsııasymen jáne ortasha aýyr, aýyr jáne asa aýyr pnevmonııamen aýyryp jazylǵan qazaqstandyqtar Áleýmettik medıtsınalyq saqtandyrý qorynyń qarajaty esebinen ońaltýdan ótedi. Bul týraly atalǵan qordyń basqarma tóraǵasy Bolat Tókejanov málim etti, dep habarlaıdy QazAqparat tilshisi.

Onyń aıtýynsha, koronavırýs ınfektsııasy men ortasha aýyr, aýyr jáne óte aýyr dárejeli pnevmonııamen aýyrǵan naýqastar medıtsınalyq ońaltýǵa jatady. Medıtsınalyq ońaltýǵa joldama reabılıtologtyń qatysýymen aýrýhananyń nemese emhananyń mýltıdıstsıplınarlyq komandasynyń qorytyndysy boıynsha beriledi.

«Kórsetkishterdi baǵalaýdyń negizgi krıterııleri: tynys alý fýnktsııasy, kúndelikti ómirge qabilettilik. Óte aýyr jáne aýyr dárejedegi KVI nemese pnevmonııamen aýyrǵan patsıentter táýlik boıy statsıonar deńgeıinde 2 kezeńdegi ońaltýǵa jatady, keıinnen 3 kezeńge aýystyrylady. Ortasha aýyr KVI/pnevmonııaǵa shaldyqqan patsıentter táýliktik statsıonar deńgeıinde, onyń ishinde sanatorıı-kýrorttyq jaǵdaıda, kúndizgi statsıonarda jáne ambýlatorııalyq-emhanalyq deńgeıde 3 kezeńdegi ońaltýǵa jatady. Sondaı-aq, úıde emdelip, medıtsınalyq uıymdarǵa júginbegen azamattarǵa 3 kezeńdi ońaltý qarastyrylǵan. Árıne, olar da mýltıdıstsıplınarlyq komandanyń tekserýinen ótýi kerek», - dedi ol.

Tókejanov qazirdiń ózinde koronavırýs ınfektsııasy men pnevmonııamen aýyratyn naýqastardy erte ońaltý aýrýhanada emdelý kezinde «Koronavırýs ınfektsııasy - COVID-19» klınıkalyq hattamasynyń 10-redaktsııasyna sáıkes júzege asyrylyp jatqanyn eske saldy.

Jalpy, ońaltý qyzmetterin kórsetý úshin bıyl Áleýmettik medıtsınalyq saqtandyrý qory 559 jetkizýshimen 46,7 mlrd teńgege shart jasasty. Olardyń qatarynda 203 jeke medıtsınalyq uıym bar.

«Densaýlyq saqtaý mınıstrliginiń buıryǵy bekitilgennen keıin, Qor koronavırýs nemese pnevmonııadan jazylyp shyqqan, medıtsınalyq ońaltýǵa muqtaj saqtandyrylǵan patsıentterdiń emin qarjylandyrýǵa daıyn», - dedi basqarma tóraǵasy.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT