+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

COVID-19: Shartaraptaǵy saqtyq sharalary

2020 jylǵy 18 qazan 20:42
Bólisińiz:
COVID-19: Shartaraptaǵy saqtyq sharalary

NUR-SULTAN. QazAqparat - Shet elderde koronovırýspen aýyrǵan halyqtyń sany kóbeıip, saqtyq sharalary kúsheıtilip jatyr. Ásirese, Eýropa elderindegi epıdemııalyq ahýal asqynyp barady. COVID-19 vırýsy tarap jatqan shartarapqa sholý jasap óteıik.

Uqsas jańalyqtar
Qazaqstanǵa áýe reısimen kelgen úsh jolaýshydan koronavırýs ınfektsııasy anyqtaldy Almaty oblystyq sotynyń 8 mamany koronavırýs juqtyrdy Koronavırýs: Qazaqstannyń 6 oblysy men 1 qalasy «qyzyl» aımaqta tur

Іrgemizdegi Reseıde juqpaly dertke shaldyqqandar sany kúnnen-kúnge artyp barady. Reseı aýrýhanalarynda jatqan naýqas sany 160 myńnan asyp ketken. Jansaqtaý bólimderinde 3 myńdaı naýqas em alyp jatyr. Bir táýlikte ınfektsııa 15 myńnan astam adamnan tabylyp, rekord jańardy. Olardyń 5 myńǵa jýyǵy Máskeý turǵyndary. Jalpy eldegi naýqastar sany 1 mıllıon 370 myńǵa jýyqtap, 24 myńdaı adam qaıtys bolǵan. Eýropa elderinde kúnine 330 myńnan astam adamnan koronavırýs anyqtalady. «Qart Qurlyqta» epıdemııanyń qarqyny men aýqymy Dúnıejúzilik densaýlyq saqtaý uıymyn alańdatyp otyr. Jaǵdaıdyń ýshyǵýy, ásirese, Frantsııada baıqalyp otyr. Bul memlekette bir táýlikte 30 myńnan astam adam COVID-19 juqtyrǵan. Osyǵan baılanysty tótenshe jaǵdaı jarııalanyp, Parıj ben 8 eldi mekende kommendant saǵaty engiziletin boldy.

Shveıtsarııa densaýlyq saqtaý mamandarynyń habarlaýynsha, elde sońǵy aptada koronavırýs juqtyrǵandar 4 ese kóbeıgen. Іndetten 2 115 adam qaıtys boldy. Іri qalalarda qoǵamdyq sharaǵa tyıym salynyp, kópshilik júretin jerde azamattarǵa maska taǵý mindetteldi. Al jalpy koronavırýsty emdeýge arnalǵan oryn sany – 182 myń.

Iranda da koronavırýs tóńiregindegi epıdemıologııalyq ahýal nasharlap barady. Jergilikti densaýlyq saqtaý mınıstrliginiń dereginshe, elde bir táýlik ishinde 400-deı adam qaıtys bolypty. 5 myńnan astam adam ınfektsııa juqtyrǵan. Naýqastardyń kóptiginen Tegeran aýrýhanalarynda bos oryn joq. Іndetpen kúreske áskerıler tartylyp jatyr. Iınfektsııa keń taralǵan 5 qalaǵa barýǵa shekteý qoıylǵan.

Ispanııa astanasynda koronavırýs órship, jaǵdaı kúrdelene tústi. Madrıd aýrýhanalarynda naýqastyń qarasy kóbeıgen. Biraq bılik aýyr halde jetkizilgen adamyyń sany kóktemdegiden áldeqaıda tómen ekenin aıtady. Densaýlyq saqtaý mınıstri Salvador Illa shekteý sharalary shahardaǵy jaǵdaıdy turaqtandyrýǵa kómektesýi tıis dep otyr. Ispanııada koronavırýs juqtyrǵandar sany 900 myńnan asqan.

Ulybrıtanııanyń astanasynda da koronavırýsty juqtyrǵandar sanynyń ósýine baılanysty karantın kúsheıtildi. Londonda shekteýdiń ekinshi deńgeıi engizildi. Jańa tártipke saı bir úıde turmaıtyn adamdardyń kezdesýine tyıym salynady. Al kóshede 6 adamnan artyq jınalýǵa bolmaıdy. Bılik qoǵamdyq kóliktiń ornyna velosıped, elektr skýterdi paıdalanýǵa keńes beredi. Jáne qajettilik bolmasa alys saparǵa attanýdan bas tartýǵa shaqyrdy. Ulybrıtanııada koronavırýs juqtyrǵandar sany 640 myńnan asqan.

Germanııada koronavırýsty juqtyrǵandar kún saıyn kóbeıip keledi. Keshe koronovırýs 7 myń 830 adamnan anyqtalǵan. Bul – indet taralǵaly eń joǵarǵy bir kúndik kórsetkish. Robert Koh ınstıtýty dertke shaldyqqandar kúnine 10 myńnan assa, keı aımaqtar karantınge jabylýy múmkin dep otyr. Biraq bılik jappaı karantın engizilmeıtinin aıtyp, tyıymdy qataıtýdy ǵana qolǵa alyp jatyr. Mysaly, birqatar qalanyń ortalyq kóshelerinde maska taǵyp júrý tártibi engizildi. Kelnde polıtsııa adam kóp jınalǵan jerde jáne kólikte de maska kııý kerek. Bılik halyqtan áleýmettik araqashyqty saqtap, shekteýdi oryndaýdy surap otyr. Germanııa prezıdenti Frank-Valterdiń ózi karantınde otyr eken. Jeke kúzet qyzmetkeriniń birinen koronavırýs tabylǵannan keıin ol osy talapqa baǵyndy. Birden PTR tapsyrǵan, alaıda qaýipti vırýs anyqtalmaǵan. Jaqyn arada el prezıdenti qaıta test tapsyrady. Kúdigin seıiltip, juqpaly dert boıynan tabylmasa jumysqa qaıta oralady. Biraq oǵan deıin qyzmetin qashyqtan atqarady. Sońǵy kúnderi Germanııada koronavırýs kúshine minip tur. 8 myńǵa jýyq turǵynnan qaýipti vırýstiń anyqtalǵany jańa antırekord. Mundaı jaǵdaı tipti kóktemde de bolmaǵan. Kantsler Angela Merkel halyqqa úndeý jarııalap, qaýipsizdik máselesine asa mán berýge shaqyrdy. Otbasylyq merekeden bas tartýǵa keńes berdi. Sebepsiz kóshege shyǵý azamattardyń ózi úshin de, qoǵam úshin de qaýipti ekenin eskertti.

Parıj kóshelerinde adam qarasy azaıdy. Júrginshiler joqtyń qasy. Jýyrda el prezıdenti Emmanýel Makron qalalarda túngi ýaqyttarda komendant saǵaty engizilgeni jaıynda buıryqqa qol qoıǵan. Koronavırýstyń keń taraı bastaǵany jergilikti bıliktiń jedel sheshim qabyldanýyna sebep boldy. Koronavırýstyń órshýine kóbine oıyn-toı sebep bolatynyn alǵa tartqan Makron otbasylyq merekelerdi keıinge shegere turý tıimdi ekenin aıtty. Óıtkeni jaqyn arada oryndardyń tolyp ketýine baılanysty aýrýhanalar naýqastardy qabyldaı almaıtynyn tilge tıek etip, jurtty qaýipsizdik sharalaryn saqtaýǵa shaqyrdy.

Belgııa bıligi 19 qazannan bastap eldegi barlar men meıramhanalardy tórt aptaǵa jabý jóninde sheshim shyǵardy. Oǵan koronavırýs juqtyrǵandar sanynyń kúrt artýy sebep bolyp otyr. Mysaly, keshe Belgııada 10 448 turǵynnan qaýipti vırýs anyqtalǵan. COVID-19 ǵa shaldyqqandardyń jalpy sany 191 959-ǵa jetti. 10 myń naýqas osy dertten qaıtys boldy. Sońǵy táýlikte 49 adamnyń kóz jumǵany habarlandy. Jergilikti bılik jaǵdaıdy eksheı kele, kóp kisi jınalatyn qoǵamdyq oryndardyń jumysyn retteýdi qolǵa aldy.

Úsh kúnnen beri Portýgalııada koronavırýs juqtyrǵandar sany únemi artyp keledi. Sońǵy táýlikte 2 608 turǵynnan COVID-19 anyqtaldy. Al, Chehııada eki kún buryn rekord tirkeldi. Jıyrma tórt saǵat ishinde 9 721 derek tirkelip, bılik ókilderiniń alańdaýshylyǵyn týdyrǵan. Al, ótken táýlikte elde 5 272 turǵynnyń qaýipti vırýs juqtyrǵany málim boldy. Búginge deıin aýyrǵandardyń jalpy sany – 154 675. Bul endi álem elderi arasyndaǵy 32-kórsetkish.

Grýzııada sońǵy bir táýlikte 958 adam dertke shaldyqqan. Bul qazan aıynyń bas kezindegi kórsetkishten 3 ese artyq. Ólim-jitim de kóbeıgen. Batýmıde qoǵamdyq kólik toqtatyldy. Tbılısıde birneshe mektep pen 20 balabaqsha jabyldy. Aıta keteıik, Grýzııada indet bastalǵaly koronavırýsty 13 myń 500-den asa adam juqtyryp, olardyń 7 myńnan astamy jazylyp shyqqan. Keselden 128 qaıtys bolypty.


Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT