+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

COVID-19: Qazaqstan «jasyl» aımaqta

2020 jylǵy 10 jeltoqsan 09:12
Bólisińiz:
COVID-19: Qazaqstan «jasyl» aımaqta

NUR-SULTAN. QazAqparat - Qazaqstan koronavırýs boıynsha «jasyl» aımaqta nemese táýekeli tómen aımaqta tur. «Qyzyl» nemese qaýipti aýmaqta eki óńir bar. Olar – Soltústik Qazaqstan jáne Pavlodar oblystary. Bul týraly QR densaýlyq saqtaý vıtse-mınıstri, bas memlekettik sanıtarlyq dáriger Erlan Qııasov OKQ brıfınginde málimdedi.

Uqsas jańalyqtar
Qazaqstan delegatsııasy Kabýlda Aýǵanstannyń qazirgi ákimshiligi ókilderimen kezdesti Reseıde koronavırýs juqtyrǵandar jańa maksımýmǵa jetti Koronavırýs juqyrǵan 172 patsıenttiń jaǵdaıy óte aýyr – mınıstrlik

«Aldyńǵy aptamen salystyrǵanda «qyzyl» aımaqtan «sary» aımaqqa Qostanaı jáne Aqmola oblystary aýysty. «Sary» aımaqta Almaty, Nur-Sultan qalalary, ShQO jáne Atyraý oblystary tur. «Sary» aımaqtan «jasyl» aımaqqa BQO aýysty. Qalǵan óńirler «jasyl» aımaqta. Ótken eki apta ishinde koronavırýspen aýyrǵandar sany 10 protsent ósti», - dedi. Elimizde ótken táýlikte koronavırýs ınfektsııasyn juqtyrǵan 777 jaǵdaı tirkeldi.

Pavlodar oblysynyń Aqsý qalasyndaǵy qarttar úıinde 65 adamnan koronavırýs indeti anyqtaldy. Aýrýy rastalǵan 33 jan sondaǵy juqpaly aýrýlar aýrýhasyna jatqyzylǵan. Qalǵan 27 adam dárigerlerdiń baqylaýynda. Bir naýqastyń jaǵdaıy aýyr. Buǵan qosa qarttar úıiniń 11 qyzmetkeri indet juqtyrǵany belgili boldy. Jalpy qarttar úıinde 150 adam turady. Olardyń bárinen PTR synama alynǵan. Bul jaǵdaı oblystyq densaýlyq saqtaý basqarmasynyń erekshe baqylaýynda. Qarııalardyń jappaı indet juqtyrýyna naqty qandaı sebep bolǵanyn dóp basyp eshkim aıta almaıdy. Jalpy oblys boıynsha koronavırýsqa shaldyqqandar sany 7 myń 212 adamǵa jetti. Naýryz aıynan beri eseptegende vırýstyq ınfektsııadan 62 adam kóz jumdy. Sonymen qatar, Pavlodar oblysynda qoǵamdyq kólikterde sanıtarlyq talaptar kúsheıedi. Sebebi jolaýshyǵa lyq toly avtobýstar sany áli de barshylyq. Al bul kovıd juqtyrý boıynsha qyzyl aımaqqa kirip otyrǵan óńirdegi jaǵdaıdy odan ári ýshyqtyrary anyq. Sondyqtan monıtorıngtik top ókilderi jolaýshy tasymalymen aınalysatyn kólik ıeleri arasynda túsindirý jumystary men tekseristi qatań qolǵa aldy.

Almatynyń dári-dármek qorynda 8 mıllıon dári bar. Bul 68 ataý boıynsha jáne jeke qorǵaný quraldarynyń eki aıǵa jetetin mólsheri bar. Bul týraly Almaty qalasynyń ákimi Baqytjan Saǵyntaev aıtty. Onyń aıtýynsha, bul maqsatqa 10 mıllıard teńge bólindi: emhanalar men dárihanalardy dári-dármekpen qamtamasyz etýge shamamen 5 mıllıard teńge bólinedi. Sondaı-aq Baqytjan Saǵyntaev qalada shekteý sharalaryn kúsheıte alatyn jaǵdaılardy atap ótti. Bul koronavırýs juqtyryp, aýrýhanaǵa jatqyzylǵandardyń kórsetkishine baılanysty dedi. Megapolıste pandemııanyń jańa tolqynyna 7000 tósekten asatyn 23 statsıonar daıyndaldy. Onyń ishinde 250-i reanımatsııalyq. Klınıkalardyń materıaldyq-tehnıkalyq bazasyn nyǵaıtý úshin bıyl 4 myńnan astam jabdyq satyp alyndy. Onyń ishinde 236 ókpeni jasandy jeldetý apparattary bar.

Almatyda jańajyldyq saýyq keshteri men toı-dýmanǵa ruqsat joq. Kúz aılarynan beri qaýipti dertke 1600-den astam adam shaldyqqan. «Syrqattanýshylar arasynda 20-40 jas aralyǵyndaǵy turǵyndar da jıi kezdesedi», - dedi qalanyń Bas sanıtarlyq dárigeri Jandarbek Bekshın. Karantın tártibin qatańdatý maqsatynda birshama sharalar qolǵa alynǵan. Іri saýda-sattyq oryndary senbi kúni tek keshki saǵat 17:00-ge deıin ashyq. Al, jeksenbide jabyq bolady. Degenmen, mereke qarsańynda saýda ortalyqtary men gıpermarketterdiń táýlik boıy jumys isteý máselesi qarastyrylyp jatyr. Jalpy qalada karantındik shekteýdi elemegenderge 780 ákimshilik quqyq buzýshylyq týraly hattama toltyrylyp, 13 is sotqa joldanǵan.

Ótken jeksenbide el aýmaǵyna 22 halyqaralyq reıspen 2860 adam ushyp keldi. Olardyń 532-iniń qolynda PTR anyqtama bolmaı shyqty. Atap aıtsaq, Nur-Sultan áýejaıynda 271, Almatyda 200, Oralda 61 jolaýshy anyqtalyp, teskeristen ótýi úshin karantındik statsıonarǵa jatqyzyldy. Degenmen, bul azamattar jasatqan test eshqandaı ınfektsııa belgileri joq ekenin kórsetti, dep habarlaıdy sanıtarlyq-epıdemıologııalyq baqylaý komıteti.

Qostanaı, Rýdnyı jáne Jitiqara qalalarynda sanıtarlyq beketter alyndy. Biraq kórshi oblystar men Reseı elimen shekaradaǵy shekteýler saqtala beredi. Bas sanıtar dárigerdiń qaýlysymen aımaqta karantın sharalary jeńildedi. Budan bylaı qoǵamdyq tamaqtaný nysandarynyń jumysy saǵat keshki 23:00-ge deıin uzartylady. Qalalyq avtobýstar men taksı osy ýaqytqa deıin qatynaı alady. Fıtnes, akva, termopark, shıpajaılar men demalys oryndary 30 protsenttik mejemen jumys isteıdi. Degenmen bulardyń bári demalys jáne mereke kúnderi qyzmet kórsete almaıdy. Turǵyndarǵa keshki saǵat 23:00-den tańǵy 6:00-ge deıin kóshege shyǵýǵa áli de tyıym salynǵan. Mundaı shekteý 14 jeltoqsanǵa deıin saqtalady.

Qaraǵandy oblysyndaǵy iri saýda oryndary demalys jáne mereke kúnderi de ashyq bolady. Tek kásipkerler barlyq sanıtarlyq talapty saqtaı otyryp, keshki saǵat 17:00-ge deıin jumys isteı alady. Bul shekteýdiń azyq-túlik dúkenderi men dárihanalarǵa qatysy joq. Al balalardyń oıyn ortalyqtary áli de jabyq. Oblystyń Bas sanıtar dárigeriniń jańa qaýlysy jeksenbiden bastap kúshine enedi. Aıta ketý kerek, qazir Qaraǵandy oblysynda epıdemıologııalyq ahýal turaqty.

Aqtóbe oblysyndaǵy saýda oryndary da jeksenbi kúni jumys isteıdi. Bas sanıtarlyq dárigerdiń qaýlysy aldaǵy jumadan bastap kúshine enedi. Sondaı-aq janarmaı beketteri, tehnıkalyq qyzmet kórsetý ortalyqtary, aıaq-kıim, tigin sheberhanalary men hımııalyq tazalaý qyzmeti de ózderiniń ishki tártipterine sáıkes jumys isteı alady. Tamaq jetkizýmen aınalysatyn fýdkorttardyń qyzmetine de ruqsat. Al, mektepke deıingi uıymdar kezekshi toptarǵa 20 balaǵa deıin qabyldaı beredi. Degenmen, Jańa jylǵa oraı kópshilikke arnalǵan is-sharalar, balabaqshalarda keshter ótkizýge bolmaıdy.


Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT