+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

COVID-19: karantın talaptaryn buzý derekteri tyıylmaı tur

2020 jylǵy 7 jeltoqsan 14:16
Bólisińiz:
COVID-19: karantın talaptaryn buzý derekteri tyıylmaı tur

NUR-SULTAN. QazAqparat - Saqtyq sharalaryn barynsha saqtaý kerektigi qanshalyqty aıtylyp jatqanmen, elde eskertýdi elemeıtinder kóp. Basqany bylaı qoıǵanda, toı-jıyn ótkizetinderdi toqtatý qıyn bolyp tur. Myna qaýipti indetten tolyq tazarǵansha shydaýǵa bolar edi. Amal qansha, mıllıondap aıyppul arqalatqannan da paıda shamaly sııaqty. Osy jáne ózge de elimizdegi koronvırýs ınfektsııasyna qatysty qysqasha sholý jasap kórgen edik.

Uqsas jańalyqtar
Ótken táýlikte 1954 adam koronavırýs indetinen emdelip shyqty Qazaqstanda koronavırýs juqtyrǵandardyń táýliktik kórsetkishi jarııalandy Álemde koronavırýsty juqtyrǵandar sany 240 mıllıonnan asty

Qazirgi ýaqytta koronavırýs ınfektsııasynan 14 096 adam em qabyldap jatyr. Olardyń arasynda 1 010 bala bar. Statsıonarlarda 3 687 naýqas jatyr, 10 409 adam ambýlatorııalyq jaǵdaıda emdelýde. Jalpy naýqastardyń arasynda 241 adamnyń jaǵdaıy nashar. Sonyń ishinde 39 naýqastyń jaǵdaıy óte aýyr dep baǵalanǵan. 33 naýqas jasandy tynys alý apparatynda jatyr. Ótken táýlikte COVID-19 belgileri bar pnevmonııanyń 33 jaǵdaıy tirkelgen. Al, 712 adamda koronavırýs indeti PTR-test arqyly rastalyp, ınfektsııa juqtyrǵany belgili boldy. Bıyl 1 tamyzdan bergi naýqastar sany 43 106, ólim jaǵdaılary 454, saýyǵyp shyqqandardyń sany 30 956 adam eken. Bul dál búgingi tańdaǵy resmı kórsetkishter.

Qarasha, jeltoqsan aılarynda Almatyda karantın talaptaryn buzǵandarǵa 70 mln teńgege jýyq aıyppul salynypty. Monıtorıngtik toptar 4000-nan astam nysandy teksergen. Nátıjesinde 945 sanıtarlyq-epıdemıologııalyq talapty saqtamaý deregi tirkeldi. Qalalyq ákimdiktiń baspasóz qyzmeti habarlaǵandaı 170 zańdy jáne 530 jeke tulǵaǵa jıyny 770 ákimshilik quqyqbuzýshylyq jónindegi hattama toltyrylyp, aıyppul salynǵan. Al, Jambyl oblysynda karantın rejımi men sanıtarlyq normalardyń saqtalýyn tekseretin mobıldi top Taraz qalasynda, Baızaq jáne Qordaı aýdandarynda 6 otbasylyq is-sharanyń ótkizilgenin anyqtady. Qalǵan is-sharalardaǵy jalpy qonaqtar sany 300-den astam adamdy quraǵan. Shaqyrylǵandardyń qatarynda 5-ten 73 jasqa deıingi adamdar bar. Barlyq qonaqtarǵa túsindirý jumystary júrgizilip, al is-sharalardy uıymdastyrýshylarǵa qatysty ákimshilik hattamalar toltyryldy.

Shyǵys Qazaqstan oblysynda epıdemııaǵa qarsy normalar men erejelerdiń saqtalýyn baqylaý boıynsha reıdtik sharalar júrgizildi. Oblys ortalyǵynda 4 jeltoqsan kúngi monıtorıngtik is-sharalar barysynda 533 nysan qamtylyp, shekteý rejımin buzǵan 17 fakti tirkeldi. Sonymen qatar, saqtyq sharalar buzǵan «Prodýkty», «Amına», «Mars» dúkenderiniń ıelerine aıypul salyndy. Joǵaryda anyqtalǵan zań buzýshylyqtarǵa salynǵan aıyppuldyń jalpy somasy 125 010 teńgeni qurady. Semeı qalasynda buryn anyqtalǵan 5 fakti boıynsha aıyppul salyndy: 2 aıyppul tyıym salynǵan ýaqytta qyzmet kórsetken «Tamyr» saýda úıi men «5 zvezd» monshasynyń ıelerine, 3 aıyppul «Altyn ǵasyr» meıramhanasynda ótkizilgen otbasylyq is-sharaǵa (qudalyq) qatysqan turǵyndarǵa salyndy. Aıyppuldyń jalpy somasy - 638 940 teńge.

Qazaqstanǵa shetelden kelgen 348 jolaýshy karantınge jiberildi. Keshe el aýmaǵyna Germanııa, Mysyr, Birikken Arab Ámirlikteri, Túrkııa syndy 13 memlekettiń jolaýshylar ushaǵy kelip qondy. Sanıtarlyq-epıdemıologııalyq baqylaý komıtetiniń habarlaýynsha, 1700-den asa jolaýshynyń 1300-inde ǵana indet juqtyrmaǵanyn rastaıtyn anyqtama bolǵan. Almaty, elorda jáne Aqtóbe áýejaılaryna qonǵan ushaq jolaýshylarynan dereý synama alyndy. Nátıjesinde olardan qaýipti indettiń belgileri tabylmaǵan.

Túrkistan oblysynda COVID-19 indetine shaldyqqan áıel deni saý balany dúnıege ákeldi. Saıram aýdanynyń 25 jastaǵy turǵyny koronavırýs ınfektsııasynyń sımptomsyz túrimen dárigerler baqylaýynda bolǵan, dep habarlaıdy Coronavirus2020.kz. Aıaǵy aýyr kelinshek tolǵaǵy bastalǵanda Saıram aýdandyq ortalyq aýrýhanasyna jetkizilgen. Dárigerler ana men bala ómirine tóngen qaýipke baılanysty kesar tiligimen bosandyryp alǵan. Der kezinde jasalǵan shuǵyl medıtsınalyq kómektiń arqasynda áıel deni saý sábıdi dúnıege ákeldi. Qazirgi tańda onyń jaǵdaıy qanaǵattanarlyq, perzenthanada dárigerlerdiń baqylaýynda. Mamandar náresteniń de jaǵdaıy jaqsy ekenin aıtady. Jalpy bul Saıram aýdanynda pandemııa bastalǵaly koronavırýs ınfektsııasynyń sımptomsyz túri anyqtalǵan altynshy áıeldiń bosanýy. Bosanǵan áıelder dertti jeńip, dıspanserlik esepten alynǵan.

Ǵalymdar koronavırýstyń antıdenelerge qarsy tura alatyn mýtatsııaǵa ushyraǵan jańa túrin anyqtaǵanyn málimdedi. Bul týraly Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram-kanalynda jarııalandy. Fred Hatchınson atyndaǵy onkologııalyq zertteýler ortalyǵynyń mamandary indetpen kúresý maqsatynda daıyndalǵan antıdenelerden jaltara alatyn SARS-CoV-2 mýtatsııasyn anyqtaǵan. Tájirıbe retinde ǵalymdar karta jasap, oǵan naýqastarǵa mamandandyrylǵan terapııa aıasynda beriletin úsh monoklonaldy antıdenelerdiń ózara baılanysýyna jol bermeıtin COVID-19 mýtatsııasynyń barlyq múmkin bolǵan túrleri engizilgen.


Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT