+7 (701) 759 90 19
USD 425.77 EUR 494.28
RUB 5.95 CNY 66.14
Jańalyqtar

COVID-19: Karantın talaptary jeńildetilgen aımaqtar bar

2020 jylǵy 12 jeltoqsan 10:36
Bólisińiz:
COVID-19: Karantın talaptary jeńildetilgen aımaqtar bar

NUR-SULTAN. QazAqparat - Elimizdiń aımaqtarynda karantın talaptary jeńildetile bastady. Elorda men Almaty qalasyndaǵy shekteý sharalary áli de kúsheıtile túsetin sııaqty. Óıtkeni, koronovırýs ınfektsııasyn juqtyrǵan azamattar sany tómendemeı tur. Osy jáne ózge de aımaqtardaǵy ahýalǵa qysqasha sholý jasap kóreıik.

Uqsas jańalyqtar
Bolat Taıbekov: Shuǵyl medıtsınalyq kómek - 70% ólim jaǵdaıynyń aldyn alady ShQO halqynyń 80 paıyzy koronavırýsqa qarsy vaktsına saldyrdy Reseıde koronavırýsqa shaldyqqandar sany táýligine rekordty 32 196 adamǵa jetti

Nur-Sultan qalasynda karantın talaptary kúsheıtiletin boldy. Óıtkeni, bir táýlikte 118 adamnan koronovırýs ınfektsııasy anyqtaldy. Qala qazir «qyzyl» aımaqta. Jaqyn kúnderi elordanyń bas sanıtarlyq dárigeri arnaıy qaýly shyǵarmaq. Biraq blokpostar qoıylmaıdy.

Bul týraly ákimdikte ótken jıynda belgili boldy. Alaıda elordaǵa keletin nemese bas qaladan shyǵatyn jolaýshylar PTR-test tapsyrýǵa mindetti bolýy múmkin. Bas sanıtarlyq dáriger turǵyndarǵa asa saq bolýdy eskertti. Sondyqtan, aldaǵy demalys kúnderi jurtty úıde otyrýǵa shaqyrdy. Taǵy bir aıta ketetin jaıt, elordadaǵy mektepterdiń barlyǵy qashyqtan oqytý rejımine kóshýi múmkin. Qalanyń bas sanıtarlyq dárigeri osyndaı málimdeme jasady.

Janna Pralıevanyń aıtýynsha, oqýshylar arasynda indet juqtyrý deregi jıilep ketken. Jańa oqý jyly bastalǵaly 224 baladan vırýs anyqtalypty. Sondyqtan mamandar saqtaný kerektigin aıtyp otyr. Keshe aýdandyq sanıtarlyq dárigerler qaladaǵy 20 mektepti ýaqytsha jabý týraly sheshim qabyldaǵan.

Almatydaǵy epıdemıologııalyq jaǵdaı kúrdeli kúıinde qalyp otyr. Bul týraly Óńirlik kommýnıkatsııalar qyzmeti alańynda ótken onlaın-brıfıng barysynda Almatynyń bas memlekettik sanıtarlyq dárigeri Jandarbek Bekshın málimdedi.

Osyǵan baılanysty ol turǵyndardy qaýipsizdik sharalaryn ustanyp, sanıtarlyq-epıdemıologııalyq talaptardy saqtaýǵa shaqyrdy. Sonymen qatar, ol tek aldyn-alý sharalaryn jappaı saqtaý arqyly aýrýdyń ósýine jáne qatań shekteý sharalarynyń engizilýine jol bermeý múmkin bolatynyn atap ótti. Álemdegi jaǵdaıdyń ýshyǵa túskenin jáne megapolıste syrqattardyń kóbeıýi múmkin degen boljamdy eskere otyryp, ol turǵyndarǵa saqtyq sharalaryna salǵyrt qaramaýdy eskertti.

«Karantın rejımin ustanyp, kún saıyn aıtylyp jatqan qarapaıym erejelerdi saqtaý kerek. Olardyń oryndalýyn jaqyndarymyzdan, týys-týǵandarymyzdan talap etý kerek. Betperde taǵyp, áleýmettik qashyqtyqty saqtap, adamdar jappaı jınalatyn oryndarǵa, ásirese jabyq ǵımarattarǵa barmaý. Qoǵamdyq kólikke betperdesiz jáne qolǵapsyz kirmeý. Asa qajettilik týyndamasa, adam kóp jınalatyn oryndarǵa barmaý, jáne aýasy qıyn jeldetiletin jabyq mekemelerde kóp ýaqyt ótkizbeý. Syrtqy jabyndardy dezınfektsııalyq quraldarmen óńdeý. Qoldy jıi jýý jáne balalardy jeke gıgıenany saqtaýǵa úıretý», - dep atap ótti Almatynyń sanıtarlyq dárigeri.

Koronavırýs ınfektsııasynyń taralý qaýpi jaǵynan «jasyl aımaqtaǵy» Batys Qazaqstan oblysynda epıdemıologııalyq ahýal ázirge birqalypty. Osy aptada óńirde karantın talaptary jeńildetildi. Qoǵamdyq tamaqtaný oryndary 50 adamǵa deıin qabyldap jatyr. Bazarlar men saýda úıleri kún saıyn ashyq. Avtobýstar demalys jáne mereke kúnderi de júredi. Tek sanıtarlyq talaptar qatań saqtalýy tıis. Túngi saǵat 12-den tańǵy 6-ǵa deıingi aralyqta turǵyndardyń kóshege shyǵýyna shekteý qoıyldy. Jeltoqsan aıy bastalǵaly beri aımaqta 370 adam indet juqtyrǵan. Olardyń jartysynan kóbi Oral qalasynyń turǵyndary. Al Jánibek jáne Qaratóbe aýdandarynda bir de bir jaǵdaı tirkelmegen.

14 jeltoqsannan bastap Petropavl qalasynyń aýmaǵyndaǵy blokpostar alynady. ıAǵnı, aldaǵy dúısenbiden bastap óńirde karantın talaptary jeńildeıdi. Qoǵamdyq kólikterdiń demalys kúnderde júrýine ruqsat etilip otyr. Munymen qosa oblystaǵy barlyq avtostantsııa ashylyp, aýdan, aýyldarǵa avtobýstar qatynaıdy. Dinı nysandar, kitaphanalar, murajaılar men teatrlar qaıta ashylady. Sporttyq nysandar, basseınder jáne balalarǵa bilim berý mekemelerine senbi kúnderi jumysyn jalǵastyrýǵa ruqsat etildi. Óńirde epıdemıologııalyq ahýal turaqtalyp keledi. Qazir oblys «sary aımaqta».

Esterińizge sala keteıik, qarashanyń 9-ynan bastap, qala karantınge jabylyp, turǵyndardyń PTsR test anyqtamasynsyz kirip shyǵýlaryna tyıym salynǵan bolatyn.

Qyzylordadaǵy saýda ortalyqtary men kınoteatrlar jeksenbi jáne mereke kúnderi de jumys isteıtin boldy. Oblystyń bas memlekettik sanıtarlyq dárigeriniń qaýlysyna sáıkes kásipkerlik nysandardyń qyzmet kórsetý kestesine ózgeris engizildi. Oıyn-saýyq ortalyqtary, saýda-sattyq jelileri, azyq-túlik emes jáne jabyq bazarlar buǵan deıin tańǵy 10:00-den keshki 22:00-ge deıin jumys istegen edi. Endi olardyń tutynýshyny qabyldaý ýaqyty 1 saǵatqa uzardy. Bul ózgeristerdiń kınoteatrlar men qoǵamdyq tamaqtaný nysandaryna da qatysy bar. Atalǵan nysandardyń barlyǵyna jeksenbi jáne mereke kúnderi saǵat 10:00-den 17:00-ge deıin jumys isteýine ruqsat berildi.

Balqash qalasyndaǵy ortalyq aýrýhana bazasynda PTR-zerthana ashyldy, dep habarlaıdy oblystyń densaýlyq saqtaý basqarmasy.

Táýligine 500 synaq ótkize alady. Balqash, Prıozersk, Aqtoǵaı jáne Shet aýdandarynyń turǵyndaryna qyzmet kórsetedi. Jalpy alǵanda, bul shamamen 130 myń adam. Mekeme barlyq talaptarǵa saı jáne germanııalyq jabdyqtarmen jaraqtalǵan. Úı-jaılarda jóndeý jumystary júrgizildi, tehnıka ornatyldy, qajetti reaktıvter satyp alyndy. Zerthana qyzmetkerleri Qaraǵandynyń jetekshi zerthanalary bazasynda arnaıy oqytýdan ótken. Jobanyń jalpy quny 39 mln teńge. Buryn PTR zertteýge barlyq bıologııalyq materıaldar Balqashtan Qaraǵandyǵa jiberiletin. Nátıjelerdi alý úshin 3 kúnnen 5 kúnge deıin ýaqyt qajet bolatyn. Endi jańa PTR zerthanasy arqyly koronavırýs ınfektsııasyn tez arada anyqtaýǵa bolady. Taldaýdy óńdeýge ortasha eseppen 5 saǵat ýaqyt ketedi. Nátıje bir táýlik ishinde beriledi.


Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT