+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

COVID-19: Italııadan qandaı sabaq alý kerek  – Álemdik baspasózge sholý

2020 jylǵy 5 sáýir 18:17
Bólisińiz:
COVID-19: Italııadan qandaı sabaq alý kerek  – Álemdik baspasózge sholý

NUR-SULTAN. QazAqparat - «QazAqparat» HAA ádettegideı nazarlaryńyzǵa álemdik baspasózge sholýyn usynady.

Epıdemııa men pandemııanyń toqtaýyna ne áser etedi? – Reflex

Kez kelgen pandemııa men epıdemııa belgili bir ýaqytta aıaqtalady. COVID-19 da, dep jazady Reflex.

«Pandemııa – birneshe kontınentte bolatyn epıdemııa. Adamzat tarıhynda pandemııa da, epıdemııa da kóptep kezdesti. Qazirgi tańda álem koronavırýs kesirinen úıde otyr, dalaǵa maskamen shyǵýǵa májbúr. Bul sharalardyń qashan aıaqtalatynyn dóp basyp aıtý qıyn. Degenmen, pandemııa da, epıdemııa da máńgi jalǵasa bermeıdi. 1918-1920 jyldary bolǵan ıspan tumaýy ortaǵasyrdaǵy obadan keıin adamzat ushyraǵan eń úlken pandemııa. Bul aýrý Azııa elderinen tarap, adamǵa qustardan juqty. Úsh tolqyn júrgen vırýs ondaǵan mıllıon adamnyń ómirin jalmap, birneshe kún ishinde joǵalyp ketti», - deı kele avtor epıdemııalar men pandemııalardyń toqtaýyna ne áser etetinin saralaıdy.

«Pandemııanyń toqtaýyna áser etetin birinshi faktor – epıdemıologııaǵa qarsy sharalar. Vırýsqa taratýshy kerek. Eger adamnan adamǵa taratýdy boldyrmasaq, vırýstyń taralýy báseńdep, epıdemııa toqtaıdy. Ekinshi faktor – ımmýndi júıeni kóterý. Úshinshi faktor – vırýs geniniń mýtatsııasy. Pandemııa men epıdemıaı tarıhyna kóz salsaq, vırýs aqyr sońynda joǵalady. Joǵalmaǵan kúnniń ózinde, jeńil aýrýǵa aınalady», - dep jazady basylym.

Amerıkada bir aptada 6,6 mıllıon adam jumyssyz qaldy – Bloomberg

Koronavırýs Amerıkanyń eńbek naryǵyna aýyr soqqy boldy. Ótken aptada 6,6 mıllıon amerıkalyq azamat jumysynan aıyryldy. Jumyssyzdar sanynyń artýyna koronavırýs pandemııasy áser etip jatyr, dep jazady Bloomberg.

Basylymnyń jazýynsha, birneshe apta buryn bir aptada 3,3 mln adam jumyssyz qalyp, bul 1982 jylǵy rekordty buzǵan edi. Ol kezde bir aptada tek 698 myń adam jumyssyz qalǵan.

Ekonomıst Ralf Ýmlaýfanyń aıtýynsha, eńbek naryǵyndaǵy jaǵdaıdy apatty jaǵdaı dep baǵalaýǵa bolady. Sonymen qatar, onyń aıtýynsha, epıdemııa ekonomıkalyq jáne qoǵamdyq ómirdi álsiretkendikten, endi AQSh-ty daǵdarys kútip tur. Al AQSh-tyń Eńbek mınıstrliginiń málimeti boıynsha eki aptada 10 mln amerıkalyq jumyssyz qalǵan.

«Men ómirimde mundaı sandardy kóremin dep oılaǵan joqpyn», deıdi ekonomıst Tomas Kosterg Blýmberge bergen suhbatynda. Onyń aıtýynsha, AQSh-ta jumyssyzdyq kórsetkishi 20 paıyzǵa ósýi múmkin.

Kóptegen memleketter maska men test eksportyna tyıym sala bastady – The Guardian

Maska men testterdiń defıtsıtinen qoryqqan memleketter qatań sharalar qabyldaı bastady, dep jazady The Guardian.

«Brazılııanyń densaýlyq saqtaý mınstri Lýıs Enrıke Mandetta Qytaıdan satyp alynýy tıis maskalar men qolǵaptar týraly kelissózder sátsiz aıaqtalǵanyn aıtty. Onyń aıtýynsha, AQSh Qytaıǵa 23 júk ushaǵyn jiberip, materıaldar aldyrtpaq. Mınıstr álemde bul taýarlarǵa suranys artqanyn, gıpersuranys problemasy paıda bolǵanyn aıtty», dep jazady basylym.

Avtordyń aıtýynsha, pandemııa órshigen saıyn kóptegen memleketterdiń bıligi medıtsınalyq qorǵanys quraldarynyń eksportyna tyıym sala bastaǵan. Al keıbir memleketter shekteý engizgen.

«Túrkııa eksportqa tyıym salyp qana qoımaı, buǵan deıin aqshasy tólenip qoıǵan taýarlardy da jibermegen. Sonymen qatar memleket bıligi jergilikti kompanııalarǵa tek memleket úshin ónim óndiretinderin aıtqan. Al maskany álem boıynsha eń kóp óndiretin Qytaı da shekteýler engize bastady. Degenmen, bul memleket Eýropaǵa mıllıondaǵan maska syıǵa tartqanyn da aıta ketý kerek», - dep jazady avtor.

Maqalada avtor búkil álem boıynsha koronavırýsty anyqtaıtyn test pen dári-dármekke suranys artqanyn jazady.

«Birneshe memleket koronavırýsty anyqtaıtyn testterdi ózderi óndirýge kiristi. Un óndiretin eń iri memleketterdiń biri – Qazaqstan onyń eksportyna tyıym saldy. Jalpy, azyq-túliktiń jahandyq deńgeıde jetispeýshiligi bolmaıdy dep kútilýde», - dep jazylǵan maqalada.


Bizdiń kanalymyzǵa jazylyńyz:

#BAQ   #Álem  
Bólisińiz:

Avtor:

Aıkúmis Bolatbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT