+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

COVID-19 indetimen kúresken qaraǵandylyq dárigerlerge memlekettik nagradalar tabys etildi

2020 jylǵy 16 shilde 01:24
Bólisińiz:
COVID-19 indetimen kúresken qaraǵandylyq dárigerlerge memlekettik nagradalar tabys etildi

QARAǴANDY. QazAqparat – Qazaqstan Respýblıkasy Prezıdentiniń Jarlyǵymen Qaraǵandy oblysynyń birqatar medıtsına qyzmetkerine boryshyn adal oryndaǵany jáne janqııarlyǵy úshin oblys ákimi Jeńis Qasymbek Memleket basshysynyń atynan nagradalardy tabys etti, dep habarlaıdy QazAqparat tilshisi.

Uqsas jańalyqtar
Qashyqtan jumys isteıtin reseılikterdiń 60 paıyzdan kóbi keńsege oralǵysy keledi Jambyl oblysynda pnevmonııamen aýyrǵandar sany 2,6 esege tómendedi Koronavırýs: Avstralııada karantın talabyn buzǵandarǵa 3,5 myń dollar aıyppul salynady

Buqar jyraý aýdanynyń sanıtarlyq dárigeri Baqbergen Aıjigitov qaıtys bolǵannan keıin «Parasat» ordenimen marapattaldy. Oblys ákimi marapatty marqumnyń jubaıy men balalaryna tabystady.

Baqbergen Aıjigitovtiń jesiri olardyń otbasyna kóńil bildirip, qoldaý kórsetkenderi úshin alǵys aıtty.

«Bul marapat este qalady. Meniń kúıeýim árdaıym aldyńǵy qatarda boldy. Óz jumysyn óte jaqsy kórdi. Áriptesterine úlken qurmetpen qarady. Ol astanaǵa dárigerler qajet bolǵanda, birden nıet bildirgen edi. Biz ony sapardan bas tartýǵa kóndirmek boldyq: múmkin barmaı-aq qoıarsyń, jas emessiń ǵoı degenimizde «men dáriger-epıdemıologpin, paryzymdy oryndaýym kerek, barýym kerek» dedi. Bir aı Nur-Sultanda jumys istep keldi. Ol úshin jumys árdaıym birinshi orynda boldy. Biraq otbasyn jaqsy kórdi, qoldady. Árıne, qazir bizge óte qıyn. Týǵan adamymyzdy erte joǵaltamyz dep oılaǵan joq edik», - dedi Álııa Baıahmetova.

Jeńis Qasymbek dárigerlerdiń kásibıligi men Gıppokrat antyna adaldyǵy úshin alǵysyn bildirdi.

«Kún saıyn sizderdiń kúnderińiz osy bir kórinbeıtin jaýmen jáne myńdaǵan taǵdyrlardy qutqarý úshin kúrespen ótedi. Tipti óz densaýlyǵyńyzdy qaterge tigesizder. El úshin bul qıyn kezeńde sizderdiń erlikterińiz, iske berilgendiktiń, qamqorlyqtyń jáne sizderdiń kómekterińizge muqtaj adamdarǵa janashyrlyq tanytýdyń úlgisi bolyp tabylady. Qaraǵandy medıtsına qyzmetkerleri kásibıligin, uıymshyldyǵyn jáne aýyzbirligin taǵy da dáleldedi. Іndet barlyǵymyzǵa memlekettiń basty qundylyǵy - azamattyń ómiri men densaýlyǵy jáne senimdi myqty medıtsınanyń mańyzdylyǵy týraly eske saldy», - dedi aımaq basshysy.

«Qurmet» ordeniniń ıegeri, Maqajanov atyndaǵy kópsalaly aýrýhana bólimshesiniń meńgerýshisi Sergeı Kımniń aıtýynsha, sońǵy úsh aıda kóp nárse ózgergen.

«Dárigerler de ózgerdi, kóp nárseni úırendik. Adamdardyń ózine jáne densaýlyǵyna jáne jalpy bolyp jatqan jaǵdaılarǵa qarym-qatynasy ózgerdi. Eń qıyny - qoldan keler shara qalmaǵanyn kórý. Qalǵandary - bul jaı ǵana bilim, kúndelikti eńbek. Aýyr halde bolǵan naýqas óz aıaǵymen úıge ketip bara jatqanyn kórý – eń úlken qýanysh. Mundaı oqıǵalardyń biri - ókpesi 95% zaqymdanǵan medbıke áriptesimiz emdelip shyqqanyna qýanǵanymyz», - deıdi ol.


Oblysta 15 medıtsına qyzmetkeri marapattaldy. Olar «Parasat» jáne «Qurmet» ordenderimen, «Eren eńbegi úshin», «Shapaǵat» medalimen, Qazaqstan Respýblıkasynyń Qurmet gramotasymen marapattaldy.


Bizdiń kanalymyzǵa jazylyńyz:

Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT