+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

COVID-19-ǵa qarsy vaktsınany ózderine synaǵan qazaqstandyq ǵalymdardyń jaǵdaıy jaqsy – ınstıtýt

2020 jylǵy 4 tamyz 22:03
Bólisińiz:
COVID-19-ǵa qarsy vaktsınany ózderine synaǵan qazaqstandyq ǵalymdardyń jaǵdaıy jaqsy – ınstıtýt

NUR-SULTAN. QazAqparat – COVID-19-ǵa qarsy jasaǵan vaktsınany ózderine synap kórgen qazaqstandyq bes ǵalymnyń jaǵdaıy jaqsy. COVID-19 aýrýyna qarsy QazCovid-in vaktsınasynyń ázirlenýine qatysty Bıologııalyq qaýipsizdik problemalary ǵylymı-zertteý ınstıtýty osyndaı habarlama taratty, dep habarlaıdy QazAqparat tilshisi.

Uqsas jańalyqtar
Koronavırýsqa qarsy qazaqstandyq vaktsına klınıkalyq synaqtyń alǵashqy satysynan ótýde Ashat Aımaǵambetov COVID-19 indetine qarsy otandyq vaktsınany saldyrdy

«Vaktsına COVID-19-ǵa qarsy birinshi otandyq vaktsınany daıyndaý jáne saqtaý tehnologııasyn ázirleý boıynsha ǵylymı-zertteý jumystaryn tikeleı oryndaıtyn ınstıtýttyń ǵylymı qyzmetkerlerin tolyqtaı epıdemologııalyq qorǵaý úshin qajet boldy. Atalǵan ǵylymı qyzmetkerler COVID-19-ǵa shaldyǵyp qalǵan jaǵdaıda ınstıtýt otandyq vaktsına ázirleýge baǵyttalǵan mańyzdy memlekettik mindetti oryndaıtyn eń qundy mamandarynan uzaq ýaqytqa aıyrylyp qalar edi. Ózi daıyndaǵan vaktsınany vaktsınatsııalaý medıtsınalyq jáne ımmýnobıologııalyq preparattardy ázirleýshilerdiń jarııa emes ǵylymı standarty sanalady. Ázirleýshi eń aldymen óziniń ázirlemesiniń qaýipsizdigi men ımmýnogendigin ózine synaýy tıis. Ekinshiden, óziniń zertteýiniń nátıjesi men sapasy úshin tolyqtaı jaýapkershilik alady. Osylaısha, klınıkalyq synaqqa qatysatyn eriktilerdiń qaýipsizdigine kepildik beredi», - deıdi ınstıtýt dırektory Kúnsulý Zakarıa.

Instıtýt basshysynyń aıtýynsha qazaqstandyq vaktsınany ózderine synaǵan ǵalymdardyń birneshe táýlik ótkennen keıin ózderin sezinýi jaqsy, dene qyzýy men allergııasy joq.

Eske sala ketsek buǵan deıin qazaqstandyq bes ǵalymnyń COVID-19-ǵa qarsy jasaǵan vaktsınany ózderine synap kórgenin habarlaǵan edik. Instıtýttyń habarlaýynsha COVID-19-ǵa qarsy QazCovid-in vaktsınasyn ınstıtýttyń bas dırektory K.Zakarıa jáne ǵylymı qyzmetkerler: L.Qutymbetov, B.Haırýllın, M.Orynbaev, Q.Sultanqulov, E.Ábdiraıymov, S.Nurabaev ózderine synaǵan.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT