+7 (701) 759 90 19
USD 421.91 EUR 511.57
RUB 5.59 CNY 65.2
Jańalyqtar

COVID-19: Ekinshi tolqynnyń álemdegi ekpini

2020 jylǵy 15 qarasha 19:46
Bólisińiz:
COVID-19: Ekinshi tolqynnyń álemdegi ekpini

NUR-SULTAN. QazAqparat - Álem elderinde koronavırýs ınfektsııasyn juqtyrǵandar sany taǵy ósti. Ásirese alpaýyt AQSh pen Eýropa elderinde karantındik sharalar barynsha kúsheıtilgenmen, ınfektsııanyń taralýyn toqtatý múmkin bolmaı tur. Qaýipti indettiń ekinshi tolqyny ekpinin ázir tómendetpeıtin syńaıly. Ony tómendegi sholýdyń derekterinen baıqaýǵa bolady.

Uqsas jańalyqtar
Qaraǵandy oblysynda 9 myńǵa jýyq medıtsına mamanyna vaktsına salynady Qazaqstan koronavırýsqa qarsy Qytaı vaktsınasyn satyp ala ma: Mınıstrlik jaýaby QR SІM Nıderlandyǵa ushatyn Qazaqstan azamattaryna aqparat taratty

Qytaıdyń keıbir óńirlerinde koronavırýs indeti kúsheıip ketýi múmkin. Bul týraly eldiń densaýlyq saqtaý isteri jóninde memlekettik komıtet basshysy habarlady. Qytaı bıligi indettiń aldyn alý sharalaryna kúsh salýǵa kiristi. Koronavırýs testinen ótkizý aýqymyn keńeıtpek. Onda dertti juqtyrý qaýpi joǵary halyqtyń 8 toby belgilengen. Bul tizimge aýrýhanalar men dárihanalar, aýyl sharýashylyǵy ónimderi satylatyn bazarlar qyzmetkerleri jáne muzdatylǵan ónimdermen aınalysatyn adamdar qosyldy. Eń aldymen solardy tekseredi. Oǵan qosa shetelden ákelinetin muzdatylǵan ónimderdiń úlgileri únemi saraptamadan ótetin boldy.

AQSh-ta koronavırýsty juqtyrǵandar sany ósken. Keıbir shtattarda shekteýler kúsheıtildi. Oregon men Nıý-Meksıkada turmysqa qajetti taýarlardy óndirmeıtin jáne satpaıtyn kompanııalardyń jumysy toqtatylmaq. Al Soltústik Dakotada indettiń kúsheıýine baılanysty betperde taǵyp júrý tártibi qaıta engizildi. Jańa talapqa saı turǵyndar jabyq qoǵamdyq oryndarmen birge kóshede araqashyqtyqty saqtaý múmkin bolmasa maska taǵýy mindetti. Búgingi tańda AQSh-ta vırýsty juqtyrǵandar sany 11 mıllıonǵa jýyqtapty. Dertten 245 myńnan asa naýqas qaıtys bolǵan.

Avstrııada koronavırýsty juqtyrǵandar sanynyń kóbeıýine baılanysty qaıtadan qatań karantın engiziledi. Bul týraly osy eldiń kantsleri Sebastıan Kýrts málimdedi. Shara kelesi aptanyń seısenbisinen bastap jeltoqsannyń altysyna deıin jalǵasady. Jańa tártipke saı eldegi barlyq mektepter qashyqtan oqýǵa kóship, balabaqshalar jabylady. Azyq-túlik dúkenderi men dárihanalardan basqa saýda oryndary jumystaryn toqtatady. Dámhanalar men barlar taǵamdy tek jetkizip berý boıynsha qyzmet kórsetedi. Al turǵyndar úılerinen tek jumysqa barý, týystaryna kómektesý jáne taza aýada serýendeý úshin ǵana shyǵa alady.

Germanııada bir táýlikte 23 542 adam koronavırýs juqtyrǵan. Bul elde lokdaýn rejımi engizilgen bolatyn. Osyǵan baılanysty meıramhanalar, fıtnes ortalyqtary, murajaılar men kınoteatrlar jabyq. Soǵan qaramastan, vırýs juqtyrý derekteri artyp jatqan kórinedi. Onyń ishinde qarttar úıi men mektepterde de bar. Al zerthanalar adamdardy testten ótkizip úlgermeı jatyr. Osyǵan baılanysty Bremen qalasyndaǵy mekemeler koronavırýspen aýyrǵan naýqastarmen tikeleı baılanysta bolǵan azamattardy tekserýdi toqtatqan. Test tek densaýlyǵy nasharlaǵan turǵyndarǵa ǵana taǵaıyndalýda. Mundaı shara zerthanalarǵa túsken júktemeni azaıtý úshin jasalyp otyr eken. Germanııa bıligi eldegi naýqastardyń artýyna qaramastan, áli de Belgııa men Frantsııadan kelgen naýqastardy qabyldap jatyr.

Frantsııada qaýipti indetke shaldyqqandardyń sany azaımaı tur. Naýqastardyń kóptiginen aýrýhanalarda oryn joq. Osyǵan baılanysty vırýs juqtyrǵan azamattar Strasbýrgtegi emhanalarǵa kóshirilip jatyr. Іndettiń alǵashqy tolqyny kezinde eń kóp zardap shekken osy qala edi. Naýqastardyń kóptiginen olar kerisinshe Strasbýrgten ózge óńirlerge jiberilgen bolatyn. Tipti Shveıtsarııaǵa, Lıýksembýrgke jáne Germanııaǵa tasymaldanǵan edi. Qazirgi jaǵdaı múldem basqasha bolyp tur. Aıta keteıik, búginge deıin Frantsııada 890 myńnan astam ınfektsııaǵa shaldyǵý deregi rastalǵan.

Ispanııa bıligi engizgen shekteý sharalaryna qaramastan, koronavırýsqa qatysty ahýal nashar. Bul jóninde eldiń Densaýlyq saqtaý mınıstrligi málimdedi. Mamandardyń aıtýynsha, elde 100 myń adamǵa shaqqanda 500 vırýs juqtyrý oqıǵasy tirkeledi. Búginde Ispanııa koronavırýs juqtyrǵandar sany boıynsha Batys Eýropada ekinshi orynda tur.

Slovenııada koronavırýsqa baılanysty shekteý sharalary kúsheıtildi. Eldiń densaýlyq saqtaý mınıstri Tomash Gantar osylaı málimdedi. Jańa tártipke sáıkes elde qoǵamdyq kólik qyzmeti toqtaıtyn bolady. Ómirlik mańyzy joq kásiporyndar da jabylmaq. Budan bólek adamdardyń top bolyp jınalýyna tyıym salynady. Jańa erejeler kem degende eki aptaǵa sozylady. Aıta ketken jón, epıdemııa bastalǵaly beri Slovenııada 50 myńnan astam adam koronavırýs juqtyryp, 700-ge jýyǵy kóz jumǵan.

Belgııada koronavırýstyń taralýy báseńdegenine qaramastan, tótenshe jaǵdaıdyń tórtinshi deńgeıi saqtalady. Koroldik bıligi keńestik komıtettiń kezekti otyrysynda osyndaı sheshim qabyldady. Premer-mınıstr Aleksandr de Kroonyń málimdeýinshe, qazir el aýrýhanalaryndaǵy jaǵdaı ártúrli. Іndet juqtyrǵandar sany tómendep kele jatyr. Biraq ótken aptadan beri jansaqtaý bólimindegi naýqastar sany azaımaǵan. Resmı derekke qaraǵanda Belgııada sońǵy eki aptada kún saıyn vırýsty myńnan asa adam juqtyryp, 200-deı naýqas qaıtys bolǵan.

Iran elinde de koronavırýstyń kúsheıýine baılanysty jańa shekteýler engizilmek. Bul jóninde osy eldiń prezıdenti Hasan Rýhanı málimdedi. Josparǵa saı tyıymdar ár okrýg pen qaladaǵy dertti juqtyrý kórsetkishine saı qoldanylmaq. Mysaly, qyzyl aımaqta qala turǵyndarynyń tirshiligine asa qajetti saladan basqa barlyq qyzmet túri toqtatylady. Al sarǵylt aımaqta dámhanalar men ýnıversıtetter jumysyn jalǵastyrady. Sary aımaqta tek oıyn-saýyq, sporttyq jáne dinı is-sharalardy ótkizýge tyıym salynady. Shekteýlerdi jeńildetý nemese qatańdatý 14 kúnnen keıin ár aımaqtaǵy jaǵdaıǵa saı qarastyrylady. Al Tegeranda qaıta karantın engizilýi múmkin. Resmı derekke súıensek, Iranda indet taralǵaly vırýsty juqtyrǵandar sany 750 myńǵa jýyqtap, 40 myńnan asa naýqas kóz jumǵan.

Ońtústik Koreıada bir kúnde 200-ge jýyq kovıd juqtyrý deregi anyqtalǵan. Bul qyrkúıektiń basynan bergi eń joǵary kórsetkish. Vırýs juqtyrǵandardyń kóbi seýldikter bolyp otyr. Osydan eki kún buryn Ońtústik Koreıada maska rejımin buzǵandarǵa aıyppul salyna bastady. Degenmen, 14 jasqa deıingi balalar men densaýlyǵy nashar turǵyndar qorǵanys quralyn kııýden bosatylǵan. Sondaı-aq 2 metr araqashyqtyqty saqtaǵan jaǵdaıda da maskasyz júrýge ruqsat etilgen.

Amerıkandyq Pfizer kompanııasy men onyń nemis seriktesi Biontech-tiń koronavırýsqa qarsy ázirlegen vaktsınasy «Covuity» dep atalýy múmkin. Bul týraly brıtandyq The Daily Telegraph gazeti habarlady. Ol kompanııalardyń Eýropalyq odaq pen AQSh-ta taýarlyq belgini tirkeýge ótinishterin zerttedi. Osylaısha bul preparat «adamdarǵa qoldanýǵa arnalǵan vaktsına» retinde sıpattalatyn Covuity ataýyna ótinim 30 mamyrda EO-nyń quzyretti organdaryna berildi. Olar bul ótinishti qarasha aıynyń basynda maquldady. Sonymen qatar taýar tańbasyn tirkeýge ótinish Amerıka Qurama Shtattarynda 1 maýsymda berildi, biraq ol ruqsatnama áli alynǵan joq. Pfizer jáne Biontech «covuity.com» domendik ataýyn tirkegeni ataldy.


Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT