+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

COVID-19: Aımaqtardaǵy ahýalǵa sholý

2020 jylǵy 24 jeltoqsan 23:47
Bólisińiz:
COVID-19: Aımaqtardaǵy ahýalǵa sholý

NUR-SULTAN. QazAqparat – Qazaqstannyń óńirlerindegi koronavırýs ınfektsııasymen kúreske qatysty qandaı is-sharalar jasalýda? Aldaǵy merekede qandaı shekteýler qolǵa alynǵan? Bul jaıynda tolyǵyraq maqaladan oqı alasyzdar.

Uqsas jańalyqtar
SQO-da koronavırýstan qaıtqandardyń 78 paıyzy - 61 jastan asqandar Almatyda koronavırýs juqtyrǵan 133 naýqas jansaqtaý bóliminde jatyr Koronavırýsqa qarsy Pfizer vaktsınany saqtaý talaptary qandaı

Túrkistan oblysynda koronavırýs ınfektsııasynyń aldyn alý maqsatynda 5 shilde men 22 jeltoqsan aralyǵynda karantın rejımi kezinde nysandarǵa monıtorıng jumystaryn júrgizý úshin 100-den astam mobıldi top qurylǵan. Onyń quramynda - ákimdik qyzmetkerleri, kásipkerlik palatasy, polıtsııa basqarmasy jáne eriktiler bar. Júrgizilgen monıtorıng jumysynyń nátıjesinde 263 229 390 teńge kóleminde aıyppul salyndy. Bul jóninde oblystyń bas memlekettik sanıtarııa dárigeriniń orynbasary Aıdarqul Ahmetov óńirlik kommýnıkatsııalar qyzmetinde ótken brıfıngide málimdedi.

Atap aıtqanda, monıtorıng jumysynyń nátıjesinde 42 594 nysan tekserilip, 5 137 aıyppul salynǵan. Onyń ishinde 30 AEK kóleminde 4 960 jeke tulǵaǵa (206 683 200 teńge), 103 jeke kásipkerge (32 905 410 teńge), 12 zańdy tulǵaǵa (3 833 640 teńge), 62 laýazymdy tulǵaǵa (19 807 140 teńge) hattamalar toltyrylǵan. Ákimshilik quqyq buzýshylyq týraly kodekske sáıkes, eger 7 kún ishinde aıyppuldy óteıtin bolsa, 50 paıyzy ǵana tólenedi.

«Túrkistan oblysynda búgingi kúnge deıin jalpy 577 otbasylyq merekelik is-sharalar toqtatylyp, ákimshilik aıyppuldar salynǵan. Sondaı-aq, saılaýaldy kópshilik is-sharalaryn júrgizýde úgit-nasıhat ótkizý kezinde qaýipsizdik sharasy saqtalǵany lázim. Ózińiz ben jaqyndaryńyzdyń densaýlyǵyna kóńil bólgenińiz abzal. Sondyqtan, saqtyq sharalaryn eskerýsiz qaldyrýǵa bolmaıdy», - dedi Aıdarqul Raıymqululy.

Baspasóz máslıhatynda spıker saılaýaldy úgit-nasıhat is-sharalaryn teledıdar, radıo, ınternet resýrstardy paıdalana otyryp, onlaın rejımde ótkizý qajettigin aıtty. Saılaý kompanııasy úshin arnaıy daıyndalǵan tegin baspa materıalyn, onyń ishinde ıllıýstratsııalyq materıaldy, belgishelerdi, jalaýshalardy taratýda bir ret qoldanylatyn qolǵapty jáne qorǵanysh maskasyn paıdalaný qajet. Oblysta karantın bastalǵaly talapty buzǵan 912 derek tirkeldi. Onyń 543-i toı jasaý faktisi. Bul týraly óńirlik kommýnıkatsııalar qyzmetiniń aqparat alańynda ótken brıfıngide oblystyq PD Jergilikti polıtsııa qyzmetiniń bastyǵy Baýyrjan Ibraev málimdedi.

Qyzylorda oblysynda arnaıy qurylǵan 24 mobıldi top jumys jasaýda. Koronavırýs ınfektsııasynyń taralýyna jol bermeý jónindegi vedomstvoaralyq komıssııa otyrysynyń sheshimine sáıkes, 2020 jylǵy 25 jeltoqsannan bastap 2021 jylǵy 5 qańtarǵa deıin oıyn-saýyq, sport jáne basqa da buqaralyq is-sharalardy, onyń ishinde jańa jyldyq erteńgilik pen korporatıvti ótkizýge tyıym salyndy.

Aıta keteıik, oblysta sońǵy 10 kúnde 40-tan astam adam koronavırýs ınfektsııasyn juqtyrǵan. Memlekettik organdarǵa Jańa jyl merekesin ujym bolyp toılaýdan bas tartý usynyldy. Bul týraly Óńirlik kommýnıkatsııalar qyzmetiniń aqparat alańynda ótken brıfıngide Qyzylorda oblysy boıynsha memlekettik qyzmet isteri departamenti basshysynyń orynbasary Berikbol Baıhojaev málimdedi.

Bul karantın talabyn saqtaý úshin qabyldanǵan sheshim. B.Baıhojaev karantın talaptaryn saqtamaǵan memlekettik qyzmetshilerge shara qoldanylatynyn eskertti.

Pavlodar oblysynda úsh balabaqsha karantınge jabyldy. Árbir mektepke deıingi mekemede qaýipti vırýstyń eki deregi tirkelgen. Oblys ortalyǵynda 1, Aqsý jáne Ekibastuz qalalarynda mektepke deıingi 2 mekemeniń jumysyna ýaqytsha shekteý qoıyldy. Búginde oblys boıynsha 77 bala men 54 balabaqsha qyzmetkeri koronavırýsqa shaldyqqan. Búldirshinderdiń jaǵdaıyn baıandaǵan mamandardyń aıtýynsha, olar aýrýdyń jeńil túrimen aýyryp jatyr. Ótken táýlikte oblys kóleminde qaýipti vırýstyń 60 deregi tirkeldi. 36 naýqas aýrýdyń sıpmtomdy, al 24-i sımptomsyz túrine shaldyqqan.

«Qazirgi tańda balalarda aýrý bessımptomdy nemese jeńil túrde ótip jatyr. Barlyq jaǵdaıda dezınfektsııalyq jáne epıdemııaǵa qarsy jumystar júrgizilgen», - dedi oblystyq sanıtarlyq-epıdemıologııalyq baqylaý departamentiniń bólim basshysy Ǵızat Ábishev.

Keshe Atyraý oblysy boıynsha koronavırýs ınfektsııasynyń belgisi bar pnevmonııanyń 156 jaǵdaıy jáne 2 ólim jaǵdaıy tirkeldi. Oǵan qosa 83 adam emdelip shyqty. 1 tamyzdan beri barlyǵy: aýyrǵandar - 44951, 483 ólim jaǵdaıy tirkeldi, al jazylyp shyqqandardyń sany 32523 jetti. 23 jeltoqsan kúngi málimet boıynsha, Atyraý oblysynda 83 adam koronavırýstan emdelip shyqty, dep habarlaıdy Atyraý oblystyq densaýlyq saqtaý basqarmasynyń baspasóz qyzmeti.

Qazirgi ýaqytta 220 adam úıinde emdelip júr. Oblystyq ınfektsııalyq statsıonarda 102 naýqas, al aýdandaǵy ınfektsııalyq statsıonarda 18, Teńiz kenishiniń ınfektsııalyq statsıonarynda 400 adam em qabyldaýda.

Sońǵy málimetke sáıkes, Atyraý oblysynda ótken táýlikte 59 adamda koronavırýs indeti PTR arqyly rastalyp aýyrǵany belgili boldy. Qaýipti dertke shaldyqqan naýqastyń 12-si Atyraý qalasynan tirkelgen. Teńiz kenishinen 31 jumysshydan, Jylyoı-4, Qyzylqoǵa -3, Inder -4, Qurmanǵazy aýdanynda 5 adamnan COVID-19 anyqtalǵan.

Naýqastardyń 19-ynda aýrý sımptomdy túrde ótýde. Aıta keteıik, oblys boıynsha jasaqtalǵan 1 225 oryndyq ınfektsııalyq statsıonardyń 520-ynda naýqastar em alýda.

Shyǵys Qazaqstan oblysy boıynsha sońǵy táýlikte KVI-diń 66 jaǵdaıy tirkeldi, onyń ishinde 52 (79%) sımptomdyq jáne 14 (21%) sımptomsyz vırýs tasymaldaýshylar. Sondaı-aq, bir táýlik ishinde COVID-19 sáıkestendirilmegen (pnevmonııanyń) 4 jaǵdaı tirkeldi.

KVI-diń jańa 66 jaǵdaıynyń ishinde:
- 25 Óskemen q. 22 s, 3 s/z;
- 24 Semeı q. 21 s, 3 s/z;
- 6 Kókpekti aýdanynda (Kókpekti aýyly - 6) 2s, 4 s/z;
- 2 Glýbokoe aýdanynda (Glýbokoe aýyly - 0) 1s, 1 s/z;
- 2 Jarma aýdanynda (Qalbataý aýyly-1) 1s,1 s/z;
- 2 Altaı aýdanynda (Altaı q. - 0) 1S,1 s/z;
- 2 Ulan aýdanynda (Qasym Qaısenov kenti – 2) 2s;
- 1 Aıagóz aýdanynda (Aıagóz qalasy - 0) 1 s/z;
- 1 Besqaraǵaı aýdanynda (Besqaraǵaı aýyly - 1) 1s;
– 1 Kýrchatov q. – 1s;

Oblys boıynsha ósim qarqyny táýligine 0,4%-dy, aptasyna ortasha ósim Óskemen qalasynda – 0,5%, Semeı qalasynda 0,6%-dy qurady.

Saýyǵýyna baılanysty COVID-19 jáne kovıdti pnevmonııamen syrqattanǵan 9893 adam ınfektsııalyq statsıonardan shyǵaryldy, 5629 sımptomsyz vırýs tasymaldaýshylardyń úı karantıni aıaqtaldy.
Batysqazaqstandyq memlekettik qyzmetshiler jańajyldyq korporatıvtiń ornyna qaıyrymdylyq jasady. Oblys ákiminiń bastamasymen qolǵa alynǵan «Qaıyrymdylyq jasasań, qaıyrymyn óziń kóresiń» atty qaıyrymdylyq is-sharasy aıasynda 14 mln teńgeden astam qarjy jınaldy. Bul qarajatqa azyq-túlik sebeti satyp alynyp, kópbalaly jáne az qamtylǵan otbasylarǵa taratylatyn bolady. Búgin «El yrysy» bazary aýmaǵynda bastapqy 200 sebet taratyldy. Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Altaı Qulqaevtyń aıtýynsha, eldegi epıdemıologııalyq jaǵdaıǵa baılanysty jańajyldyq keshterdi ótkizý toqtatylǵan bolatyn. Oblys ákimdiginiń qoldaýymen qaıyrymdylyq is-sharasyna departamentter men basqarmalar qyzmetkerleri belsendi atsalysty. Jyl sońyna deıin jalǵasatyn is-shara aıasynda shamamen myńǵa jýyq otbasyny qamtý kózdelýde.

BQO polıtsııa departamentiniń resmı ókili Bolatbek Belgibekov mundaı is-sharalardan tártip saqshylary da qalys qalmaı, júıeli ún qosyp kele jatqanyn, bul joly 8 otbasyǵa kómek kórsetilgenin jetkizdi. Oblystyq kásipkerlik jáne ındýstrıaldyq-ınnovatsııalyq damý basqarmasy basshysynyń orynbasary Maqsat Qulanbaevtyń sózine qaraǵanda, bul, bir jaǵynan az qamtylǵan jáne kóp balaly otbasylardy qoldaý. Ekinshi jaǵynan, azyq-túlik sebetine salynatyn ónimder jergilikti kásiporyndardan satyp alynady. ıAǵnı, otandyq ónim óndirýshilerge de qoldaý jasalyp otyr.

Mańǵystaýda 22 jeltoqsandaǵy jaǵdaıǵa sáıkes I-II deńgeıli ınfektsııalyq statsıonarda 111 adam em qabyldap jatyr. Bul týraly Mańǵystaý oblystyq Qoǵamdyq kommýnıkatsııa ortalyǵy habarlady. Oblystyń densaýlyq saqtaý basqarmasynyń málimetinshe, 111 naýqastyń ishinde 46 adam koronavırýsqa tapsyrǵan synama oń nátıje kórsetken. Qazirgi ýaqytta orta dárejeli jaǵdaıda 101, jaǵdaıy aýyr halde 7 naýqas, óte aýyr hálde 4 naýqas bar. Bul bólimge túskenderdiń nasharlaýyna jedel tynys jetispeýshiligi jáne ilespe aýrýlardyń bolýy sebep. Búginde aımaqtyń oqshaýlaý oryndaryndaǵy tósek-oryn júktemesi 25 paıyzdy quraıdy. Oblys kóleminde 444 ınfektsııalyq І-ІІ satyly tósek oryn bar. Reanımatsııalyq tósek sany 54. Anyqtamasyz shetelden kelgen Qazaqstan azamattary men shetel azamattaryna arnalǵan karantın statsıonarlarynda 270 tósek oryn bar.

Almaty qalasynyń bas memlekettik sanıtar dárigeri Jandarbek Bekshın jańa qaýlyǵa qol qoıdy. Oǵan sáıkes qala mektepterinde 1-5-synyp aralyǵyndaǵy qosymsha kezekshi synyptar ázirge ashylmaıdy. Sondaı-aq 25 jeltoqsan men 5 qańtar aralyǵynda barlyq mekeme men uıymdarda jańa jyldyq oıyn-saýyq sharalardy atap ótýge jáne anımatorlardy úıge shaqyrýǵa qatań tyıym salyndy. Al úlken saýda ortalyqtarynyń jumys ýaqyty keshki 23:00-ge deıin uzartyldy. Bılıard, boýlıng jáne balalardyń oıyn-saýyq ortalyqtary jumys kúnderi ǵana emes, mereke kúnderi de jumys istemeıdi. «Óıtkeni sońǵy kúnderi koronavırýspen aýyrǵandar sany osydan eki aı burynǵymen salystyrǵanda 4,5 esege artyp otyr», - dedi onlaın brıfıngte qalanyń bas sanıtarlyq dárigeri Jandarbek Bekshın.

«Tamyz aıynan bastap esepke alynǵan etıologııasy anyqtalmaǵan pnevmonııanyń 1 349 jaǵdaıy tirkeldi. Qyrkúek aıynda koronavırýs ınfektsııasy 165 jaǵdaıdan tómendegen, al jeltoqsan aıynda osy indet baıqalyp jatyr. 1 660 jaǵdaı tirkelip, indettiń ósýi qarqyndaýda», - dedi Jandarbek Bekshın.

Almatynyń bas sanıtarlyq dárigeri Aıaz ata men Aqshaqardy úıge shaqyrýǵa tyıym salatyn qaýlyǵa qol qoıdy. Qujatta balabaqshalar men mektepterde qosymsha kezekshi toptar ashýǵa da ruqsat joq. Osyǵan qaramastan saýda oıyn-saýyq ortalyqtary men qoǵamdyq tamaqtaný ortalyqtary belgili bir shekteý sheńberinde 23:00-ge deıin jumys isteıtin bolady. Qaýly jeltoqsannyń 26-nan bastap kúshine enedi.

Eske salsaq, Almaty qalasy indet taralýynyń jasyl deńgeıinen saryǵa ótken. Sońǵy táýlikte shaharda 90 adamnan koronavırýstyq ınfektsııa belgileri anyqtaldy.

Aqtóbedegi saýda oryndarynyń jumys kestesine qatysty shekteýler jeńildetildi. Oblystyń bas sanıtarlyq dárigeriniń qaýlysyna sáıkes, dúkender men iri gıpermarketterdiń qyzmet kórsetýine ruqsat etildi. Kásipkerlik nysandar pandemııaǵa deıingi jumys kestesine kóshedi. Ashyq aspan astyndaǵy demalys oryndary, muz aıdyndary men syrǵanaq alańdary da ashyq. Jurt sanıtarlyq talaptardy saqtaýy tıis. Vahtalyq ádispen jumys isteıtin kásiporyndar úshin de jańa talaptar bekitilgen. Endi árbir qyzmetker úıine qaıtar aldynda PTR ádisimen zerthanalyq tekserýden ótýi mindetti. Anyqtama teris nátıje kórsetkende ǵana kezekti demalysyna jiberiledi. Tıisti zerthanalyq baqylaý uıymdastyrý kásiporyndardyń basshylyǵyna júkteldi. Oblystyq sanıtarlyq-epıdemıologııalyq baqylaý departamenti basshysynyń orynbasary Gúlbaný Dáýletovanyń aıtýynsha, jańa jyldyq meıramdar kele jatyr. Soǵan baılanysty kópshilik bir mezgilde jınalmaý úshin. Soǵan sáıkes olar ózderiniń ishki tártipterine sáıkes jumys jasaı alady. Mindetti túrde áleýmettik qashyqtyqty saqtaý kerek, betperde bolýy kerek jáne de basqa da talaptardy saqtaı otyryp, jumys jasaýyna ruqsat etildi.

Elde PTR test anyqtamasyna suranys artqaly jalǵan qujat jasaýshylar kóbeıgen. Máselen, Atyraýdaǵy Teńiz munaı ken ornyna jalǵan PTR anyqtamamen kirmek bolǵan derekke baılanysty qylmystyq is qozǵaldy. Sotqa deıingi tergeý «jalǵan qujattardy qoldan jasaý, daıyndaý nemese ótkizý» baby boıynsha júrgizilip jatyr. Ázirge eki jumysshydan kúmándi qujat tabylǵan. Jergilikti turǵyndardyń synama nátıjesin qaıdan jáne qalaı alǵany belgisiz. Oblystyq polıtsııa departamentiniń baspasóz hatshysy Gúlnázıra Muhtarovanyń aıtýynsha, Soltústik Teńiz blok beketinde polıtsııa medıtsınalyq anyqtamasy kúdik týdyrǵan 2 jumysshyny anyqtapty. Bul derek boıynsha sotqa deıingi tergeý QK 385-babymen júrgizilýde. Ózge aqparat qylmystyq kodekstiń 201-babyna saı jarııalaýǵa jatpaıdy. «Saq bol» qosymshasy arqyly jasalǵan ıntegratsııalyq portal anyqtamadaǵy shtrıh-kodty tekseredi. Jalǵan qujat qoldanǵandar 400 myń teńgedeı aıyppul tóleıdi nemese 40 kúnge qamalýy múmkin.

Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT