COVID-19: Almatyda 64 jastaǵy naýqas jasandy tynys alý apparatyna qosyldy

ALMATY. QazAqparat – Almatyda koronavırýs juqtyrǵan 64 jastaǵy naýqas jasandy tynys alý apparatyna qosyldy.

Uqsas jańalyqtar

Óskemende koronavırýs juqtyrǵan zeınetkermen 198 adam baılanysta bolǵan

Tótenshe jaǵdaıda bılikke senim men jurtta jaýapkershilik bolýy kerek Nurlan Ermekbaev: Arnaýly jıyndy jappaı jumyldyrýmen shatastyrmaý kerek Atyraýda shetel azamaty blokbeketti aınalyp ótpek bolǵan

Bul týraly qalalyq Qoǵamdyq densaýlyq saqtaý basqarmasynyń basshysy Tileýhan Ábildaev onlaın brıfıngte aıtty, dep habarlaıdy QazAqparat tilshisi.

«Bir naýqastyń jaǵdaıy aýyr, entigýine baılanysty ókpeni jasandy jeldetý apparatynda jatyr. 64 jastaǵy bul patsıenttiń jaı-kúıi ókpeniń sozylmaly obstrýktıvti bronhıt aýrýynyń bolýyna baılanysty nasharlap otyr Jasandy jeldetý apparatyna qosylǵaly beri jaǵdaıy birqalypty. Koronavırýs ınfektsııasy ókpeniń sozylmaly aýrýy bar patsıentterdiń jaǵdaıyn ýshyqtyratynyn bilemiz», - dedi T.Ábildaev.

Basqarma basshysynyń aıtýynsha, Almatyda ókpeni jasandy jeldetý apparaty jetkilikti.

«Bizdiń mekemeler mundaı apparatpen tolyq qamtylǵan. Tipti qajet bolǵan jaǵdaıda basqa statsıonarlardan apparat aldyrýǵa múmkindik bar», - dedi ol.