+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

COVID-19: Álemde 1,5 mln naýqas kóz jumdy

2020 jylǵy 29 qarasha 22:14
Bólisińiz:
COVID-19: Álemde 1,5 mln naýqas kóz jumdy

NUR-SULTAN. QazAqparat - Álemde koronavırýsty juqtyrǵandar sany 62 mılıonnan asyp, dertten kóz jumǵandar 1 mıllıon 500 myńǵa jýyqtaǵan. Bul – amerıkalyq Djons Hopkıns ýnıversıtetiniń sońǵy málimeti. Dúnıejúzilik densaýlyq saqtaý uıymynyń habarlaýynsha, sońǵy bir táýlikte ǵalamda vırýs 750 myńǵa jýyq adamnan anyqtalǵan. Bul – indet taralǵaly bergi eń joǵarǵy táýliktik kórsetkish. Dertti juqtyrý dereginiń basym bóligi Soltústik pen Ońtústik Amerıka, Eýropa jáne Ońtústik shyǵys Azııada tirkelip otyr.

Uqsas jańalyqtar
Qazaqstanda koronavırýstan emdelip jatqan 57 naýqastyń jaǵdaıy óte nashar Koronavırýs pnevmonııasynan taǵy eki adam qaıtys boldy Qazaqstanda sońǵy táýlikte 1124 adam koronavırýstan jazyldy

Reseıde bir apta ishinde koronavırýs juqtyrǵandar sany 179 987 adamǵa artty. Bul týraly jańa ınfektsııamen kúres jónindegi federaldy jedel shtab málim etti, dep habarlaıdy QazAqparat TASS agenttigine silteme jasap. Bir aptadaǵy aýrýǵa shaldyqqandar sany qyrkúıektegi bir aılyq kórsetkishpen shamalas. Eske sala keteıik, qyrkúıek aıynda jalpy sany 180 967 adam vırýs juqtyrǵan edi. Anyqtalǵan jaǵdaılar sany ótken aptadaǵy kórsetkishten 10,1% artyq. Ótken aptada 163 504 patsıent aýrýǵa shaldyqqan bolatyn. Ólim jaǵdaılarynyń da sany artty. Sońǵy jeti kúnde 3 348 adam indetten kóz jumǵan. Al ótken aptada qaıtys bolǵan naýqastar sany 2 993 adamdy quraǵan edi. Bir aptada Reseıde koronavırýs dıagnozy qoıylǵan 166 014 patsıent aýrýhanadan shyǵaryldy. Ótken aptada onyń sany 155 458 adam bolǵan edi. Emdelip shyqqan reseılikterdiń úlesi 76,4% -dan 77,6% -ǵa deıin ósti.

AQSh-ta ótken táýlikte 205 myńnan astam adamnyń vırýs juqtyrǵany anyqtalypty. Bul – elde indet taralǵannan bergi eń joǵary táýliktik kórsetkish. Buǵan deıin qarashanyń 21-i kúni 195 myńnan asa adam vırýsqa shaldyqqan edi. Keı mamandar Rojdestvo merekesinen keıin naýqastar sany kúrt ósýi múmkin dep otyr. Bılik kelesi aptadan bastap aýrýhanalarǵa vırýsqa qarsy vaktsına jetkiziletinin habarlady. Bul týraly prezıdent Donald Tramp málimdedi. Ekpe eń aldymen dárigerler men qart adamdarǵa salynady.

Meksıkada koronavırýstan bir kúnde 645 adam qaıtys boldy. Qaraly habardy osy eldiń densaýlyq saqtaý mınıstrliginiń baspasóz qyzmeti jetkizdi. Latynamerıka elinde kovıdten kóz jumǵandar qatary 104 myńnan asqan. Sonymen birge osydan eki kún buryn 8 myń 107 turǵynnyń indetti juqtyrǵany anyqtaldy. Osynyń aldynda Meksıkanyń Syrtqy ister mınıstri jeltoqsan aıynyń ortasynda jappaı ekpe sharalary bastalatynyn málimdegen bolatyn. Onyń aıtýynsha, jergilikti bılik AQSh pen Eýropada ázirlenip jatqan vaktsınalardyń resmı kýálik alǵanyn kútip otyr.

Portýgalııa astanasynda indetpen kúres maqsatynda polıtseıler kólikterdi teksere bastady. Jańa shekteýler boıynsha túngi saǵat 11-den tańǵy 5-ke deıin bir jerden ekinshi mekenge sapar shegýge tyıym salynǵan. Aldaǵy dúısenbiden bastap barlyq mektepter jabylyp, kásiporyndardyń jumys ýaqyty qysqartylady. Shara ulttyq merekeler aldynda indettiń órshýin toqtatý úshin qolǵa alynǵan. Portýgalııada vırýs juqtyrǵandar sany 300 myńǵa taqady. Sońǵy táýlikte vırýs 5 myń adamnan anyqtalǵan.

Belgııada qatań karantın men komendanttyq saǵat qańtardyń 15-ine deıin uzartyldy. Tártipke saı barlyq kásiporyn men kompanııa qashyqtan jumys isteýin jalǵastyrady. Meıramhanalar men dámhanalar, mádenı jáne oıyn-saýyq oryndary da ashylmaıdy. Barlyq jeke mereke-keshterdi uıymdastyrýǵa tyıym kúshinde qaldy. Ár otbasy úıine tek bir qonaq qana shaqyra alady. Tártipti buzǵandarǵa 250 eýro kóleminde aıyppul salynady. Tek jeltoqsannyń 1-inen bastap azyq-túlik dúkenderinen basqa da dúkenderdi ashý týraly sheshim qabyldandy. Belgııada sońǵy 2 aptada 3,5 myńnan astam adam vırýs juqtyryp, naýqastardyń jalpy sany 16 myńnan asqan.

Frantsııada jeltoqsan aıynyń ortasyna qaraı eldegi epıdemıologııalyq ahýal tolyq baqylaýǵa alynady. Matematıkalyq esep júrgizgen el bıligi sanıtarlyq talaptar tolyq oryndalar bolsa, elde vırýs juqtyrýdyń táýliktik deńgeıi 5 myńǵa deıin tómendeıtinin aıtady. Qazir bul kórsetkish 17 myńnyń tóńireginde. Soǵan qaramastan, Frantsııada dúkender men saýda ortalyqtary qaıta ashyldy. Biraq olar birqatar talapty qatań saqtaýy tıis. ıAǵnı saýda ortalyqtarynda árbir satyp alýshy úshin 8 sharshy metr jer qarastyrylýy kerek. Sonymen qatar adamdar qozǵalysy tek bir baǵytta bolýy tıis. Budan bólek, jeltoqsannyń ortasynda eldegi lokdaýndy komendanttyq saǵatpen almastyrý kózdelgen. Jalpy frantsýz jurty qalypty ómirge qańtardyń 20-synan keıin oralady. Sebebi osy kúnnen bastap eldegi barlyq shekteý sharalary alynyp tastalady. Kafe-barlar da jumys isteı bastaıdy. Eldiń premer-mınıstri úsh aı boıy qyzmetin toqtatyp, shyǵynǵa belsheden batqan bul salaǵa barynsha qoldaý kórsetetinin jetkizdi.

Germanııada koronavırýsty juqtyrý derekteriniń sany bir mıllıonnan asyp ketken. Álemde bul mejeden asqan 12 memleket bar. Kóbi Eýropa jáne Latyn Amerıkasynyń elderi. Osyǵan deıin Germanııada epıdemıologııalyq ahýaldyń nasharlaýyna baılanysty qarashanyń basynda jarııalanǵan lokdaýn uzartylatyny belgili boldy. Bul eldiń bıligi Rojdestvo men Jańa jylda vırýstyń odan ári órship ketýine jol bermeýdiń jolyn qarastyryp otary.

Pákistanda barlyq oqý oryndary karantınge jabyldy. Saýda ortalyqtary men bazarlarda shekteý sharalary kúsheıtildi. Bilim berý mekemeleri aldaǵy jyldyń 10-qańtaryna deıin ashylmaıdy. Aıta keteıik, sońǵy málimet boıynsha Pákistanda koronavırýs ınvektsııasyn juqtyrǵandar sany 382 myń adamnan asqan. Medıtsına qyzmetkeri ıAsın Akbardyń aıtýynsha, qazan aıynda kúnine koronavırýs juqtyrǵan 14 naýqasqa túsetin. Al qazir olardyń sany 70-ke jetken. Bul indetti toqtatýdyń birden bir qarapaıym joly betperde kııý jáne qoldy únemi tazalap júrý.

Úndistanda halyqty koronavırýsqa qarsy egýge daıyndalyp jatyr. Alǵashqy lektiń ózi 30 mıllıon turǵyndy qamtıdy. Bul Úndistandaǵy Vaktsınatsııalaý týraly ulttyq komıteti taratqan málimet. Qaýipti vırýsqa qarsy ekpe aldymen dárigerlerge, polıtsııa qyzmetkerlerine, jasy elýden asqan turǵyndar men sozylmaly aýrýy bar adamdarǵa salady. Ekpe salý kelesi jyldyń naýryzynan mamyr aıyna deıin deıingi aralyqta iske asyrylmaq. Bılik dertke qarsy vaktsına barlyq synaqtardan ótip, qaýipsizdik talaptaryna saı bolýy qadaǵalanatynyn aıtady.



Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT