+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

COVID-19: Álem elderin álek qylǵan indet

2020 jylǵy 12 jeltoqsan 22:00
Bólisińiz:
COVID-19: Álem elderin álek qylǵan indet

NUR-SULTAN. QazAqparat - Eýropanyń biraz eli men AQSh-tyń jaǵdaıy máz emes. Koronovırýs ınfektsııasyn juqtyryp, aýyryp jatqan adam sany azaımaı tur. Shekteý sharalaryn kúsheıtip, aldaǵy merekelerde kóp adamnyń jınalmaýyn eskertip álek. Keıbir elder merekede sál jeńildik berý jaǵyn da oılastyrǵan. Degenmen, qaýipti indettiń beti qaıtpaı, bosańsýǵa bolmaıdy. Sondaı-aq, álem elderi vaktsına egýdi bastap ketken edi. Onyń qandaı áseri bolyp jatqany jóninde jáne shet elderdegi epıdemıologııalyq ahýal jaıyn sholý jasap óteıik.

Uqsas jańalyqtar
Atyraý oblysynda vaktsına alýshylardyń táýliktik kórsetkishi azaıdy SQO-da koronavırýstan qaıtqandardyń 78 paıyzy - 61 jastan asqandar Almatyda koronavırýs juqtyrǵan 133 naýqas jansaqtaý bóliminde jatyr

AQSh-tyń Kalıfornııa shtatynda indettiń taralýy kúsheıip, aımaqtaǵy mektepter jabylatyn boldy. Sebebi, sońǵy kúnderi shtatta vırýsty juqtyrǵandar sany kúrt ósken. Osyǵan baılanysty júzdegen myń oqýshy qaıtadan qashyqtan oqýǵa kóshiriledi. Al resmı derekke qaraǵanda, Kalıfornııada sońǵy bir táýlikte 29 myńnan astam adam aýrýǵa shaldyqqan. Los-Andjeles qalasynda dertti juqtyrý deregi Nıý-Iork shaharyna qaraǵanda úsh ese artyq. Sondyqtan bılik naýqastar sany azaımaıynsha oqý oryndaryn jabý týraly sheshim qabyldady.

Ispanııada koronovırýs juqtyrǵandar sanynyń azaıǵanyna qaramastan jaǵdaı kúrdeli. Eldiń Densaýlyq saqtaý salasyndaǵy tótenshe jaǵdaı qyzmetiniń basshysy Fernando Sımon osylaı dep málimdedi. Sebebi, kez kelgen qatelik indettiń qaıta órshýine ákelýi múmkin, dep otyr. Al Pıreneı túbegine COVID-19-ǵa qarsy vaktsınanyń alǵashqy partııasy qańtar aıynda jetkizilmek. Jalpy Madrıd halyqty jappaı egý úshin 140 mıllıon doza vaktsına alýdy josparlaǵan. Іs-shara úsh kezeńmen júzege asyrylady. Ispanııada vırýsty juqtyrǵandar sany 1 mıllıon 700 myńnan asqan.

Frantsııada indettiń ekinshi tolqyny báseńdedi. Soǵan baılanysty karantınnen shyǵý týraly sheshim qabyldandy. Óıtkeni elde vırýsty juqtyrý kórsetkishi kúnine 70 myńnan 11 myńǵa deıin azaıǵan. Sheshim jeltoqsannyń 15-nen bastap kúshine enedi. Biraq 6 aptaǵa sozylǵan lokdaýnnan keıin komendanttyq saǵat engiziledi. Tártip keshki saǵat 20:00-den tańǵy 06:00-ge deıin qoldanylady. Bir aımaqtan ekinshi aımaqqa sapar shegýge ruqsat etiledi. Al jeltoqsannyń 24-i kúni Rojdestvo merekesinde bir kúnge barlyq shekteýler alynady. Alaıda 6 adamnan kóp kisiniń jınalýyna tyıym salynady. Jańa jylda komendanttyq saǵat saqtalmaq. Frantsııada indet taralǵaly 2 mıllıon 300 myńnana astam adam vırýs juqtyryp alǵan.

Germanııa astanasynda Rojdestvodan keıin qatań lokdaýn rejımi ornaıdy. Osyǵan baılanysty Berlın turǵyndary bıylǵy jańa jyl merekesin bes adamnan kóp ortada qarsy ala almaıdy. Sonymen qatar azamattardyń jappaı jınalys ótkizýine de tyıym salynady. Shopıng jasaýǵa da shekteý qoıylmaq. Qala meri málimdegendeı, 25 jeltoqsannan bastap 10 qańtarǵa deıin shaharda tek azyq-túlik dúkenderi ǵana jumys isteıdi. Sondyqtan bılik ókilderi syılyqtyń qamyna erterek kirisýge keńes berip otyr. Jalpy sarapshylardyń boljamynsha, mundaı shekteý sharalary tek Berlınde ǵana emes, búkil el aýmaǵynda engizilýi múmkin. Óıtkeni vırýs yryqqa kóner emes. Kúni keshe ǵana elde 23 myńnan astam jańa derek tirkeldi. Bul – jańa antırekord. Іndetten eń kóp zardap shegip otyrǵan aımaq Bavarııada da shekteý sharalary kúsheıdi. Ondaǵy turǵyndar endi sebepsiz syrtqa shyǵa almaıdy. Vırýs juqtyrý kórsetkishi joǵary taǵy birneshe qalada komendanttyq saǵat jarııalanǵan.

Shvetsııa koronavırýsqa baılanysty Úkimettiń ókilettigin kúsheıtetin zań qabyldamaq. Jergilikti aqparat quraldarynyń habarlaýynsha, zań jobasy Parlament qaraýyna usynylǵan. Jańa ókilettik bılikke koronavırýsqa shaldyqqandar sany ósken jaǵdaıda kásiporyn, dámhanalar men dúkenderdiń jumysyn kúshtep toqtatýǵa nemese shekteýge múmkindik bermek. Jańa zań 15 naýryzda kúshine enip, 1 jylǵa jalǵasýy múmkin. Bir qyzyǵy, osy eldiń memlekettik epıdemıology Anders Tegnel áli kúnge deıin maska taǵýǵa qarsy. Onyń aıtýynsha, betperdege qaraǵanda áleýmettik qashyqtyqty saqtaý anaǵurlym tıimdi. Sondaı-aq Anders Tegnel vaktsına salý birneshe aıdan keıin ǵana bastalatynyn jetkizdi. Eske sala keteıik, Shvetsııa Batys Eýropada qatań karantın engizbegen jalǵyz el ondaǵy barlyq shekteý sharalary tek usynys retinde ǵana. Jalpy pandemııa bastalǵaly elde kovıdpen 304 myń adam aýyryp, 7296-sy kóz jumǵan.

AQSh-ta klınıkalyq zertteýler barysynda koronavırýsqa qarsy Pfizer vaktsınasyn qabyldaǵan tórt adamda bettegi nerv júıelerine qatysty Bella paralıchi paıda bolǵan. Bul týraly Daily Mail habarlady. AQSh-tyń Azyq-túlik jáne dári-dármekterdiń sapasyn baqylaý basqarmasy (FDA) mundaı janama áserdiń vaktsınadan bolǵanyna kúmán keltirip otyr. Degenmen dárigerlerge patsıentterdiń densaýlyǵyn muqııat baqylaýǵa keńes berdi. Aıtýlarynsha, Bella sal aýrýy kez kelgen adamda bolýy múmkin jáne onyń sebebi belgisiz, degenmen vırýstyq respıratorlyq ınfektsııalar, onyń ishinde koronavırýs qaýipti faktor bolyp sanalady.

Ulybrıtanııada Pfizer men BioNTech kompanııasy óndirgen vaktsınadan eki medıtsına qyzmetkerinde anafılaksııalyq allergııalyq reaktsııa paıda boldy. Aqparat kózderiniń habarlaýynsha, qazir ekeýi de din aman. Dárigerler olarǵa der kezinde kómek kórsetip úlgergen. Endi Ulybrıtanııanyń dári-dármekti retteý agenttigi medıtsınalyq preparattar men azyq-túlikke allergııasy bar turǵyndarǵa ázirge vaktsına qabyldaýdan bas tartýǵa shaqyrady. Mamandar preparattyń naqty qaı quramynan allergııa týyndaǵanyn áli anyqtaǵan joq. Medıtsınalyq taýar men dárini retteý agenttiginiń basshysy Djýn Reınniń aıtýynsha, eger preparattan janama áser paıda bolsa, qaýiptiligi joǵary topqa jatatyn turǵyndarǵa mindetti túrde eskertý kerek. Buryn allergııasy baıqalǵan nemese allergııasy bar adamdar ekpe qabyldamaǵany jón. Al, AQSh vaktsınatsııaǵa qyzý daıyndalyp jatyr. Aımaqtaǵy aýrýhanalarda arnaıy ortalyqtar ashylyp, dárini durys saqtaý úshin tıisti muzdatqyshtar jetkizildi. Basty talap vaktsına -70 gradýsta saqtalýy kerek. Jalpy búginde Pfizer vaktsınasyn qoldanysqa engizýdi Ulybrıtanııa, Saýd Arabııasy, Bahreın men Kanada resmı túrde maquldap úlgerdi. Al Argentına bıligi bolsa, Reseıdiń «Spýtnık V» preparatymen kelisimge otyrǵan. Reseılik ǵalymdardyń aıtýynsha, kórshi eldiń shyǵarǵan dárisi álemde eń joǵarǵy oń nátıje kórsetip otyr.

Brazılııa koronavırýsqa qarsy vaktsına salýdy tezdetýi múmkin. El bıliginiń málimdeýinshe, ekpe sharalary jyl aıaǵyna deıin qolǵa alynýy tıis. Buǵan eldegi epıdemıologııalyq jaǵdaıyń ýshyǵýy sebep bolyp otyr. Sońǵy málimet boıynsha vırýsty 54 myńdaı adam juqtyryp, 836 turǵyn kóz jumǵan. Ázirge «Faızer» ekpesi jergilikti quzyrly organnyń tekserisinen ótip jatyr. Úkimet sertıfıkattaýdy tezdetý kerek dep asyqtyryp jatyr. Buǵan deıin vaktsınany resmı bekitý 2 aıǵa sozylýy múmkin degen aqparat taraǵan bolatyn.

Ózbekstanda koronavırýsqa qarsy qytaılyq vaktsına synaǵynyń úshinshi kezeńi bastaldy. Alǵashqy doza Innovatsııalyq damý mınıstrliginiń qyzmetkerlerine salyndy. Klınıkalyq synaqqa bas-aıaǵy 5 myń adam qatyspaq. Zhifei kompanııasy óndirgen vaktsınany 2,5 myń adamǵa ekse, qalǵandaryna dárilik áseri joq preparat salynady. Osylaısha, vaktsınanyń tıimdiligi synalmaqshy. Búkil protsess shamamen 1 jylǵa sozylady. Eger bári sátti ótse, onda Ózbekstan bul vaktsınany Qytaıdan tómen baǵamen satyp almaq.

Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT