+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

CQO-da jyl basynan jol-kólik oqıǵalarynda 17 adam mert boldy

2021 jylǵy 3 tamyz 03:45
Bólisińiz:
CQO-da jyl basynan jol-kólik oqıǵalarynda 17 adam mert boldy

PETROPAVL. QazAqparat – Soltústik Qazaqstan oblysynda eki aptaǵa jalǵasqan «Mas júrgizýshi» oblystyq jedel-profılaktıkalyq is-sharasy 31 shildede máresine jetti, dep habarlaıdy QazAqparat tilshisi.

Uqsas jańalyqtar
Elordada «Sergek» kameralary 800 myńnan astam ereje buzý faktilerin tirkedi Óskemende 3 kólik soqtyǵysty Almatyda polıtsııa kóligine «Sergek» kamerasy ornatyldy

SQO polıtsııa departamenti baspasóz qyzmetiniń málimetinshe, óńirde eki apta boıy ótken «Mas júrgizýshi» operatsııanyń maqsaty tek mas júrgizýshilerdi anyqtaý ǵana emes, jalpy jol júrisi erejelerin óreskel buzýdyń jolyn kesý men olardy anyqtaý boldy.

Jyl basynan SQO joldarynda 97 jol-kólik oqıǵasy tirkelip, 17 adam qaıtys bolǵan jáne 123 adam jaraqat aldy. Taldaý nátıjesinde avtoavarııalardyń negizgi sebepteri anyqtaldy, olar: jaıaý júrginshiler ótkelinen, kóshe qıylystarynan ótý qaǵıdalaryn buzý, jyldamdyqty asyrý, basyp ozý, manevrleý, araqashyqtyqty saqtaý qaǵıdalaryn buzý. Sondaı-aq jol-kólik oqıǵalary jaıaý júrginshilerdiń jol erejesin saqtamaýynan da bolǵan.

SQO PD bastyǵynyń birinshi orynbasary Qanat Aıtbaevtyń aıtýynsha, jyl basynan jol qaýipsizdigin qamtamasyz etýge qatysty óńirde 13 jedel-profılaktıkalyq is-shara júrgizilgen. Onyń sońǵysy – «Mas júrgizýshi», ol 15-31 shilde aralyǵynda ótti. Іs-shara nátıjesinde 16 kúnde SQO joldarynda jolda júrý erejesin buzýdyń 8128 deregi anyqtalǵan. Onyń 92 faktisi kólikti mas kúıde basqarý. Qaýipsizdik beldigin taqpaý, rólde telefonmen sóılesý - keı júrgizýshilerdiń túsiniginshe bolmashy nárse sanalǵanymen, bul talaptardy elemeýdiń sońy qaýipti saldarǵa ákelýi múmkin.

«Oblystyń barlyq aýdandaryndaǵy asa avarııalyq-qaýipti jol ýchaskelerinde patrýldik avtomashınalardyń maketteri ornalastyrylǵan. Olar túnde asa tıimdi: maketterdi kórgen kezde jolaýshylar jyldamdyqty azaıtyp, jol júrýdegi tártipti ustanady. Apparat qyzmetkerleri áleýmettik jelilerde profılaktıkalyq jumys júrgizedi.

Oqý jyly bastalar aldynda «Abaılańyz, balalar» respýblıkalyq jedel-profılaktıkalyq is-sharasynyń birinshi kezeńin ótkizý josparlanyp otyr. Jol-kóshe jelileri, ásirese oqý ornyndaryna jaqyn joldardyń jaǵdaıy tekseriledi, ata-analar jınalystarynda balalar jol-kólik jaraqaty profılaktıkasy boıynsha dárister ótkiziledi», - deıdi Qanat Aıtbaev.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT