+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

CQO-da áleýmettik mańyzy bar 13 nysannyń qurylysy júrip jatyr

2021 jylǵy 14 shilde 13:48
Bólisińiz:
CQO-da áleýmettik mańyzy bar 13 nysannyń qurylysy júrip jatyr

PETROPAVL. QazAqparat – Soltústik Qazaqstan oblysynda bıyl 13 áleýmettik nysan boı kótermek, onyń ishinde bilim berý mekemeleri, emhanalar men dene shynyqtyrý-saýyqtyrý keshenderi bar, dep habarlaıdy QazAqparat tilshisi.

Uqsas jańalyqtar
Qurylys kompanııalaryna maman daıarlaýǵa tikeleı atsalysý usynyldy Sarapshy qurylys salasynda bilikti mamandardyń nege az ekenin aıtty Qurylys salasynda 242 myń maman tapshy

SQO ákiminiń orynbasary Sátjan Ablalıevtiń aıtýynsha, 13 nysannyń qurylysyna qarajat bólingen. Jobalardy júzege asyrýǵa 2 myńǵa jýyq qurylysshy tartylady.

Petropavldaǵy Ýálıhanov kóshesiniń boıyndaǵy «Ortalyq» shaǵyn aýdanynda turǵyn úı keshenderi kóptep boı kóterip jatyr. Bıyl jańa oqý jylynda munda 900 oryndyq jańa mektep paıdalanýǵa beriledi.

Jergilikti ýnıversıtettiń oqý-zerthanalyq korpýsy jyl sońyna deıin salynyp bitpek. Ǵımaratta 73 zamanaýı zerthana ornalasady.

Qazir joǵary oqý ornynda 7,5 myń stýdent bolsa, bıyl olardyń sanyn 10 myńǵa jetkizý mindeti tur. Ol úshin naryqta suranysqa ıe jańa mamandyqtar ashylmaq.

Sondaı-aq stýdentterdiń jataqhana máselesi de sheshiledi. Qazir 1200 orynǵa arnalǵan eki jataqhananyń jobalyq-smetalyq qujattary saraptamaǵa jiberildi.

Bul eń bastysy jastardy óńirde ustap qalýǵa jaǵdaı jasamaq.

244 orynǵa arnalǵan jataqhana daryndy balalarǵa mamandandyrylǵan oblystyq mektep-ınternat-kolledj oqýshylaryna da salynyp jatyr.

Joba quny - 740 mln teńge. Keler jyldyń birinshi toqsanynda paıdalanýǵa berilmek.

«Petropavldaǵy eki jańa shaǵyn aýdanda emhana qurylysy júrip jatyr. «Berekedegi» emhana 250 adamdyq. Bólingen qarjynyń jartysyna jýyǵy ıgerildi. Joba túzetýge jiberilmek. «Jas Órkendegi» emhana da 250 adamǵa shaqtalǵan. Onyń qurylysy bıyl bastalady. Shaǵyn aýdan damyp keledi, sol sebepti medıtsınalyq mekemege qajettilik joǵary», - deıdi Sátjan Ablalıev.

Budan basqa oblystyń jeti aýdanynda dene shynyqtyrý-saýyqtyrý keshenderi, al tórt aýdanda jabyq hokkeı korttary salynyp jatyr.

«Aıyrtaý aýdany Saýmalkóldegi dene shynyqtyrý-saýyqtyrý kesheni boıynsha másele bar. Mundaǵy jumystar ýaqytsha toqtatyldy. Merdiger «Sevımstalkon» JShS qurylys júrgizý lıtsenzııasynan aıyryldy. Іs sotqa deıin jetti», - deıdi oblys ákiminiń orynbasary.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT