+7 (701) 759 90 19
USD 432.01 EUR 518.67
RUB 5.61 CNY 66.48
Jańalyqtar

Tsıfrlyq Qazaqstan: Elordada 6 negizgi baǵyt boıynsha aýqymdy jumystar iske asyrylýda

2021 jylǵy 18 aqpan 18:33
Bólisińiz:
Tsıfrlyq Qazaqstan: Elordada 6 negizgi baǵyt boıynsha aýqymdy jumystar iske asyrylýda

NUR-SULTAN. QazAqparat - Elordany «Aqyldy qala» tujyrymyna saı tsıfrlandyrý jáne transformatsııalaý boıynsha aýqymdy jumystar júrgizilýde. «Tsıfrlyq Qazaqstan» memlekettik baǵdarlamasy sheńberinde 6 negizgi baǵyt boıynsha basym jobalar iske asyrylýda: bilim berý, densaýlyq saqtaý, qaýipsizdik, TKSh, kólik jáne memlekettik qyzmetter salalaryn tsıfrlandyrý, dep habarlaıdy QazAqparat qala ákimdiginiń resmı saıtyna silteme jasap.

Uqsas jańalyqtar
Almaty qoımasyndaǵy sapasyz medıtsınalyq quraldar: Jandarbek Bekshın túsinikteme berdi Elordada jyl saıyn 168 myń azamat áleýmettik qoldaýmen qamtylady Aqmola oblysynda memleketke 1,7 mıllıard teńge zalal keltirgen qylmystyq top anyqtaldy

Búgin elorda ákimi Sybaılas jemqorlyqqa qarsy is-qımyl agenttiginiń tóraǵasy Alık Shpekbaevqa jumys barysyn jáne onyń qoldanysyn tanystyrdy. Іs-sharaǵa beınekonferentsııa baılanysy arqyly birqatar mınıstrlikter, oblystyq ákimdikter jáne t.b. qatysty.
Altaı Kólginov atap ótkendeı, tsıfrlyq tehnologııalardy engizý qyzmetterdiń sapasyn arttyrýǵa jáne qala turǵyndarynyń ómirin jeńildetýge ǵana emes, sonymen qatar sybaılas jemqorlyq táýekelderin birneshe ese azaıtýǵa, adamı faktordy boldyrmaýǵa múmkindik beredi.


«El basshylyǵy memlekettik qyzmetterdi tsıfrlandyrý men avtomattandyrýǵa erekshe kóńil bóledi. Osy baǵytta úlken jumys atqarýdamyz. Qazirdiń ózinde kóp nárse jasaldy. Mysaly, ótken jyly biz kórsetetin barlyq 159 memlekettik qyzmetti elektrondy formatqa kóshirdik. Bizge iQala ortalyǵynyń da kómegi zor. Onda turǵyn úı-kommýnaldyq sektory salasynda «bir tereze« qaǵıdaty boıynsha uıymdastyrý qyzmetterin alýǵa bolady. Buryn qyzmet kórsetý reglamenti bolmaǵan. Mysaly, páter satyp alǵannan keıin azamat barlyq monopolısterdi aralap, árqaısysymen jeke-jeke kelisimshart jasasyp, ara-tura qońyraý shalyp, qujattardyń daıyn ekenin bilýge májbúr bolatyn. Bul is 1 aıǵa deıin sozylatyn. Qazir ótinish berýshi iqala.kz saıty arqyly ótinish beredi, 3-5 kún ishinde oǵan qujattardyń daıyn ekendigi týraly SMS habarlama keledi. Osy jyldyń basynan beri ortalyq 14,5 myńǵa jýyq qyzmet kórsetti.


Sonymen qatar, sybaılas jemqorlyqqa qarsy is-qımyl agenttiginiń «Astana – Adaldyq alańy» birlesken jobasy aıasynda mekteptegi tamaqtaný máselesi qozǵaldy. Memlekettik satyp alýlardy avtomattandyrý júrgizilip, barlyq tórt aýdan ákimdigi front-ofıs formatyna kóshti. Ashyq ákimdik rejıminde jumys isteýde. Sondaı-aq densaýlyq pasporttaryn 100% tsıfrlandyrý júrgizildi. Medıtsınalyq anyqtama berýdiń zańdylyǵyn tekserý úshin aqparattyq qyzmet ázirlendi. Berilgen anyqtamaǵa QR-kod jazylady, kodty skanerlep, onyń túpnusqalyǵyn tekserýge bolady. Sondaı-aq, barlyq qoǵamdyq kólikter elektrondy tólem júıelerimen jabdyqtalǵan. Bul aqsha qarajatynyń 40%-yn kóleńkeli aınalymnan shyǵarýǵa múmkindik berdi. «Qaýipsiz aýla» jáne t.b. jobalarmen jumys isteýdi jalǵastyramyz», - dedi elorda ákimi Altaı Kólginov.
Budan basqa, qalada ınjenerlik jeliler men ǵımarattardy, jer ýchaskelerin tsıfrlandyrý, bas jospardyń keńistiktik úsh ólshemdi maketin, qalanyń 3D modelin, ınvestıtsııalyq kartalardy jáne t.b. jasaý boıynsha jumystar júrgizilýde.
Mysaly, ınjenerlik jelilerdi tsıfrlandyrý birneshe máseleni birden sheshýge múmkindik beredi. 3D jáne BIM tehnologııalaryn qoldana otyryp, jelidegi júktemelerdi kórýge, ıaǵnı qaı jerin aýystyrý kerek, qýatty qaı tusta arttyrý kerek sekildi máselelerdiń aldyn alýǵa bolady. Sondaı-aq, tsıfrlyq jobalardy iske asyrý qala qurylysy protsesterin, aýrýhanalardy, mektepterdi, balabaqshalardy belgili bir aýdandardy qamtamasyz etý qajettiligi týraly derekterdi boljaýǵa jáne modeldeýge, qoldanystaǵy jáne jobalanatyn jol jelileriniń jaı-kúıin kórýge jaǵdaı týǵyzady.


Tsıfrlandyrý sol sııaqty bos jer ýchaskelerin utymdy paıdalanýǵa, paıdalanylmaıtyn ýchaskelerdi qaıtarý boıynsha baza qurýǵa múmkindik beredi.

Alık Shpekbaev Nur-Sultan ákimdiginiń qoǵam ómiriniń mańyzdy baǵyttaryn tsıfrlandyrý, memlekettik qyzmetterdi elektrondyq formatqa kóshirý, yntymaqtastyq jáne «Astana - Adaldyq alańy» jobalyq keńsesimen birlesken jumystardy joǵary baǵalady.
«Elordanyń tájirıbesin ózge óńirler de qoldanýy tıis. Qazir elimiz boıynsha jer qatynastary jáne qurylys salalarynda úlken problemalar kezdesip jatady. Búgin, Nur-Sultanda geoportal arqyly oryn alǵan sybaılas jemqorlyq táýekelderin, adamı faktordy boldyrmaýǵa múmkindik beretin erekshe sheshimder men tásilderge kýá boldym. Barlyq ákimdikter osy tájirıbeni negizge alýy kerek. Elordada qabyldanǵan, qazirdiń ózinde tıimdiligin kórsetip otyrǵan standarttardy basqa memlekettik organdar qabyldaýy qajet», - dep túıindedi Antıkor basshysy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT