+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

«Tsıfrlyq Qazaqstan» baǵdarlamasyn iske asyrý tıimdiligi 600 mlrd teńgeden asty - Mamın

2019 jylǵy 18 jeltoqsan 13:15
Bólisińiz:
«Tsıfrlyq Qazaqstan» baǵdarlamasyn iske asyrý tıimdiligi 600 mlrd teńgeden asty - Mamın

NUR-SULTAN. QazAqparat - Premer-Mınıstr Asqar Mamın Qazaqstan ekonomıkasyn tsıfrlandyrý taqyrybyna arnalǵan «Digital Samruk» konferentsııasynyń plenarlyq sessııasyna qatysty, dep habarlaıdy QazAqparat Úkimet basshysynyń baspasóz qyzmetine silteme jasap.

Uqsas jańalyqtar
Qaraǵandy oblysynda 54 aýyldyń mekemeleri ınternetke qosylady Qazaqstanda tutynýshylardyń shaǵymyn qabyldaıtyn aqparattyq júıe qurylýy múmkin Aqtóbede jaıylym men egistik tsıfrlandyryldy

Úkimet basshysy Qazaqstan ekonomıkasyn tsıfrlandyrýdyń álemdik arenada onyń turaqty ósýi men elimizdiń básekege qabilettiligin qamtamasyz etý úshin ósip kele jatqan ózektiligin atap ótti. Osy maqsatqa qol jetkizýdiń negizgi quraly — «Tsıfrlyq Qazaqstan» memlekettik baǵdarlamasy.

«Baǵdarlamanyń 2018 jáne 2019 jyldardaǵy jalpy ekonomıkalyq áseri 600 mlrd teńgeden asty. Memlekettik qyzmetterdi usyný, bilim berý, densaýlyq saqtaý, qarjy salalary, kólik jáne taý-ken metallýrgııa sektorlarynda tsıfrlyq tehnologııalardy engizýde aıtarlyqtaı eleýli jetistikterge qol jetkizildi, bul Qazaqstannyń ózekti álemdik reıtıngterdegi ornyn jaqsartýǵa múmkindik berdi», — dedi A. Mamın.

Premer-Mınıstr tsıfrlandyrýdyń ulttyq ekonomıkanyń qozǵaýshy kúshine jáne turaqty jumys oryndarynyń generatoryna tek ol jańa qun qurýdyń tetigi bolǵan jaǵdaıda ǵana aınala alatynyn atap aıtty. Osyǵan baılanysty birtindep nátıjeli ınnovatsııalarlarǵa kúsh-jiger shoǵyrlandyrý kerek. Naqty solar Qazaqstan ekonomıkasyna jańa tehnologııalardy ázirleý men beıimdeýdiń dvıgateli bolady jáne jumys ornydaryn qurýdyń jańa tolqynyn iske qosýǵa múmkindik beredi.

«Osy aıda San-Frantsısko qalasynda ótken jumys kezdesýleri aıasynda naryq kóshbasshylarymen akseleratsııa jáne venchýrlyq qarjylandyrý salasynda birlesken qorlar qurý týraly ýaǵdalastyqtarǵa qol jetkizildi. Biz salada qarajattyń qoljetimdiligin arttyrý boıynsha júıeli sharalar qabyldap jatyrmyz. «Samuryq-Qazyna» qory startaptar ınnovatsııalaryna turaqty suranysty qalyptastyrý úshin zor áleýetke jáne múmkindikterge ıe», — dedi A. Mamın.

Úkimet basshysy Dúnıejúzilik ekonomıkalyq forýmmen birlesip Qazaqstanda Aımaqtyq Úlestes tórtinshi ónerkásiptik revolıýtsııa ortalyǵyn iske qosý boıynsha jobany júzege asyrýdyń belsendi fazasy bastalǵanyn aıtty.

«AHQO bazasyndaǵy jańa ortalyq bizdi Izraıl, Úndistan, Qytaı, BAÁ, AQSh jáne Japonııany qosa alǵanda, búkil álem boıynsha iri ortalyqtar jelisimen biriktirýge múmkindik beredi. Osylaısha, Dúnıejúzilik ekonomıkalyq forýmynyń jetekshi álemdik seriktes kompanııalary jelisi arqyly Qazaqstanǵa ozyq bıznes áriptesterdi tartýǵa yqpalyn tıgizedi», — dedi A. Mamın.

Premer-Mınıstr tsıfrlyq tehnologııalardyń budan arǵy ıntegratsııasy Qazaqstannyń álemniń asa básekege qabiletti 30 eliniń qataryna kirýi jáne qazaqstandyqtardyń ál-aýqatyn jaqsartýy úshin asa mańyzdy ekenin atap ótti.

Úkimet basshysy «Samuryq-Qazyna» UÁQ» AQ jáne onyń seriktesteriniń qorjyndyq kompanııalarynyń tsıfrlyq tehnologııalar jáne «aqyldy qalalar» salalaryndaǵy jetistikteriniń kórmesimen tanysty.

Sharaǵa 700-ge jýyq adam — «Samuryq-Qazyna» UÁQ» AQ basqarma tóraǵasy, tsıfrlyq damý, ınnovatsııalar jáne aeroǵarysh ónerkásibi mınıstri A. Jumaǵalıev, ulttyq kompanııalardyń basshylary, sondaı-aq, AT jáne telekommýnıkatsııalyq bıznes ókilderi qatysty.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT