Chıkagoda atysqan kúdikti er adam ómir boıyna túrmede otyrýy múmkin
2022 jylǵy 6 shilde 16:08

Chıkagoda atysqan kúdikti er adam ómir boıyna túrmede otyrýy múmkin

ChIKAGO. QazAqparat - 4 shildede AQSh-tyń Illınoıs shtatyndaǵy Haılend-parkte ótken paradta jappaı atysqa qatysty 21 jastaǵy kúdiktige І dárejeli adam óltirý qylmysynyń 7 pýnkti boıynsha aıyp taǵyldy, dep habarlaıdy QazAqparat ABC News arnasyna silteme jasap.

Polıtsııanyń habarlaýynsha, kúdikti Robert Krımo III sherýshiler men qasyndaǵylarǵa oq atqan kezde 7 adam qaza taýyp, keminde 38 adam jaraqat alǵan. Jetinshi jábirlenýshi seısenbide oqtan alǵan jaraqatynan qaıtys boldy.

Polıtsııanyń málimetinshe, qylmysker jappaı adam óltirýdi birneshe apta boıy josparlanǵan. Ol kásiporyn shatyryna baspaldaqpen shyǵyp, sol jerden oq atqan.

Qylmysqa AR-15 avtomaty qoldanylyp, odan 70-ten astam oq atyldy. Krımo qarýdy Illınoıs shtatynda zańdy túrde satyp aldy. Onyń sońǵy bir jyl ishinde barlyǵy bes tapansha men eki myltyq satyp alǵany anyqtaldy. Jas jigit atys bitkennen keıin adamdar arasynda jasyryný úshin áıel kıimin kıgen.

Kinási dáleldense, Robert Krımo III túrmege merziminen buryn shyǵý quqyǵynsyz ómir boıy qamalýy múmkin.

Memlekettik prokýror Erık Raınhart jábirlenýshilerdiń taǵy ondaǵan shaǵymy qaralyp jatqanyn aıtty. Quzyrly organdar qylmyskerge eń joǵary jazany izdeıtin bolady.

Vıdeodan alynǵan skrın
Uqsas jańalyqtar

Jańalyqtar

Úrdis

MURAǴAT