Chıkago mańynda sherýge qatysýshylarǵa oq atyldy: 6 adam qaza bolyp, 20-sy jaralandy
2022 jylǵy 5 shilde 03:20

Chıkago mańynda sherýge qatysýshylarǵa oq atyldy: 6 adam qaza bolyp, 20-sy jaralandy

NUR-SULTAN. QazAqparat - Chıkago irgesindegi Haılend-park eldi mekeninde táýelsizdik kúnine oraı ótken sherý kezinde belgisiz bireý adamdarǵa oq jaýdyryp, 6 kisini mert qyldy. 20-dan astam adam túrli dárejede jaraqat alǵan. Qylmys ornynan vıntovka tabyldy, dep habarlaıdy QazAqparat VVS-ge silteme jasaı otyryp.

«Tártip saqshylary qaskóıdi izdestirip jatyr. Qylmys ornynan aıǵaq zat - vıntovka tabyldy. Polıtsııa qyzmetkerleri atys bolǵan jerge keldi jáne oqıǵa bolǵan aýdandy qorshap tur» delingen Haılend-parktiń resmı saıtynda.

Sherý atys dybysy estilgen soń-aq toqtatylǵan.

«Men 20-25 ret arty-artynan oq atylǵanyn estidim. Sondyqtan bul tapansha da, m ergender qarýy da bolýy múmkin « dep pikir bildirgen jergilikti turǵyn Maılz Zaremskı Chicago Sun-Times basylymyna.

Haılend-park meri sherý toqtatylǵanyn aıtty jáne oǵan kelgen adamdardan qaýipsiz jerge bas saýǵalaýyn surady.
Áleýmettik jelilerde oqıǵa ornyna óte kóp polıtsııa qyzmetkerleri men jedel járdem kóligi attanǵanyn kórsetetin fotolar jarııalanyp jatyr.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT