+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Chempıondar lıgasynda «Real Madrıd» pen «ıÝventýs» jarystan shyǵyp qaldy

2020 jylǵy 8 tamyz 03:00
Bólisińiz:
Chempıondar lıgasynda «Real Madrıd» pen «ıÝventýs» jarystan shyǵyp qaldy

NUR-SULTAN. QazAqparat - Búgin UEFA Chempıondar lıgasynda shırek fınalǵa joldama alǵan taǵy eki komanda anyqtaldy, dep habarlaıdy QazAqparat tilshisi.

Esterińizge sala ketelik, dop dodasy 11 naýryzdan keıin koronavırýs indetine baılanysty keıinge shegerildi. Týrnırdiń 1/8 fınalyndaǵy tórt oıyn bolyp, qalǵan tórteýi ótkizilmeı qalǵan edi.

Shırek fınalǵa naýryz aıynda «Leıptsıg» (Germanııa), «Atletıko Madrıd» (Ispanııa), «Atalanta» (Italııa) jáne «Parı Sen-Jermen» (Frantsııa) komandalary joldama alǵan bolatyn.

Búgin Anglııada jergilikti «Manchester Sıtı» jáne Ispanııanyń «Real Madrıd» komandalary kezdesti. Aǵylshyndar Madrıdte ótken alǵashqy oıynda 2:1 esebimen basym túsken edi. Sondyqtan «Real Madrıd» búgin baryn saldy. Degenmen oıynda «Manchester Sıtı» sapynan Rahım Sterlıng 9-mınýtta esep ashty. Oǵan 28-mınýtta «Real» shabýylshysy Karım Benzema bir golmen jaýap berdi.

Al 68-mınýtta aǵylshyn klýbynyń oıynshysy Gabrıel Jezýs «Manchester Sıtıdi» taǵy da alǵa shyǵardy. Kezdesýde aǵylshyn klýby 2:1 esebimen jeńiske jetip, jarystyń kelesi satysyna joldama aldy.

Taǵy bir oıyn Italııada ótti. Týrınniń «ıÝventýsy» óz alańynda Frantsııanyń «Lıon» klýbyn qabyldady. Oıynnyń 12-mınýtynda «Lıon» oıynshysy Mempıs Depaı penaltıden esep ashsa, oǵan «ıÝventýs» sapynan Krıshtıaný Ronaldý da 43-mınýtta penaltıden jaýap berdi.

Krıshtıaný Ronaldý 60-mınýtta taǵy bir márte mergendik tanytyp, óz komandasyn alǵa shyǵardy. Kezdesýde «ıÝventýs» 2:1 esebimen basym tústi. Degenmen alǵashqy oıynda 1:0 esebimen jeńiske jetken «Lıon» jarysty jalǵastyratyn boldy.

Shırek fınalda «Manchester Sıtı» men «Lıon» ózara jup qurady.

Týrnırdiń atalǵan satysyndaǵy taǵy eki oıyn 8 tamyzda ótkiziledi. Bul kúni «Barselona» (Ispanııa) men «Napolı» (Italııa), «Bavarııa» (Germanııa) men «Chelsı» (Anglııa) komandalary kezdesedi. Oıyndar «Qazaqstan» jáne «Qazsport» telearnalarynan elorda ýaqytymen 00.50-de tikeleı efırde kórsetiledi.

Chempıondar lıgasynyń qalǵan bóligi Portýgalııa astanasy - Lıssabon qalasynda ótedi. Ol segizdik fınaly formatynda bolady. Oıyndar 10-23 tamyz aralyǵynda ótkiziledi.


Bizdiń kanalymyzǵa jazylyńyz:

#Sport  
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT