Chehııa turǵyny koronavırýsty qasaqana taratqany úshin 3 jylǵa sottalýy múmkin
2022 jylǵy 20 qańtar 23:50

Chehııa turǵyny koronavırýsty qasaqana taratqany úshin 3 jylǵa sottalýy múmkin

NUR-SULTAN. QazAqparat - Jańa Zelandııa shekarany qaıta ashýdy josparlap otyr, dep habarlaıdy QazAqparat Covid-19 taralýyna jol bermeý jónindegi vedomstvoaralyq komıssııasynyń Telegram kanalyna silteme jasap.

Sheteldikterge elge kirý 2020 jyldyń naýryzynan bastap jabyldy, buǵan deıin bılik bul tyıymdy 2022 jyldyń qańtarynan bastap joıýdy josparlaǵan, sodan keıin aqpan aıy týraly sóz boldy. Endi merzimder áli de belgisiz, óıtkeni bılik halyqqa omıkronnan qorǵaný úshin qaıta vaktsınatsııalaýǵa ýaqyt bermek.

Chehııa turǵyny koronavırýsty qasaqana taratqany úshin sottaldy. Polıtsııa er adam ózinen koronavırýs anyqtalǵannan keıin karantın talaptaryn saqtamaǵanyn jáne medıtsınalyq maskasyz qoǵamdyq oryndarǵa barǵanyn anyqtady. Ol 3 jylǵa deıin bas bostandyǵynan aıyrylýy múmkin.

Álemde bir kúnde 3,8 mıllıonǵa jýyq adamnan koronavırýs anyqtaldy. Budan basqa, birqatar elderde koronavırýspen aýyrǵandardyń táýliktik ósimi boıynsha antırekordtar ornatyldy: Brazılııada – 204 854, Germanııada – 133 536, Izraılde – 71 844, Portýgalııada – 52 549, Japonııada – 41 485, Horvatııada – 11 343, Qazaqstanda – 15 872.


Jańalyqtar

MURAǴAT