+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Cemeılik oqýshylar obyrdy emdeý salasyn zerttep, avtorlyq quqyq aldy

2020 jylǵy 16 aqpan 23:40
Bólisińiz:
Cemeılik oqýshylar obyrdy emdeý salasyn zerttep, avtorlyq quqyq aldy

SEMEI. QazAqparat – Semeı qalasyndaǵy Nazarbaev Zııatkerlik mektebiniń Fızıka ádistemelik birlestiginiń jetekshisi Ashat Jumabekov 11 synypta oqıtyn óz shákirtteri Bek Kadesov jáne Álisher Rymqanmen birge onkoterapııada qoldanylatyn altyn nanobólshekterdiń qurylymyn zerttegen. Bul tabysty jumystary úshin olar avtorlyq quqyq aldy, dep habarlaıdy QazAqparat.

Uqsas jańalyqtar
Qasym-Jomart Toqaev: Aımaǵambetov oılanýy tıis Energetıka salasynda eńbek etsem deımin – Ámirjan Armandıev

Ónertapqyshtarǵa osy jobany iske asyrýǵa 1 jarym jyldaı ýaqyt ketken. Bul zertteý hımıoterapııa jáne sáýlelik terapııanyń dástúrli quraldaryna balama tabý maqsatynda júrgizilgen.

Muǵalim óz oqýshylary Bek Kadesov jáne Álisher Rymqanmen birlesip birqatar tájirıbeler nátıjesinde medıtsınalyq maqsatta qoldanylatyn, durys sferalyq pishindegi altyn nanobólshekterdi aldy. Osy maqsatqa jetý úshin Nazarbaev Zııatkerlik mektebiniń, Semeı qalasyndaǵy Shákárim atyndaǵy memlekettik ýnıversıtetiniń, D.Serikbaev atyndaǵy ShQMÝ-dyń zerthanalarynda ártúrli turaqtandyrǵyshtar, altyn nanobólshekterin tabý jáne anyqtaý ádisteri zerttelgen eken.

«Shákirtterim óte jaqsy jumys istedi. Alynǵan altyn nanobólshekterdiń qurylymyn zertteý úshin bólshekterdiń morfologııasyn jáne olardyń mólsherin anyqtaýda spektrometrııa jáne taratý elektrondy mıkroskopııasyn qoldaný arqyly tájirıbeler júrgizildi. Eń uzaq kezeń – paıdaly ádebıetti jáne osy baǵyttaǵy derekkózderdi zertteý boldy. Kózdegen maqsatqa jetý úshin oqýshylar fızıka, hımııa, matematıka, bıologııa jáne kompıýterlik modeldeý pánderin qatar qarastyrdy», - deıdi Ashat Jumabekov.

Onyń aıtýynsha, bul zertteý STEAM-daǵy pánaralyq jáne onkologııalyq terapııadaǵy ádisterdi jetildirýge yqpal etedi. Altyn nanobólshekterdi qoldaný kompıýterlik modeldeýmen kóringen.

«Bolashaqta qaterli isik jasýshalary bólimderinde altyn nanobólshekterin synaý josparlanýda. Ol úshin Semeı qalasyndaǵy ıadrolyq medıtsına jáne onkologııa ǵylymı-zertteý ınstıtýtymen memorandým jasaý oıymyzda bar. Osy rette bizge qoldaý bildirgen mektebimizge, ata-analarǵa, Semeı qalasynyń Shákárim atyndaǵy ýnıversıtetiniń PhD aǵa oqytýshysy, ǵylymı keńesshimiz A.Klıvenkoǵa, D.Serikbaev atyndaǵy ShQMTÝ bas mamany A.Djeske alǵysymyzdy bildiremiz», - deıdi joba jetekshisi.

11-14 aqpan aralyǵynda Almaty qalasyndaǵy ál-Farabı atyndaǵy Qazaq ulttyq ýnıversıtetinde QR Bilim jáne ǵylym mınıstrliginiń «Daryn» respýblıkalyq ǵylymı-praktıkalyq ortalyǵy jyl saıynǵy respýblıkalyq ǵylymı jobalar baıqaýynyń qorytyndy kezeńin ótkizdi. Oǵan Bek Kadesov pen Álisher Rymqan qatysyp, avtorlyq quqyq alǵan jobalaryn usynǵan. Ádil-qazylardyń sheshimimen jas ónertapqyshtar ekinshi oryndy ıelendi.

«Osymen toqtap qalmaımyz. Áli alda iste asyrmaq josparlarymyz az emes. Avtorlyq quqyq alǵan jobamyzdy ary qaraı jalǵastyramyz. Qazirgi ýaqytta mektepter aldynda HHІ ǵasyrdyń jańa kóshbasshylaryn qalyptastyrý jáne olardyń shyǵarmashylyq belsendiligin arttyrý mindeti tur. Muǵalimder oqýshylardyń oı-órisin damytyp, ǵylymǵa degen qyzýǵýshylyqtaryn arttyrý kerek dep sanaımyn», - deıdi Ashat Sovethanuly.


Bizdiń kanalymyzǵa jazylyńyz:

Bólisińiz:

Avtor:

Talǵatjan Muhametbekuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT