+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Tselınograd aýdanynda kún elektr stansasy salynady - Aqmola oblysy

2019 jylǵy 11 qarasha 22:35
Bólisińiz:
Tselınograd aýdanynda kún elektr stansasy salynady - Aqmola oblysy

KÓKShETAÝ. QazAqparat - Aqmola oblysynyń Tselınograd aýdany Qabanbaı batyr aýylynda qýaty 100 MVt kún elektr stansasyn salý josparlanyp otyr. Bul týraly aımaq basshysy Ermek Marjyqpaevtyń tóraǵalyǵymen ótken apparat májilisinde aıtyldy, dep habarlaıdy QazAqparat tilshisi.

Oblys ákiminiń baspasóz qyzmetinen málim etkendeı, otyrysta Qazaqstan men Reseı arasyndaǵy 16-shy Óńiraralyq áriptestik forýmy sheńberinde reseılik áriptestermen qol jetkizilgen kelisimderdi júzege asyrý máselesi talqylandy. Sonymen birge, keler jyly Kókshetaýda ótkiziletin forýmǵa daıyndyqty qazirden bastaý kerektigi aıtylyp, jaýapty tulǵalarǵa tıisti tapsyrmalar júkteldi.

«Memleket basshysy Qasym-Jomart Toqaev kelesi forým Kókshetaýda ótetindigin resmı túrde jarııalady. Bizdiń negizgi mindetimiz – osy is-sharany laıyqty ótkizý», – dedi Ermek Marjyqpaev.

Májiliste aımaq basshysy QR Premer-Mınıstri Asqar Mamınniń Tselınograd aýdanynyń Rodına aýylyna jáne vıtse-premer Berdibek Saparbaev bastaǵan úkimettik jumys tobynyń Aqmola oblysyna jumys saparlarynyń nátıjeleri, sondaı-aq óńirlik damý salalary boıynsha birqatar tapsyrmalar berdi.

«Barlyq máseleler baqylaýǵa alynýy jáne pysyqtalýy qajet. Jalpy oblys, aýdandar, departamentter tıimdi jumys isteýleri, «Halyq únine qulaq asatyn memleket» talaptaryna sáıkes kelýleri qajet. Biz jaqsy qujattarǵa qol qoıa alamyz, sátti kelisimderge qýanamyz, al qarapaıym jandar úshin bul mańyzdy emes. Sondyqtan, memlekettik organdar úshin eń bastysy – azamattardyń kóńil-kúıine den qoıý», – dep qorytyndylady oblys ákimi.

Bizdiń kanalymyzǵa jazylyńyz:

Bólisińiz:

Avtor:

Aslan Ospanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT