Tselınograd aýdanynda 179 tekshe metr qar sý soryldy - Aqmola oblysy

KÓKShETAÝ. QazAqparat - Aqmola oblysynyń TJD kúshteri Tselınograd aýdanynda 179 tekshe metr qarǵyn sý sordy. Sonymen qatar, aýdanda qar tazalaý jumystary táýlik boıy toqtaýsyz júrgizilýde, dep habarlaıdy QazAqparat tilshisi aýmaqtyq TJD baspasóz qyzmetine silteme jasap.

Uqsas jańalyqtar

ShQO-da kóktemgi sý tasqynynyń aldyn alý úshin qandaı jumystar atqarylýda

Kóktemde bolýy yqtımal sý tasqynyna daıyndyq josparǵa saı júrip jatyr - Qazsýshar Petropavlda bir túnde rekordtyq mólsherde qar shyǵaryldy

Vedomstvonyń málimetinshe, qazirgi kezde 736 583 metr qar tazalandy. Bul ótken jyldyń osy kezeńimen salystyrǵanda 56 000 tekshe metrge kóp. Onyń ishinde Qaraótkel aýylynda 127 020 tekshe metr qar shyǵarylyp, aýdandyq, oblystyq jáne respýblıkalyq mańyzdaǵy avtokólik joldaryndaǵy sý ótkizetin 160 nysan tazalandy. Budan bólek, eldi-mekenderdegi aryqtar men arnalar tazartylyp, 20 160 metr aýmaǵy keńeıtildi. Onyń basym kópshiligi Qoıandy aýylyna tıesili.

Qaraótkel jáne Talapker aýyldyq okrýgteri aýmaǵynda aınalma jol kópirinen bastap, Nuresil aýylyna deıin Esil ózeni arnasyn tazartyp, keńeıtý jumystary júrgizilýde.

Naýryzdyń 10-nan 31-i aralyǵynda Nura jáne Esil ózenderinde 3 400 sharshy metr aýmaqta muz jaryldy.

«Qazirgi kezde Tselınograd aýdanynda kóktemgi sý tasqynynyń aldyn alý jumystaryna TJD jeke quramynan 198 adam jáne 84 birlik arnaıy tehnıka, 40 sý sorǵysh jumyldyrylýda», - deıdi Tselınograd aýdandyq TJB bastyǵy Arman Nurkenov.