+7 (701) 759 90 19
USD 426.14 EUR 497.05
RUB 6.02 CNY 66.69
Jańalyqtar

Capital Bank Kazakhstan salymshylaryna tólem jasaý kúni men tártibi jarııalandy

2021 jylǵy 2 shilde 10:21
Bólisińiz:
Capital Bank Kazakhstan salymshylaryna tólem jasaý kúni men tártibi jarııalandy

ALMATY. QazAqparat - Qazaqstannyń depozıtterge kepildik berý qory «Capital Bank Kazakhstan» AQ salymshylaryna kepildik berilgen ótemdi 3 shildesinen bastap tóleı bastaıdy, dep habarlaıdy QazAqparat.

Agent bank retinde «Eýrazııalyq bank» AQ tańdap alyndy.

«Capital Bank Kazakhstan» AQ depozıtterinde, aǵymdaǵy shottarynda jáne tólem kartochkalarynda aqshalary bar jeke tulǵalar men dara kásipkerler kepildik berilgen ótemdi alýǵa quqyly. Kepildik berilgen ótemdi tóleýge ótinishter qabyldaý jáne ótem tóleý operatsııalary agent banktiń bólimshelerinde júrgiziledi.

«Capital Bank Kazakhstan» AQ fılıaldarynyń tek Nur-Sultan men Almaty qalalarynda ornalasqandyǵyna qaramastan, salymshylarǵa yńǵaıly bolýy úshin agent bank ótinishterdi Qazaqstannyń basqa da eldimekenderinde qabyldaıtyn bolady. Agent banktiń fılıaldary men bólimsheleriniń mekenjaılary jáne jumys isteý tártibi týraly aqparat Eýrazııalyq banktiń www.eubank.kz resmı saıtynda.

2021 jyldyń 1 shildesindegi jaǵdaı boıynsha epıdemııalogııalyq ahýalǵa sáıkes Nur-Sultan men Almaty qalalary «qyzyl» aımaqqa engizildi. Sondyqtan agent banktiń osy qalalardaǵy bólimsheleri aldaǵy demalys (mereke) kúnderi jumys istemeýi múmkin. Bul rette salymshylar ótem alý úshin basqa kez kelgen kúnderi ótinish bere alady.

QDKBQ salymshylarǵa agent banktiń bólimshelerine barýdan aldyn, onyń saıty arqyly bólimshelerdiń jumys isteý tártibi jáne qanshalyqty jumysbasty ekendigin aldyn ala bilip alýǵa keńes beredi.

Ótemdi alý úshin salymshy ótinish toltyryp, jeke basyn kýálandyratyn qujatyn kórsetýi qajet. Eger salymshynyń ornyna basqa tulǵa ótinish beretin bolsa, onda quqyq belgileýshi qujattar usynylady. Mysaly, notarıýs kýálandyrǵan muragerlik quqyǵy týraly kýálik nemese senimhat. Kepildik berilgen ótem salymshyǵa onyń qujattary agent bankke kelip túsken kúnnen bastap 5 jumys kúni ishinde tólenedi.

Salymshylar kepildik berilgen ótemdi ózderine yńǵaıly tásilmen: agent banktiń kassasynan qolma-qol aqshamen, sol agent bankte bank shotyn (kartochka) ashý nemese kez kelgen basqa bankke aýdarý arqyly alýǵa quqyly. Bul rette agent bank tólem alýǵa ótinishti bólimshege kelmeı-aq, www.eubank.kz saıtynda onlaın túrinde berýge keńes beredi. Kepildik berilgen ótemdi tóleý jónindegi ótinish blankisin tikeleı agent bankten alýǵa nemese QDKBQ saıtynan (www.kdif.kz) elektrondy nusqasyn júktep alyp, aldyn ala toltyrýǵa bolady.

Eske salamyz, kepildik berilgen ótem bank lıtsenzııasynan aıyrylǵan kúnge qaraı eseptelgen syıaqyny eskere otyryp, «Capital Bank Kazakhstan» AQ salymshylarynyń depozıtterindegi qaldyq soma sheginde tólenedi. Bul rette kepildik soma: teńgedegi jınaq depozıtter boıynsha – 15 mln teńgeden; teńgedegi basqa depozıtter boıynsha – 10 mln teńgeden; shetel valıýtasyndaǵy depozıtter boıynsha – valıýta balamasynda 5 mln teńgeden aspaıdy (bank lıtsenzııasynan aıyrylǵan kúni – 2021 jylǵy 25 maýsymda belgilengen valıýta aıyrbastaý baǵamy boıynsha).

«Capital Bank Kazakhstan» AQ salymshysynyń bankte túri men valıýtasy boıynsha eki jáne odan da kóp kepildendirilgen depozıtteri bar bolsa, Qor olar boıynsha 15 mln teńgeden aspaıtyn kólemde kepildik berilgen jıyntyq ótem tóleıdi. Bul rette árbir salym túri boıynsha belgilengen lımıtter eskeriledi. Mysaly, shetel valıýtasyndaǵy depozıtter boıynsha shekti soma joǵaryda kórsetilgenindeı valıýta balamasynda 5 mln teńgeden aspaıdy.

Eger salymshy tólem bastalǵan kúnnen bastap bir jyl ishinde (2021 jyldyń 3 shildesinen bastap 2022 jyldyń 3 shildesine deıin) ótem alýǵa ótinish bermese, onda talap etpegen aqshasy onyń Biryńǵaı jınaqtaýshy zeınetaqy qorynda (BJZQ) ashylǵan, erikti zeınetaqy jarnalaryn esepke alýǵa arnalǵan jeke zeınetaqy shotyna aýdarylady.

Depozıtterinde Qor tarapynan saqtalýyna kepildik berilgen somadan artyq qalǵan aqshalaryn alý úshin salymshylar, bankti májbúrlep taratý týraly sot sheshimi zańdy kúshine engen soń, «Capital Bank Kazakhstan» AQ taratý komıssııasyna ótinish berýge quqyly.

Buǵan deıin, «Capital Bank Kazakhstan» bank lıtsenzııasynan aıyrylǵany týraly jazǵan bolatynbyz.

Lıtsenzııadan aıyrý kúngi jaǵdaı boıynsha Bank aktıvteriniń mólsheri 38,5 mlrd teńgeni, nesıe portfeli – 33,9 mlrd teńgeni qurady, onyń ishinde 30,4 mlrd teńge nemese Banktiń nesıe portfeliniń 89,8%-y – 90 kúnnen astam merzimi ótken jumys istemeıtin kredıtter.


Bizdiń kanalymyzǵa jazylyńyz:

#Bankter  
Bólisińiz:

Avtor:

Alma Muqanova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT