+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Capital Bank Kazakhstan salymshylary aldyndaǵy mindettemeler 85%  oryndaldy

2021 jylǵy 19 tamyz 10:33
Bólisińiz:
Capital Bank Kazakhstan salymshylary aldyndaǵy mindettemeler 85%  oryndaldy

ALMATY. QazAqparat - Qazaqstannyń depozıtterge kepildik berý qory «Capital Bank Kazakhstan» AQ salymshylary aldyndaǵy óz mindettemelerin 85% oryndady, dep habarlaıdy QazAqparat tilshisi.

Uqsas jańalyqtar
Almatyda qoǵamdyq oryndarda dabyl batyrmalary ornatylady Sadaq atýdan Qazaqstan chempıonaty bastaldy Qaraǵandy oblysynda tutynýshylar quqyǵy buzylǵany jaıly 2000-nan astam shaǵym túsken

Qazaqstannyń depozıtterge kepildik berý qory (Qor) agent bank retinde tańdap alynǵan «Eýrazııalyq bank» AQ arqyly «Capital Bank Kazakhstan» AQ salymshylaryna 1,4 mlrd astam teńge tóledi. Bul bank salymshylary aldyndaǵy mindettemelerdiń jalpy kóleminiń 85%-yn quraıdy.

Kepildik berilgen ótemdi tóleý sońǵy kúnin qosa alǵanda 2022 jyldyń 3 shildesine deıin jalǵasady. Qor áli ótem almaǵan salymshylarǵa agent banktiń kez kelgen bólimshesine baryp, ótem tóleý jónindegi ótinishti toltyrýǵa keńes beredi.

Agent bank kepildik berilgen ótemdi alý jónindegi ótinishti tek Nur-Sultan jáne Almaty qalalarynda ǵana emes, Qazaqstannyń basqa da eldimekenderinde ornalasqan bólimsheleri arqyly qabyldaıdy. Aqparat www.eubank.kz resmı saıtynda qoljetimdi.

Aıta keteıik, kepildik berilgen ótem bank lıtsenzııasynan aıyrylǵan kúnge qaraı eseptelgen syıaqyny eskere otyryp, «Capital Bank Kazakhstan» AQ salymshylarynyń depozıtterindegi qaldyq soma sheginde tólenedi. Bul rette kepildik soma:

teńgedegi jınaq depozıtter boıynsha – 15 mln teńgeden;

teńgedegi basqa depozıtter boıynsha – 10 mln teńgeden;

shetel valıýtasyndaǵy depozıtter boıynsha – valıýta balamasynda 5 mln teńgeden aspaıdy (bank lıtsenzııasynan aıyrylǵan kúni – 2021 jylǵy 25 maýsymda belgilengen valıýta aıyrbastaý baǵamy boıynsha).

«Capital Bank Kazakhstan» AQ salymshysynyń bankte túri men valıýtasy boıynsha eki jáne odan da kóp kepildendirilgen depozıtteri bar bolsa, Qor olar boıynsha 15 mln teńgeden aspaıtyn kólemde kepildik berilgen jıyntyq ótem tóleıdi. Bul rette árbir salym túri boıynsha belgilengen lımıtter eskeriledi. Mysaly, shetel valıýtasyndaǵy depozıtter boıynsha shekti soma joǵaryda kórsetilgenindeı valıýta balamasynda 5 mln teńgeden aspaıdy.

Kepildik berilgen ótem salymshyǵa onyń qujattary agent bankke kelip túsken kúnnen bastap 5 jumys kúni ishinde tólenedi.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT