+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

BJZQ zeınetaqy aktıvteriniń kirisi 2,84% boldy

2021 jylǵy 1 mamyr 14:51
Bólisińiz:
BJZQ zeınetaqy aktıvteriniń kirisi 2,84% boldy

ALMATY. QazAqparat - Salymshylar biryńǵaı jınaqtaýshy zeınetaqy qorynyń saıtynan QR Ulttyq bankiniń basqarýyndaǵy zeınetaqy aktıvteriniń ınvestıtsııalyq portfelimen jáne basqarýshy kompanııalarǵa berilgen zeınetaqy aktıvteriniń portfelderimen egjeı-tegjeıli tanysa alady, dep habarlaıdy QazAqparat tilshisi.

Uqsas jańalyqtar
Serik Shápkenov zeınetke shyǵý jasyn tómendetý máselesine qatysty pikir bildirdi 313 myń salymshy zeınetaqy jınaqtarynyń bir bóligin paıdalandy

Biryńǵaı jınaqtaýshy zeınetaqy qorynyń málimetinshe, 2021 jyldyń 1 sáýirinde basqarýda bolǵan zeınetaqy aktıvteriniń jalpy kólemi 12 603,7 mlrd teńgeden asty. Bul rette BJZQ-nyń Ulttyq bank senimgerlik basqarýyndaǵy zeınetaqy aktıvteri 12 602,31 mlrd teńge boldy.

Qazaqstandyq basqarýshy kompanııalarǵa berilgen qarajattyń jalpy kólemi shamamen 1,7 mlrd teńge.

2021 jyldyń 1 sáýirine QR Ulttyq qoryn basqarý jónindegi keńes maquldaǵan 2021 jylǵa arnalǵan baǵyttar sheńberinde Ulttyq bank ınvestıtsııalaýdyń negizgi baǵyttaryn bylaısha bergen:

- QR Qarjy mınıstrligi shyǵarǵan, aǵymdaǵy quny 5 505,25 mlrd teńgeni (búkil portfeldiń 43,68%) quraıtyn QR Memlekettik baǵaly qaǵazdary. QR Qarjy mınıstrliginiń teńgege nomınaldanǵan memlekettik baǵaly qaǵazdary boıynsha óteýge ortasha alynǵan kiristilik jylyna 8,8%, AQSh dollarynda – jylyna 4,3% qurady.

- QR kvazımemlekettik uıymdarynyń oblıgatsııalary (aǵymdaǵy quny 1 793,91 mlrd teńge (14,23%). QR kvazımemlekettik uıymdarynyń teńgemen nomınaldanǵan oblıgatsııalary boıynsha óteýge ortasha alynǵan kiristilik jylyna 10,8%, AQSh dollarymen jylyna 5,4% qurady.

- 1 062,57 mlrd teńge (8,43%) somasyna QR ekinshi deńgeıdegi bankteriniń oblıgatsııalary. QR ekinshi deńgeıli bankter teńgege nomınaldanǵan oblıgatsııalary boıynsha óteýge ortasha alynǵan kiristilik jylyna 10,1%, AQSh dollarynda jylyna 0,5% qurady. Ekinshi deńgeıli bankter depozıtterine 248,24 mlrd teńge (nemese portfeldiń 1,97%) ornalastyryldy. Salymdaryn óteýge ortasha alynǵan kiristilik esepti kúnge jyldyq 9,1 %-dy qurady.

- 1 056,52 mlrd teńge (portfeldiń 8,38%-y) mólsherindegi syrtqy basqarýdaǵy aktıvter. 2021 jyldyń 1 qańtarymen salystyrǵanda ósim 29,39 % boldy.

BJZQ zeınetaqy aktıvteri esebinen satyp alynǵan qarjy quraldary nomınaldanǵan valıýtalar bólinisindegi qarjy quraldarynyń ınvestıtsııalyq portfeli bylaısha berilgen:

- ulttyq valıýtadaǵy ınvestıtsııalar – 68,92%, AQSh dollarynda – 30,93%, reseı rýblinde – zeınetaqy aktıvteri portfeliniń 0,14%-y.

Jyl basynan beri eseptelgen ınvestıtsııalyq tabystyń qurylymy mynadaı sıpatqa ıe:

- baǵaly qaǵazdar, onyń ishinde ornalastyrylǵan salymdar jáne «keri REPO» operatsııalary boıynsha syıaqy túrindegi kirister 216,85 mlrd teńge;

- baǵaly qaǵazdardy naryqtyq qaıta baǵalaýdan túsken kirister 46,01 mlrd teńge;

- shetel valıýtasyn qaıta baǵalaýdan túsken kirister 24,82 mlrd teńge;

- syrtqy basqarýdaǵy aktıvter boıynsha kirister 50,75 mlrd teńge;

- ózge de kirister 28,8 mlrd teńgeni qurady.

Osylaısha, 2021 jyldyń basynan eseptelgen ınvestıtsııalyq tabystyń mólsheri 367,23 mlrd.teńge. 2021 jyldyń basynan bastap salymshylardyń (alýshylardyń) shottaryna bólingen BJZQ zeınetaqy aktıvteriniń kiristiligi 1,90% ınflıatsııa kezinde 2,84% boldy. Eger jyldyq mánde qaraıtyn bolsaq, onda BJZQ salymshylary (alýshylary) úshin 2020 jylǵy sáýirden bastap 2021 jylǵy naýryzǵa deıin zeınetaqy aktıvteriniń kiristiligi 7,00% mólsherindegi ınflıatsııa kezinde 7,57% boldy.


Bizdiń kanalymyzǵa jazylyńyz:

Bólisińiz:

Avtor:

Alma Muqanova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT