+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

BJZQ Ázerbaıjandyq bankke salynǵan zeınetaqy qoryndaǵy qarajat týraly aıtty

2019 jylǵy 13 qazan 19:16
Bólisińiz:
BJZQ Ázerbaıjandyq bankke salynǵan zeınetaqy qoryndaǵy qarajat týraly aıtty

NUR-SULTAN. QazAqparat – BJZQ basqarýshy dırektory Máýlen Óteǵulov Ázerbaıjan bankine ınvestıtsııalanǵan qazaqstandyqtardyń zeınetaqy qoryndaǵy qarajat týraly aıtty, dep habarlaıdy QazAqparat tilshisi.

Uqsas jańalyqtar
Qazaqstandyqtardyń zeınetaqy jınaǵy 10,4 trln teńgege jetti BJZQ «Qazatomónerkásip» aktsııalarynyń arqasynda 21 mlrd teńge tabys tapty

Máýlen Óteǵulov óziniń facebook paraqshasynda salymshylardyń kóbi ázerbaıjandyq bankke salynǵan qarajat qaıtpaı qalady dep oılaǵany týraly jazdy.

BJZQ basqarýshy dırektory bul áńgimeniń shyndyqqa janaspaıtynyn aıtady.

«2014 jyldyń qazan aıynda BJZQ zeınetaqy aktıvteriniń esebinen Halyqaralyq Ázerbaıjan bankiniń (HÁB) quny 250 mln dollarlyq qundy qaǵazdary satylyp alyndy. 2017 jyldyń 11 mamyrynda HÁB-tiń Nıý-Iorktegi sotqa bankrottyqty jarııalaıtyny anyqtaldy. Keıin HÁB-tiń qaıta qurylymdalǵany habarlandy», - dep jazady Máýlen Óteǵulov.

Onyń sózine sensek, qaıta qurylymdalǵannan keıin HÁB oblıgatsııalary Ázerbaıjan Úkimetiniń derbes táýelsiz oblıgatsııalaryna aıyrbastalǵan. Bul degenińiz Halyqaralyq Ázerbaıjann bankiniń BJZQ aldyndaǵy mindettemelerin Ázerbaıjan Respýblıkasynyń Úkimeti ózine alyp otyr degendi bildiredi.

«2019 jyldyń qańtar-sáýir aılarynda jaıly naryqtyq konıýnktýrany esepke ala otyryp, Ázerbaıjan Úkimetiniń qalǵan búkil oblıgatsııalary naryqtyq sharttar boıynsha satylǵan. QR Ulttyq bankiniń málimetterine sáıkes, 2014 jyly HÁB oblıgatsııalaryn satyp alǵannan bastap Ázerbaıjan Úkimetiniń oblıgatsııalaryna aýystyrylǵanǵa deıin alynǵan barlyq syıaqylardy esepke ala otyryp, tabystyń naqty ishki stavkasy 4 paıyzdy (valıýtada) quraǵan. Bul stavka shamamen qazaqstandyq bankterge qaraǵanda dollardyq depozıt boıynsha tabystan 4 ese joǵary soma», - deıdi ol.

Máýlen Óteǵulovtyń aıtýynsha, ázerbaıjandyq bankpen bolǵan oqıǵa qazaqstandyq salymshylar úshin jaıly aıaqtalǵan.

Oblıgatsııalardyń satylǵany týraly aqparatty BJZQ-nyń myna siltemesinen kóre alasyz. Ony kórý úshin siltemedegi osy jyldyń aqpan-sáýir aılaryndaǵy sholýyn ashyp, №7 kestesin taýyp alý kerek.

Eske sala keteıik, Qazaqstannyń biryńǵaı jınaqtaýshy zeınetaqy qory 71,3 mlrd teńge ınvestıtsııa salǵan Ázerbaıjannyń halyqaralyq banki bankrotqa ushyraý týraly sotqa ótinish bergen edi.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059

MURAǴAT