+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

«Bıýdjetke qatysý» jobasy: Nur-Sultanda 50-den astam aýla abattandyryldy

2021 jylǵy 6 qyrkúıek 05:20
Bólisińiz:
«Bıýdjetke qatysý» jobasy: Nur-Sultanda 50-den astam aýla abattandyryldy

NUR-SULTAN. QazAqparat - Nur-Sultan qalasynyń ákimi Altaı Kólginov Instagram paraqshasynda «Bıýdjetke qatysý» jobasy boıynsha bıyldyń ózinde 50-den astam aýla abattandyrylǵanyn, sol sııaqty eki jyl ishinde 400 qoǵamdyq keńistik pen aýla salynǵanyn málim etti, dep habarlaıdy elorda ákimdiginiń resmı saıty.

«Elordada jyl saıyn qala turǵyndary bos ýaqytyn taza aýada ótkize alatyn tartymdy oryndar kóbeıip keledi. Bul – aýlalarymyz ben qoǵamdyq keńistikterimiz (saıabaqtar, gúlzarlar, jelekjoldar). Aýlalardy abattandyrýdy jobalaý úshin kópqabatty úılerdiń turǵyndaryn jumyldyramyz.

Memleket basshysy halyqqa Joldaýynda bıýdjetke halyqtyń qatysýy mańyzdy basymdyq bolyp sanalatynyn atap ótti, «Halyqtyń bıýdjetke qatysý» jobasy» bastamalardy azamattardyń naqty qajettilikterine sáıkes iske asyrýǵa múmkindik beredi. Prezıdenttiń tapsyrmasy boıynsha abattandyrý jáne turǵyn úı-kommýnaldyq sharýashylyq bıýdjetine «halyqtyń qatysý» úlesi 10 esege artty.

«Bıýdjetke qatysý» jobasy alǵash ret elordada 2019 jyly iske qosyldy. Joba Saryarqa aýdanynan bastaý aldy. Keıin Almaty jáne Esil aýdandaryn qostyq. Osy jyly atalǵan jobany elordamyzdyń barlyq aýdanynda júzege asyramyz. «Halyqtyń bıýdjetke qatysý» jobasy – aýlasy qandaı bolatynyn turǵyndardyń ózi sheshedi. Turǵyndar aýdandyq ákimdikterge ótinim berip, óz aýlasynyń kelbetin usynady: qandaı oryndar salý kerek, qandaı sport alańdary qajet jáne t.b.

Mysaly, «Bıýdjetke qatysý» jobasy boıynsha bıyldyń ózinde 50-den astam aýlany abattandyrdyq, ótken jylmen salystyrǵanda eki ese kóp. Osylaısha, Saryarqa aýdanynda – 10 aýla, Baıqońyr aýdanynda – 27 aýla, Almaty aýdanynda – 5 aýla.

Eki jyl ishinde biz 400 qoǵamdyq keńistik pen aýlany saldyq. Qalanyń oń jaq bóligi men eldi mekenderge úlken kóńil bólindi», – dep jazdy elorda ákimi.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT