Byltyr elorda bıýdjetine 720 mlrd teńge túsim tústi
2022 jylǵy 27 mamyr 12:45

Byltyr elorda bıýdjetine 720 mlrd teńge túsim tústi

NUR-SULTAN. QazAqparat – Ótken jyly Nur-Sultan qalasynyń bıýdjetine 720 mlrd 378 mln teńge túsim tústi. Bul týraly qalalyq qarjy basqarmasynyń basshysy Álibı Jumaev málim etti, dep habarlaıdy QazAqparat tilshisi.

«2021 jyly Nur-Sultan qalasynyń bıýdjetine 720 mlrd 378 mln teńge túsim tústi. Jospar 43 mlrd 156 mln teńgege artyq oryndaldy. Ózindik kiristiń jalpy kólemi 496 mlrd 264 mln teńgeni qurap, 9,5 paıyzǵa artyq oryndaldy. 455 mlrd 273 mln teńge salyq, 13 mlrd 847,9 mln salyqqa jatpaıtyn túsim tústi. Bul rette bıýdjettik kiris bóliginiń 45 mlrd 849 mln teńgege artyq oryndalýy salyq túsimderiniń esebinen qamtamasyz etildi. Salyq emes túsimder jospary 1 mlrd 122 mln teńgege artyq oryndaldy. Jyldyq jospar 12 mlrd 725 mln teńge bolǵan edi», -dedi Álibı Jumaev qalalyq máslıhat otyrysynda.

Onyń atap ótýinshe, negizgi kapıtaldy satýdan 27 mlrd 143 mln teńge tústi.

«Esepti jylda qarjy basqarmasy «Nurly jer» baǵdarlamasy boıynsha 10 mlrd teńge somasyna memlekettik qundy qaǵazdar shyǵardy. Sonymen qatar Jumyspen qamtý jol kartasyn júzege asyrý aıasyndaǵy is-sharalardy qarjylandyrý úshin 3 mlrd 216 mln teńgege memlekettik qundy qaǵazdar shyǵaryldy», - dedi ol.


Jańalyqtar

MURAǴAT